تغيير عرض الكاوتش

[el3omda]

أحبائى الكرام السلام عليكم ورحمة الله وبركاته

أنا معايا لانسر بوما 1600 مانيوال موديل 2006 والكاوتش مقاس (اتش88/15/60/195)

هل ممكن أركب كاوتش مقاس ( اتش88/15/60/205) وهل ممكن يأثر على العفشه وعلى سلامة العربية فى القيادة ؟ أفيدونى جزاكم الله خيرا أيه المطلوب فى هذه الحالة ؟..وشكرا

[أبو إياد]

15\195\60 = 15\205\55

[el3omda]

15\195\60 = 15\205\55

مشكور ياأبو اياد على الرد بس فى أستفسار 55 من 60 مش هايوطى العربيه شويه على الارض وانتى عارف مشكل الشوارع والمطبات فى جمهورية مصر لازم العربية تكون عاليه لتفادى هذه المشاكل

[أبو إياد]

لا ارتفاع العربيه مش هايتغيير
انما عيبه انه بيتاثر بالمطبات وبيعمل بالونات وبيبوظ بسرعه ومحتاج معامله خاصه شويه علشان الجنط ما يبوظش منك

[el3omda]

لا ارتفاع العربيه مش هايتغيير
انما عيبه انه بيتاثر بالمطبات وبيعمل بالونات وبيبوظ بسرعه ومحتاج معامله خاصه شويه علشان الجنط ما يبوظش منك

ماعلش ابو اياد استفسار تانى بيعمل بالونات بعد فتره كام سنه ولا فتره بسيطه لأنى الكاوتشات عندى مملوءة نيترجين بدلا من الهواء ودا بيحافظ على الكاوتش أنا من ساعة مااشتريت العربية زيرو من 2006 والكاوتش بحالة ممتازه لأنى بحافظ فى الأستعمال يعنى لسه عامل27000 كيلو من 2006 طولت عليك نرجع للموضوع ايه ميزة الكاوتش العريض هل زيادة السبات على الارض والمنحنيات والفرامل وهل بيستهلك بنزين أكتر على فكره الجنط عندى سبور ... وشكرا

[أبو إياد]

انا كنت مركب مقاس على 50 قعد معايا بالظبط 20000كم وباظ
وواحد صاحبى ركب على 55 عمل تقريبا 40000كم
المشكله كلها فى المطبات
انا لو الشوارع نظيفه كنت ركبت 45 كمان وحاليا مركب 60 وده انسب حاجه

[el3omda]

انا كنت مركب مقاس على 50 قعد معايا بالظبط 20000كم وباظ
وواحد صاحبى ركب على 55 عمل تقريبا 40000كم
المشكله كلها فى المطبات
انا لو الشوارع نظيفه كنت ركبت 45 كمان وحاليا مركب 60 وده انسب حاجه

طيب نوع الكوتش والجوده مش بتفرق البردجستون تورانزا من النوع الممتاز وده اللى راكب فى العربيه معنى كلامك الواحد يخليه فى المقاس الاصلى بتاع العربيةأحسن من التغير فى العرض

[أبو إياد]

انا رائيى الشخصى خليك فى المقاس الاصلى

[el3omda]

شكرا ابو اياد على المعلومات والنصيحة والسلام عليكم ورحمة الله وبركاته

[A7MED_PHARMA]

205/55/15
أنا مركب المقاس ده عندي في الانسر 2001 ..1300 سي سي مانيوال

والمعروف عن الكاوتش العريض إنه بيزود الإحتكاك بالأرض ..وبالتالي بيزود إستهلاك الوقود(ده مش كلامي..ده كلام أنا عرفته من المنتدى)...
وبالنسبة للحفاظ على الكاوتش
الأول والأخير في الموضوع ده ....الطرق الي بتمشي فيها

[el3omda]

205/55/15
أنا مركب المقاس ده عندي في الانسر 2001 ..1300 سي سي مانيوال

والمعروف عن الكاوتش العريض إنه بيزود الإحتكاك بالأرض ..وبالتالي بيزود إستهلاك الوقود(ده مش كلامي..ده كلام أنا عرفته من المنتدى)...
وبالنسبة للحفاظ على الكاوتش
الأول والأخير في الموضوع ده ....الطرق الي بتمشي فيها

مشكور على الرد
لكن لما ركبت المقاس ده غيرت حاجه فى العفشه أو أى حاجه فى العربيه وهل الكاوتش العريض بيزيد من سبات العربيه فى السرعات العالية ... وشكرا

[Haitham10]

المقاس الاصلي اية للجنط ال15 ؟؟
يعني لو حبيت اغير من 50-195 60 علي كام

[mohamedway]

