الزجاج الامامي عليه شبورة زيت

[m_totti]

السلام عليكم

انا عندي مشكلة غريبة في الكريستالة وهي اني كل فترة والتانية أجد الزجاج الامامي من الداخل مشبر زيت ولازم امسحه علشان الرؤية هل حد يعرف المشكلة ده منين هي بالضبط زي بخار المياه بس مزيت كل يومين تلاتة .

شكرا منتظر الرد

[venomixus]

دي بيتهيألي من المعطرات والرطوبه اللي في الجو. الزيت بتاع المعطر بيتبخر ويلزق في القزاز. ممكن تجيب البخاخه بتاعة تلميع الزجاج وفوطه ناشفة أو جورنال وتلمعه

[M.Al-Hefnawy]

فعلاً الكلام ده صح المعطرات وملمعات التابلوه هي اللي بتسبب الموضوع ده.

[m_totti]

لا ياجماعة انا مش حاطط اي معطر او ملمع تابلوه اعتقد انها جاية من الكابوت

[mr_vampire]

لو ولا معطر ولا ملمع. يبقي اعتقد لما بتغسل العربية في مغسلة بيستخدمو بخار ماء فيه نسبة كيروسين او جاز.( البقعة بيضة وكبيرة وحاجبة الرؤية خاااااااااااااالص ) لو كدة يبقي فعلا من المغسلة لانها حصلت معايا وبالذات تلاقيها لما تبقي قافل العربية فترة او تلاقيها وانتا نازل الصبح. ولا بتظهر وانتا ماشي بالعربية ؟؟؟؟؟؟؟؟؟؟؟

[HeMa_LanCeR]

جايه من الكبوت ازاي وهي من جوه ؟؟؟؟؟

[mr_vampire]

جايه من الكبوت ازاي وهي من جوه ؟؟؟؟؟

ملاحظة حلوة بس ممكن تبقي سببها فعلا الهوايات اللي ورا الزجاج الامامي في فوق التابلوه. هي البقع ده عالزجاج الامامي بس ولا باقي الشبابيك؟؟؟؟؟؟ لو كل الزجاج يبقي اكيد زي ماقولتلك من المغسلة.

[M.A.EL-SATAR]

السلام عليكم

انا عندي مشكلة غريبة في الكريستالة وهي اني كل فترة والتانية أجد الزجاج الامامي من الداخل مشبر زيت ولازم امسحه علشان الرؤية هل حد يعرف المشكلة ده منين هي بالضبط زي بخار المياه بس مزيت كل يومين تلاتة .

شكرا منتظر الرد

باشا انت حاطط مصحف او حاجة فيها جلد على الطابلو وتركن العربية في الشمس دا اللي بيحصل معايا مسحابة الزيت بتبقا فوق المصحف بالضبط

[m_totti]

البقعة ده بتظهر فقط في جزء امام المقعد الجانبي لحسن الحظ مش امام السائق مباشرة او باقي الزجاج وانا اقصد بالكبوت ان تكون جاية من الهوايات الداخلية عن طريق اي خراطيم تكييف مثلا او حاجة زي كده

[BLACKVERNA]

انت مركب فرش جلد ؟

[ferasmokhtar]

انا يا اخوانا مش حاطط مصاحف ولا معطرات ولا بغسل فى مغاسل ولا ملمعات التابلوه ولا فرش جلد حتى, ومع ذلك القزاز كله بيشبر بطريقة غريبة وبخلى البواب يقعد يمسح فى القزاز لغاية مادراعة بيخدل... بس ده غالبا من التكييف لانه مابيحصلش فى الشتا

[m_totti]

انا اكتشفت ان موضوع شبورة الزيت ده بيحصل حتي لو السيارة واقفة لم تتحرك اي ان حركة الموتور ليس لها اي تاثير