باركولي اشتريت مكواة وبعت الكريستاله

[Haitham10]

السلام عليكم ورحمة الله وبركاته

انا بعت الكريستاله الي كانت معايا ياجماعة وجبت مكواة 2001 GLX اوتوماتيك برضه الحمدلله عامله 90 الف كم

انا عارف الكريستالوية هيزعلوا بس انا لسه في حضن ميتسوبيشي صعب اسيبها عشرة سنين

طبعا في فرق شاسع بامانة وحاسس اني رجعت للطبيعي يمكن عشان كنت متعود علي البومة .. ان شاء الله هصورها وانزلكم الصور في اقرب فرصه

[mr_vampire]

الف مبروووووووووووووووووووووك ( كدة المكوجية زادو واحد ) بس بزمتك انتا مش فرق شاسع في الركوبة والامكانيات والوسع والعلو عن الارض؟؟؟؟؟؟؟ جبتها بكام عشان عايز اعرف المكوة لسة ماسكة سعر ولا بدءت تنزل ؟؟؟؟؟ وياريت تقرير كامل بقي وصور من جوا ومن برا عشان نفرج علي العروسة الجديدة. مستنيك

[zoro007]

مبرووك وربنا يعطيك خيرها ويكفيك شرها

المكوه عربيه محترمه ومتفرقش عن البومه كتير من حيث الركوب والجو الداخلى

[SkyBird]

مش عارف حاسس ان المكوه حاجة في النص كده مش عارف اقول ايه انت فاهمني
لاهي بومة ولا كريستاله
وشكلها ميعجبنيش خالص ودي اذواق شخصية طبعا
بس بيتهيألي التعديل فيها صعب ومكلف وميبانش عليها زي الكريستالة ملكة التعديل
وعلى العموم الف مبروك وان شاء الله تتنقل الى الاعلى ونشوفك جايب بومة او شارك زيرو يا كبير

[zoro007]

مش عارف حاسس ان المكوه حاجة في النص كده مش عارف اقول ايه انت فاهمني
لاهي بومة ولا كريستاله
وشكلها ميعجبنيش خالص ودي اذواق شخصية طبعا
بس بيتهيألي التعديل فيها صعب ومكلف وميبانش عليها زي الكريستالة ملكة التعديل
وعلى العموم الف مبروك وان شاء الله تتنقل الى الاعلى ونشوفك جايب بومة او شارك زيرو يا كبير

وجهة نظرك تحترم والناس ازواق فعلا والكرستاله ايضا لا غبار عليها كعربيه امكانيات وترويش لو اتظبطت

لكن مين قال ان المكوه مبيبنش عليها تعديل
بالعكس انا شايف ان المكوه اكتر عربيه فى اللانسر كله بيليق عليها التعديل خصوصا بتكون شبه الايفو

شوف العربيه دى عامله شغل بسيط وعامله ازاى
Lancer evo VII Techsports Body Kit

ممكن وجهة نظرك جت من انك مشوفتش حد معدل مكوه وفعلا نادرا انك تلاقى حد معدل مكوه لان سعرها غالى وصعب واحد يغامر بالتعديل عليها هتكلفه مصاريف عاليه جدا

انما الكرستاله سعرها منخفض بعض الشىء فمعظم الشباب بتجبها وتعدل فيها

وأكيد الراجل جايب عربيه تريحه مش هيعدل فيها واكيد المكوه اريح كتير من الكرستاله عن تجربه

[nab!l]

الف مبروك
عاشق المكواه
وبتتعدل بسهوله وبتطلع جميله اوى

[dramir1]

الف مبروووووووووك

[SkyBird]

وجهة نظرك تحترم والناس ازواق فعلا والكرستاله ايضا لا غبار عليها كعربيه امكانيات وترويش لو اتظبطت

لكن مين قال ان المكوه مبيبنش عليها تعديل
بالعكس انا شايف ان المكوه اكتر عربيه فى اللانسر كله بيليق عليها التعديل خصوصا بتكون شبه الايفو

شوف العربيه دى عامله شغل بسيط وعامله ازاى
lancer evo vii techsports body kit

ممكن وجهة نظرك جت من انك مشوفتش حد معدل مكوه وفعلا نادرا انك تلاقى حد معدل مكوه لان سعرها غالى وصعب واحد يغامر بالتعديل عليها هتكلفه مصاريف عاليه جدا

انما الكرستاله سعرها منخفض بعض الشىء فمعظم الشباب بتجبها وتعدل فيها

وأكيد الراجل جايب عربيه تريحه مش هيعدل فيها واكيد المكوه اريح كتير من الكرستاله عن تجربه

اعتقد وجهة نظرك اصح وادق من وجهة نظري
اعلان تراجع وتصحيح مفهوم خاطئ في ذهني

[mr_vampire]

مستني رد صاحب العروسة الجديدة ( المكوة ) ويحكيلنا عن الاحساس اللي حاسه ولو فيه فرق حاسه بعد ماركب كرستالة وياسلام بقي لو صور داخلية وخارجية عشان نتفرج واخيرا لو امكن السعر عشان نتطمن بس بقت في رينج كام ؟؟؟؟؟؟؟؟؟؟؟؟؟

[Haitham10]

الله يبارك فيكم ياجماعة ان شاء الله هصورها انا بخلص في ورقها
والعربيه خلصت علي 56 ومتقلقش سعرها منزلش اي فبريكة بره فوق ال60
بالنسبة للفرق شاسع طبعا مش محتاج كلام حاسس بفرق شاسع نعومة باور وعربيه عاليه وعفشه انضف ومريحة بكتير بوسع الصالون وفرشها والحياه عسسل
انا كنت فاكر انها نفس موتور الكريستاله بس اتضح ان في موتور جامد بجد ومش ضعيف ولا حاجة ده بجد حلو اوي

عموما هي خطوة كانت جريئه لاني بعت واشتريت في نفس اليوم وربنا يوفقني للي فيه الخير

[mr_vampire]

الله يبارك فيكم ياجماعة ان شاء الله هصورها انا بخلص في ورقها
والعربيه خلصت علي 56 ومتقلقش سعرها منزلش اي فبريكة بره فوق ال60
بالنسبة للفرق شاسع طبعا مش محتاج كلام حاسس بفرق شاسع نعومة باور وعربيه عاليه وعفشه انضف ومريحة بكتير بوسع الصالون وفرشها والحياه عسسل
انا كنت فاكر انها نفس موتور الكريستاله بس اتضح ان في موتور جامد بجد ومش ضعيف ولا حاجة ده بجد حلو اوي

عموما هي خطوة كانت جريئه لاني بعت واشتريت في نفس اليوم وربنا يوفقني للي فيه الخير

الله عالكلام وكدة انتا طمنتني الله يطمنك انها لسة ماسكة سعر. ربنا يديك خيرها ويكفيك شرها. خلص بقي الورق براحتك ومستنين صور داخلية وخارجية لما تفضا ان شاء الله. والف مبروك كمان مرة

[engahmedsamy]

الف مبرووووووووووووووووووك

[M.Alaa92]

مبروووووووووووووووووك و عقال ال ايفو 11 ان شاء الله

[medo666]

مبرررررررررررررررررررررررررررررررررروك يا نجم

[devilishtigers]

الف مليون مبروك ربنا يديك خيرها ويكفيك شرها