أنا عربيتى 1600 مانوال موديل 2006 زيك بالضبط و مركب بالفعل 205/60/15 بدل ال195/60/15 و مفيش أى مشكله و الفرامل تحفه بس خلى بالك ان نوع الكاوتش أهم من انك تزود مقاسه يعنى لو كاوتش رفيع نوع غالى و نضيف هيبقه تماسكه بالأرض و الثبات أفضل بكتير من كاوتش عريض بس رخيص و ماركة أى كلام (أفضل كاوتش جربته فى الثبات و الملفات هو بريللى P6 أو P7 أو p Dragon وده بجد تحفه و ده اللى جربته فعلا و مش لاقيها فى السوق دلوقتى خالص و لو لاقيتها انت قولى جبتها منين أو عندك بريدجستون بوتنزا أدرينالين وده بقه فرده جبارة ورمز سرعتها W ) و ان كان المكافىء لل195/60/15 هو ال205/55/15 و ليس 205/60/15 و أنا أنصحك بـ 205/55/15

عاوز اشرح لحضرتك معلومة مهمه

205/55/15

الـ205 يعنى عرض مداس الكاوتش 205 مم

الـ 55 يعنى إرتفاع جانب الإطار = 55% من الـ 205 يعنى = 205 مضروبة فى 0.55 = 112.75مم
طبعا ال15 ده قطر الجنط بالبوصة




195/60/15

الـ195يعنى عرض مداس الكاوتش 195 مم

الـ 60 يعنى إرتفاع جانب الإطار = 60% من الـ 195 يعنى = 195 مضروبة فى 0.60= 117مم
وال15 قطر الجنط بالبوصة


205/60/15

الـ205 يعنى عرض مداس الكاوتش 205 مم

الـ 60 يعنى إرتفاع جانب الإطار = 60% من الـ 205 يعنى = 205 مضروبة فى 0.60= 123مم
وطبعا ال15 ده قطر الجنط بالبوصة.


أظن حضرتك دلوقتى تقدر تحسب ارتفاع أى مقاس كاوتش

يعنى حضرتك لو ركبت 205/60/15 بدل 195/60/15 العربية هتعلى عن الأرض 6مم (123-117) و على فكرة العربية هتكون فى الحقيقة أسرع من قراءة عداد السرعة بمقدار 2% يعنى لو العداد قارىء 100كم/س يبقى ان فى الحقيقة ماشى على 102كم/س

لو ركبت 205/55/15 العربية هتوطى على الأرض بمقدار 4.25 مم و ده هيخلى العربية أبطأ من قراءة العداد شوية (ال100كم/س على العداد = إنك ماشى تقريبا 98كم/س)

طبعا ال205/55/15 أحسن لأن كل ما جنب الإطار قل الثبات بيزيد و العكس صحيح و كون ان جنب الإطار هيقل 4مم فده رقم قليل مش هيعمل معاك مشكلة و لا هيبقه فيه بالونات و لا خوف من المطبات ولا حاجة و إرتفاعه حلو مش قليل خالص و ال4 مم دول أصلا بيخسو طبيعى فردة الكاوتش نتيجة التآكل و ممكن يحصلو نتيجة فرق ضغط نفخ الإطار ....إلخ يعنى من الأخر ممكن تعتبره زى ال195/60/15 بالضبط و مفبش غلط فى العداد كمان لأن أصلا فى تصميم العربية معمول سماحية لقطر العجلة نتيجة العوامل المتغيرة فى الكاوتش اللى انا لسة ذاكرها(الضغط و التآكل اللى لازم بيحصل).

أرجو انى أكون أفدك
لو سألتنى طيب انت حاطط عندك 205/60/15 ليه ما دام مقتنع بال205/55/15 أكتر هقولك انى كان عندى فردتين جداد 205/60/15 و كنت عاوز أجيب فردتين جداد تانيين عشان أشغلهم مع بعض فجبتهم 205/60/15 عشان يبقوا زى اللى عندى و سواء كده ولا كدا الفرق مش رهيب و زى ما قولتلك نوع الكاوتش أهم حاجة و ده أكتر حاجه مؤثرة

[Haitham10]

شكرا علي توضيحك يا استاذ محمد طيب انا شاري عربيتي وفيها الكاوتش 195/50
لما احب اغير المفروض الصح 195/60 ؟؟
وتنصحني بنوع ايه يكون في الحنين علشان هغير 4 فرد (الكومهو مثلا ؟؟) ويعملوا كام

[el3omda]

