العربية مش مظبوطة بعد صيانة ال 80 الف!!

[amrnader]

السلام عليكم يا جماعة،

انا عملت صيانة ال80 الف للانسر البومة فى مركز فى المعادى، و من ساعتها و العربية مش مظبوطة. الidle اعلى من 1000 rpm حتى بعد ما العربية تكون سخنت كويس. قبل كدة كان بيثبت على 800 rpm تقريبا.

كمان لما بقفل العربية و افتحها تانى بيوصل 1500 rpm و ينزل براحة لغاية فوق ال 1000 بشوية رغم ان العربية متسخنة و كل حاجة.

الراجل تقريبا نضف ال injection، فهل ده خرب حاجة، و لا الموضوع ده يتظبط ازاى؟ لو حد مر بنفس التجربة يا ريت يقول لانى خايف اروح المركز تانى و الراجل يفتيلى.

بالمناسبة العربية 1600 و خليجى و شكرا مقدما.

[shooter123]

طيب قولنا عملت ايه بالتحديد غيرت حاجة بتاع كدا يعني
العربية اوتو ولا عادي؟
لو اوتو ممكن تسيبها علي ال n لمدة ربع ساعه احيانا الحركة دي بتظبط معايا العربية في حاجات كتيرة

[amrnader]

طيب قولنا عملت ايه بالتحديد غيرت حاجة بتاع كدا يعني
العربية اوتو ولا عادي؟
لو اوتو ممكن تسيبها علي ال n لمدة ربع ساعه احيانا الحركة دي بتظبط معايا العربية في حاجات كتيرة

العربية منيوال، أنا غيرت فلتر الهوا و طقم السيور و سير الكاتينة و نظف الinjection

[M689]

حصل معايا الموضوع ده قبل كده مرتين في صيانة ال 40 ألف وال 80 ألف كم , عادي يومين ثلاثة بالكتير وحترجع طبيبعة متقلقش ده من تنظيف بوابة ال injection

[amrnader]

حصل معايا الموضوع ده قبل كده مرتين في صيانة ال 40 ألف وال 80 ألف كم , عادي يومين ثلاثة بالكتير وحترجع طبيبعة متقلقش ده من تنظيف بوابة ال injection

ربنا يطمنك يا باشا، انا الوضوع بقاله ثلاثة ايام معايا، هتابعه كده و ربنا يسهل.

[eltorky]

حصل معايا الموضوع ده بعد مغيرت فلتر الهوا أنا بس عايز أسئلك علي حاجه أنت نظفت البوابه بعد مغيرت فلتر الهوا ولا قبل ما تغير لان لو أنت نظفتها قبل التغبير مع التغير الفني بينظف مكان الفلتر بالهوا و الهوا ده بيدخل رزاز تراب داخل البوابه وداه اللي حصل عندي بس بعد ما نظفت البوابه بأسبراي رجعت تاني زي الاول و العيب أتلغي و الحمد لله

[mada121977]

ممكن يكون سير الكاتينه لما اتغير اتغيرت التقسيمه بتاعته

[M.Nasr]

ممكن اعرف موضوع تنضيف بوابات ال injection ده بيتعمل ازاى؟؟

[amrnader]

حصل معايا الموضوع ده بعد مغيرت فلتر الهوا أنا بس عايز أسئلك علي حاجه أنت نظفت البوابه بعد مغيرت فلتر الهوا ولا قبل ما تغير لان لو أنت نظفتها قبل التغبير مع التغير الفني بينظف مكان الفلتر بالهوا و الهوا ده بيدخل رزاز تراب داخل البوابه وداه اللي حصل عندي بس بعد ما نظفت البوابه بأسبراي رجعت تاني زي الاول و العيب أتلغي و الحمد لله

تقريبا هو ده اللى ممكن يكون حصل، هحاول اروح تانى انضفها و ربنا يسهل و متشكرين يا باشا

[aburawa]

كدي افصل صباع البطارية لمدة ربع ساعة وشوف الفرق

[m_waheed]

اعتقد الموضوع محتاج ظبط الموتور علي السكانر

[M689]

ممكن اعرف موضوع تنضيف بوابات ال injection ده بيتعمل ازاى؟؟

بيجيب منظف اسبراي ويشيل العمة وبيرش Direct على البوابة (Throttle body) وبيدوس بنزين. .

[M.Nasr]

بيجيب منظف اسبراي ويشيل العمة وبيرش Direct على البوابة (Throttle body) وبيدوس بنزين. .

طب ايه اسم الاسبراى ده هل هو نفسه سبراى تنضيف الكربراتير ولا بتاع ال injection بيكون نوع تانى؟

[M689]

هو نفس الاسبراي كان بينضفو بيه اي عربية في التوكيل

[amrnader]

يا جماعة انا معملتش حاجة فى العربية من ساعتها، و هى الحمد لله بدأت تظبط لوحدها و بقى ال rpm بيثبت على اقل من 1000.