سؤال فى علبة المحفز لبومة

[just_humen]

السلام عليكم ورحمة الله وبركاته

ازيكوا يا احلى رجالة لانسر فى الدنيا
وصباح الفل عليكوا جميعا

ليا سؤال بسيط
عربيتى لانسر بومة 2006 نازلة بموتور 2000 سي سي وان كام
حاسس انها مخنوقة اوى و عزمها مش قد كدة
ليا صديق قالى انى اغير مواسير الشكمان و اعملها اكبر شوية يعنى لو بوصة ونص اعملها 2 بوصة
والعلبه اللى بيبقى فيها مش عارف اية الحرارى دة بتفكها و تفضيها على شان بيتسد و بيخنق العربية
وبعدها حتلاقى العربية فرقت معاك كتير اوى
هو الكلام دة صح ولا غلط؟
ملحوظة
انا غيرت الشكمان كله من اول الزور لحد الاخر لان
المدام مش عارف كان عملت اية المهم لقيتها جاية بالعربية من غير
شكمان اساسا وقالتلى غطا بلاعة
المهم مش لقيت غير شكمان 1600 وقتها وركبته
ياريت الافادة لانى خلاص قربت اتجنن بجد

والف شكر على مساعداتم اللى افادتونى بيها قبل كدة
اسف طولت

[just_humen]

اية يا رجالة اللانسر 30 مشاهدة مش حد رد عليا
ياجماعة انا مش عايز اعمل حاجة تدر و انا بسالكوا لانكوا خبرة كويسة
عموما شكرا

[Dr.SherifMansy]

اية يا رجالة اللانسر 30 مشاهدة مش حد رد عليا
ياجماعة انا مش عايز اعمل حاجة تدر و انا بسالكوا لانكوا خبرة كويسة
عموما شكرا

يا سيدى الفاضل الموضوع حضرتك كتبته من يومين ، و الحكاية مش مستاهلة زعل ، لأن مش كل اللى بيقرأ الموضوع خبير فى الجزئية دى ، و مش كلنا هنا خبراء بدليل ان كتير مننا (و انا اولهم) سألنا على حاجات قبل كده و استفسرنا عنها.

و مش كل واحد بيقرأ هايرد و يفتى لأن احنا مش كده فى منتدانا العزيز.

اصبر لما حد من الناس اللى ليها خبرة فى الموضوع ده تقرأ موضوعك أو ممكن تكتب سؤالك مباشرة للمهندس / طارق استشارى المنتدى للميتسوبيشى من هنا

http://www.nilemotors.net/Nile/60728-2.html

و تحياتى

[Ralliart]

سألت عادل وجدي زي ما قلت لحضرتك ولا لأ؟؟

[wael2sh]

أنا مش خبير بس الموضوع بالمنطق لو والعربية كانت قبل متركب شكمان el-1600 كانت كويسة ولما ركبتو خناقلك العربية يبقى هو السبب بس رأي استنى لما يرد عليكللمهندس / طارق استشارى المنتدى للميتسوبيشى

[just_humen]

اشكركم على المرور يا احسن رجالة و ان شاء الله يديم التواصل

[just_humen]

استاذ ralliart مش عارف اشكرك ازاى على نصائحك الرائعة لكن انا بصراحة لسة مش سألت
لانى بصراحة بجهز مبلغ كويس على شان اشد العربية كلها واظبت سمكرة و دوكو و موتور و عفشة
بس مستنى اجمع مبلغ لانى مش بحب يبقى شكلى وحش لما اسال واجرى