تركيب جهاز إنذار للانسر 2007

[Ayman2007]

كنت قرأت في هذا المنتدى و غيره عن موضوع سرقة اللانسر و بالذات الجديد منها و بصراحة حطيت إيدي على قلبي

و فكرت أركب جهاز إنذار أنا معايا لانسر 2007 (خليجي/سعودي) أوتوماتيك 2007

ياريت أي حد عنده تجارب مماثلة يفيدني بيها

مثلا" أشتريه منين و بكام و مين إللي يركبهولي و إيه العلاقة بينه و بين مفتاح العربية (لأنه ريموت) و إلا مافيش علاقة

و هل فيه أي مشاكل بيسببها تركيب الإنذار و هل تنصحوني بتركيبه

[M_ElSabaa]

بص فى واحد مستورد فى الشارع الى ورا عباس العقاد من ناحية محل جاد عنده ناس كويسيين اوى وعنده كذا موديل وهو التوكيل بتاعهم وانا جربته وهما ناس كويسيين وفى برده واحد انا جربنه فى نص شارع احمد عرابى فى المهندسيين قدام عمر افندى بشوية بس حاول تروح لحد نظيف عشان ميبوظش الدنيا وممكن تخسر الضمان
بس اوعى تنسى الدراع الحديد بتاع الدريكسيون

[boody2]

بص حضرتك انا معايا لانسر برضه 1600 20007 و كنت خايف برضه فركبت جهاز انذار عند ادريان ثمنه حوالي 600 جنيه وهو غالي شوية بس الريموت متوصل بالمفتاح مباشرة من غير ريموت خاص بالانذار و هذا هو سبب غلو سعره و انا تحت امرك في اي سؤال

[Dr Ahmed]

انا ركبت جهاز وولف .. ب165 ج وتركيبه ب 50 ج

مفتاح السيارة مشفر والسيارة لا تدور الا به فلم يصلح تركيب مفتاح بريموت الانذار ، فأنا ماشى بمفتاح العربية الأصلى أبو ريموت+ريموت الانذار

ثانيا: الكهربائى اللى ركبه خاف يوصله على دايرة الموتور فكده الانذار لو مقفول ممكن العربية تمشى بمفتاحها بس هتزمر لو اتفتحت من غير الانذار ما يتفتح.. ياترى فعلا توصيل الموتور او الكونتاك على الانذار شئ خطير؟

[M_ElSabaa]

الراجل بتاع المهندسيين بيعمل مفتاح زى الاصلى بس فيه 3 ازرار بدل علامة الميتسوبيشى وبيحط شريحة الـ Immobilizerجوة المفتاح

بص حضرتك انا معايا لانسر برضه 1600 20007 و كنت خايف برضه فركبت جهاز انذار عند ادريان ثمنه حوالي 600 جنيه وهو غالي شوية بس الريموت متوصل بالمفتاح مباشرة من غير ريموت خاص بالانذار و هذا هو سبب غلو سعره و انا تحت امرك في اي سؤال

ادريان برده انا اكتر من واحد صاحبى ركبوا انذار عنده وشغال معاهم 100 100

ثانيا: الكهربائى اللى ركبه خاف يوصله على دايرة الموتور فكده الانذار لو مقفول ممكن العربية تمشى بمفتاحها بس هتزمر لو اتفتحت من غير الانذار ما يتفتح.. ياترى فعلا توصيل الموتور او الكونتاك على الانذار شئ خطير؟

لو لتركب غلط ممكن يبهدل كهرباء بتاعت العربية

[Nader]

الـwolf من احسن انواع الانزار الموجودة حالياً في مصر

ياترى فعلا توصيل الموتور او الكونتاك على الانذار شئ خطير؟

الخطورة الوحيدة ان الانزار يبوظ هتبقى شغلانة ومش هتعرف تدور العربية، عموماً الكهربائيين كلهم بيكسلوا يركبوة بس طبعاً هو مفيد جداً جداً بالنسبة لحماية العربية من السرقة.

[Ayman2007]

أقدر أعرف يا أستاذ مهاب (والد Boody) حضرتك ركبته عند أدريان إللي فين

و هل تشغيله مرتبط بفتح و غلق العربية من الريموت يعني كل ما آجي أفتح العربية أو أقفلها لازم أشغله

[boody2]

أقدر أعرف يا أستاذ مهاب (والد Boody) حضرتك ركبته عند أدريان إللي فين

و هل تشغيله مرتبط بفتح و غلق العربية من الريموت يعني كل ما آجي أفتح العربية أو أقفلها لازم أشغله

الاول اخبار صحة حضرتك ايه

بص حضرتك هو تشغيله من نفس ريموت السيارة و ليس ريموت مخصوص و هذا السبب في غلو ثمنه و علي فكرة هو ليه ريموت مخصوص ممكن تستخدمه بس انا وصلته بريموت السيارة افضل و اشيك و هو لا يشمل الموتور و لكنه يشمل الشنطة الخلفية بالاضافة لجميع الابواب و انا ركبته في ادريان الي في صلاح الدين و هم ناس كفئ جدا و علي فكرة هما ليهم فرع في شارع الهرم و انا تحت امر حضرتك في اي سؤال او استفسار.

