معلومات عن لانسر 2006 سبورت

[Michael_Lanos]

هاي يا شباب المنتدى يا اجدع ناس

كنت محتاج اعرف شويه معلومات عن لانسر سبورت 2006 اوتوماتيك

معروضه عليا واحده استعمال خفيف ومش راشه خوارج ولا دواخل وفى الغالب ماشيه اقل من 100.000 بس مش متاكد لسه ممكن تكون اقل من 50.000 كمان

العربيه دي نظامها ايه فى استهلاك البنزين واسعار قطع الغيار

وحاجه تانيه، كنت سامع اشاعه ان الموديل ده سرقته سهله بس بصراحه مش مصدق، فلو فى حد عنده اى معلومات ياريت ينورنا بيها

شكرا جدا لتعبكم

[mangere90]

رأي الخاص

السلام عليكم ورحمة الله وبركاته
انا في رأي ان ده يعتبر اخر موديل في الانسر ياباني اصلي بجد فتوكل علي الله وماتتردتش وهي سعرها في حدود 70000 الي 75000 ومتنساش الأستخاره ان شاء الله
وربنا يوفقق

[Ralliart]

انا معايا نفس الموديل والحمد لله ماشيه زي الفل اكتر من 100 الف كيلو
وبالنسبه لموضوع السرقه فهو سهل للعربيات اللي من غير امبوليزر أياً كان نوعها والسبورت فيها امبوليزر فمستحيييل حد يدور العربيه بدون مفتاحها

السلام عليكم ورحمة الله وبركاته
انا في رأي ان ده يعتبر اخر موديل في الانسر ياباني اصلي بجد فتوكل علي الله وماتتردتش وهي سعرها في حدود 70000 الي 75000 ومتنساش الأستخاره ان شاء الله
وربنا يوفقق

مفيش لانسر بوما خرجت ناقصه مسمار من اليابان
وموضوع انها اخر موديل والحوارات دي بسبب الاشاعات اللي روجها غبور اول ما نزل الالانترا الجديده واكيد مش هتصدق الفتايين وتكدب الافراج والميناء والشركه نفسها
واصلاً ميتسوبيشي ملهاش مصانع غير في تايلاند والفلبين بتوع العربيات النقل ومصنع في هولاندا بتاع الكولت الاوروبي ومصنع في امريكا بتاع الجالانت و5 مصانع في اليابان

[M!SHO]

انا مش عارف ايه حكاية اخر موديل يابانى اصلى ,,,,
هو فيه يابانى مش اصلى ؟؟

[Ralliart]

انا مش عارف ايه حكاية اخر موديل يابانى اصلى ,,,,
هو فيه يابانى مش اصلى ؟؟

مفيش يا باشا كله ياباني 100%

[M!SHO]

انا عارف انها يابانى 100% ,,,
بس كل شويه حد يقول معدتش يابانى واللى يقول مصانع ميتسوبيشى فى الصين معرفش بيجيبو الكلام ده منين ....

[Ralliart]

انا عارف انها يابانى 100% ,,,
بس كل شويه حد يقول معدتش يابانى واللى يقول مصانع ميتسوبيشى فى الصين معرفش بيجيبو الكلام ده منين ....

اول ما نزلت الالانترا 2007 انا كنت في غبور وفي المصريه والناس اللي هناك مكانوش بيقولو امكانيات العربيه ،كانو بيعيبو في اللانسر بس!!
وفي معرض الاهرام كانو واقفين يقولو اللانسر مش ياباني علشان الناس تسيبها وتجيب الكوري وهما مش قلقانين

[memoo909]

غبور دا اصلا زباله وعربياته ازبل منه

[Michael_Lanos]

السلام عليكم ورحمة الله وبركاته
انا في رأي ان ده يعتبر اخر موديل في الانسر ياباني اصلي بجد فتوكل علي الله وماتتردتش وهي سعرها في حدود 70000 الي 75000 ومتنساش الأستخاره ان شاء الله
وربنا يوفقق

الف شكر على المعلومه وان شاء الله افكر كويس واحسب الماديات كمان

انا معايا نفس الموديل والحمد لله ماشيه زي الفل اكتر من 100 الف كيلو
وبالنسبه لموضوع السرقه فهو سهل للعربيات اللي من غير امبوليزر أياً كان نوعها والسبورت فيها امبوليزر فمستحيييل حد يدور العربيه بدون مفتاحها

انا برده بقول كده، بس هى فيها امبوليزر ولا لاء ؟

[Michael_Lanos]

غبور دا اصلا زباله وعربياته ازبل منه

عيب جدا لما تقول كده على حد حتى لو هو وحش، احنا هنا فى منتدى محترم + الموضوع بيسأل عن حاجه معينه مش مفتوح تدخل تقول فيه اى كلام وخلاص

[M.Alaa92]

فيها امبوليزر و الميتسوبيشى قطع غيارها فى كل مكان و رخيصة و اعادة بيع كويسة جدا جدا يعنى وقت ما تبيع تلاقى كتير يشتروها

[M.Nasr]

اللانسر طبعا عربية ممتازة واعتمادية جدا ومش هتندم وموضوع السرقة ده هات الكلابش بتاع الطارة وركب انذار لو انت قلقان اوى يعنى غير كده العربية معروفة مميزاتها

[wael2sh]

توكل على الله أنا معايا 2006 خليجي ومريحاني عربية جميلة وعملية جدا وشيك بس استنداف واحدة وخلي بالك من صيانتها وخليك دقيق جدا وإنت بتختار إن الإنت بتاخدها منه كان بيعمل الصيانة في مواعيدها والدفع شوية واكشف عليها في التوكيل علشان تطمن .
بالتوفيق .

[Michael_Lanos]

الف شكر ليكوا كلكم يا شباب، طمنتوني

[devilishtigers]

ربنا يوفقك وتجيبها.
على فكرة انا كنت بكره الانسر وكنت هشتري حاجة تانية بس بعد كدا بجد عربية شافت مني كتير والحمد لله زي الفل. وربنا يوفقك للأفضل ليك.