أنا عربيتى 1600 مانوال موديل 2006 زيك بالضبط و مركب بالفعل 205/60/15 بدل ال195/60/15 و مفيش أى مشكله و الفرامل تحفه بس خلى بالك ان نوع الكاوتش أهم من انك تزود مقاسه يعنى لو كاوتش رفيع نوع غالى و نضيف هيبقه تماسكه بالأرض و الثبات أفضل بكتير من كاوتش عريض بس رخيص و ماركة أى كلام (أفضل كاوتش جربته فى الثبات و الملفات هو بريللى P6 أو P7 أو p Dragon وده بجد تحفه و ده اللى جربته فعلا و مش لاقيها فى السوق دلوقتى خالص و لو لاقيتها انت قولى جبتها منين أو عندك بريدجستون بوتنزا أدرينالين وده بقه فرده جبارة ورمز سرعتها W ) و ان كان المكافىء لل195/60/15 هو ال205/55/15 و ليس 205/60/15 و أنا أنصحك بـ 205/55/15

عاوز اشرح لحضرتك معلومة مهمه

205/55/15

الـ205 يعنى عرض مداس الكاوتش 205 مم

الـ 55 يعنى إرتفاع جانب الإطار = 55% من الـ 205 يعنى = 205 مضروبة فى 0.55 = 112.75مم
طبعا ال15 ده قطر الجنط بالبوصة




195/60/15

الـ195يعنى عرض مداس الكاوتش 195 مم

الـ 60 يعنى إرتفاع جانب الإطار = 60% من الـ 195 يعنى = 195 مضروبة فى 0.60= 117مم
وال15 قطر الجنط بالبوصة


205/60/15

الـ205 يعنى عرض مداس الكاوتش 205 مم

الـ 60 يعنى إرتفاع جانب الإطار = 60% من الـ 205 يعنى = 205 مضروبة فى 0.60= 123مم
وطبعا ال15 ده قطر الجنط بالبوصة.


أظن حضرتك دلوقتى تقدر تحسب ارتفاع أى مقاس كاوتش

يعنى حضرتك لو ركبت 205/60/15 بدل 195/60/15 العربية هتعلى عن الأرض 6مم (123-117) و على فكرة العربية هتكون فى الحقيقة أسرع من قراءة عداد السرعة بمقدار 2% يعنى لو العداد قارىء 100كم/س يبقى ان فى الحقيقة ماشى على 102كم/س

لو ركبت 205/55/15 العربية هتوطى على الأرض بمقدار 4.25 مم و ده هيخلى العربية أبطأ من قراءة العداد شوية (ال100كم/س على العداد = إنك ماشى تقريبا 98كم/س)

طبعا ال205/55/15 أحسن لأن كل ما جنب الإطار قل الثبات بيزيد و العكس صحيح و كون ان جنب الإطار هيقل 4مم فده رقم قليل مش هيعمل معاك مشكلة و لا هيبقه فيه بالونات و لا خوف من المطبات ولا حاجة و إرتفاعه حلو مش قليل خالص و ال4 مم دول أصلا بيخسو طبيعى فردة الكاوتش نتيجة التآكل و ممكن يحصلو نتيجة فرق ضغط نفخ الإطار ....إلخ يعنى من الأخر ممكن تعتبره زى ال195/60/15 بالضبط و مفبش غلط فى العداد كمان لأن أصلا فى تصميم العربية معمول سماحية لقطر العجلة نتيجة العوامل المتغيرة فى الكاوتش اللى انا لسة ذاكرها(الضغط و التآكل اللى لازم بيحصل).

أرجو انى أكون أفدك
لو سألتنى طيب انت حاطط عندك 205/60/15 ليه ما دام مقتنع بال205/55/15 أكتر هقولك انى كان عندى فردتين جداد 205/60/15 و كنت عاوز أجيب فردتين جداد تانيين عشان أشغلهم مع بعض فجبتهم 205/60/15 عشان يبقوا زى اللى عندى و سواء كده ولا كدا الفرق مش رهيب و زى ما قولتلك نوع الكاوتش أهم حاجة و ده أكتر حاجه مؤثرة

شكرا ياأخ محمد ....
على المعلومات الرائعه منك والنصيحه ولكن فى المنتدى نصحونى بتركيب Bridgestone TURANZA GR-80 made in japan بالشيب الجديد وكمان رأى التوكيل أنى مغيرش المقاس الاصلى وده الرد بتاعهم
بعرض السؤال على المهندس احمد عناني مدير الورشة بمركز الخدمة الرئيسي بقليوب رد بأن التغيير سوف يؤثر على استهلاك العفشة بقدر ضئيل وسوف يزيد من استهلاك البنزين بقدر طفيف وسوف يزيد ثبات السيارة في السرعات ويزيد من ارتفاع السيارة بقدام 6 ملم
انسب اطار للسيارة هو الموصي عليه من المصنع وتم تركيبه في السيارة 15/60/195