[Ayman2007]

ربنا يكرمك و يبارك فيك أنا صحتي بخير و الحمد لله
و ربنا يخليك لينا و ما نتحرمش من استشاراتك و شكرا على اهتمامك

[emadfk]

اخوانى الاعزاء

انا لسة مستلم لانسر 2007 ولم اتم اول 1000 كيلومتر بعد فهل اركب الانذار الان ام انتظر حتى فحص الالف الاولى
وهل اركبه فى التوكيل ام خارج التوكيل علشان الضمان من مصرية

وشكرا لتعاونكم

اخوكم عماد

:roll: :roll: :roll:

[boody2]

اخوانى الاعزاء

انا لسة مستلم لانسر 2007 ولم اتم اول 1000 كيلومتر بعد فهل اركب الانذار الان ام انتظر حتى فحص الالف الاولى
وهل اركبه فى التوكيل ام خارج التوكيل علشان الضمان من مصرية

وشكرا لتعاونكم

اخوكم عماد

:roll: :roll: :roll:

اولا مبروك
بص انتظر حتي ال1000 كم و اسئلهم و ممكن تشتريه و تخليهم يركبوه لحضرتك

[emadfk]

الف الف شكر و ربنا يخليك لينا و ما نتحرمش من استشاراتك و شكرا على اهتمامك

[ecybrarian]

مافيش حد في مصر بيعرف يركب إنذار. هما حافظين ألوان الأسلاك وبيدورا عليها بس مش فاهمين الدائرة بتاعتها. ولو شفتوا المانيول إللي جاي مع الجهاز هاتلاقو Features كتيرة جدا مش شغالة علشان كدة لازم تراجع على الآتي:
-تبص على المانيول كويس جدا قبل أو أثناء التركيب
-تتأكد من انهم أمنو الشنطة trunk arming إللي معظمهم بينسوه
-تتأكد من توصيل الإنذار على الموتور (كلهم مابيعرفوش يعملوا دي واشتغالتهم بتقولك علشان لو باظ الإنذار الدنيا ماتقفش)
-تتأكد إن القفل المركزي راكب على دايرة العربية مش يركبلك قربة

هما بيعتبرو جهاز الإنذار مجرد سرينة تنبية ضد السرقة مش وسيلة تأمين للعربية ضد السرقة. وأخيرا ماتسرخصش لو عايز تأمن العربية واسترخص لو كل إللي انت عايزة سرينة تنبيه بس.

سؤال: ليه مافكرتش في حاجة ميكانيكال زي الدراع إللي بيربط الدريكسيون بأي بدال أو التاني ده؟ طلما عربيتك Already فيها نظام تأمين

[Ayman2007]

أولا" : زي ما حضرتك قلت بالضبط أنا عايز سرينة تنبيه لما حد غيري يحاول يفتح العربية عنوة لأن سرينة التنبيه دي هاتخوف الحرامي لأنه بطبعه جبان.

ثانيا" : طرح الموضوع كان الغرض منه تبادل الآراء و توسيع دائرة المناقشة للوصول لأفضل البدائل "المتاحة في مصر" سواءا كان ادريان أو التوكيل أو الراجل بتاع المهندسين أو عباس العقاد من واقع تجارب فعلية لأصحابها.

ثالثا" : كنت قرأت رأي بيقوللك إن الغرض من كل الوسائل دي هي تعطيل الحرامي يعني لو شيل الغطا خد له 5 دقائق و فتح العربية 10 دقائق و فك كلابش الدريكسيون 10 دقائق تانية و بعد كده تشغيل العربية كمان 10 دقائق و لو انت محظوظ و السرينة بتاعة الإنذار تضرب أثناء أي حاجة من الهلمة دي كلها يقوم الحرامي يجري يبقى انت ربنا بيحبك و فلوسك حلال

أيوه يا عم أنا عاوز سرينة و خلاص طلاما ها تحمي العربية و مش مهم تتربط على الموتور لو هاتلخبطهولي أو مش هايعرفوا يعملوها صح و دي ممكن تعتبرها أمانة منهم إنهما يصارحوك بكده

[ecybrarian]

على فكرة يا أ. أيمن قرارك ده هو عين العقل (من وجهة نظري) وعملي جدا، وهو ده نفس القرار إللي أخدته في عربيتي. أنا حبيت بس أقولك على إللي بيحصل في مصر بكل أمانة كما أعرفها والقرار لك في الأول وفي الآخر. ولو تسمح لي ارشح لك نوع يبقى ولف Wolf زي ما قال أ. نادر. سعره كويس وكقائته عاليه وضمانه 5 سنين والكل بيعرف يشتغل فيه وفي نوع منه مفتاحة Water proof وعليقة المفتاح معدن فمابيكسرش. وربنا يوفقك وتلاقي إللي انت عايزة ويحميلك عربيتك من كل شر.