تربو بوما 1300

[Angel_wolf]

حد جرب يركب تربو لبومة 1300
ياريت لو حد جرب يقولنا الاداء عامل ايه والسعر والمكان وكل حاجة

[Haitham10]

والفلتر الرياضي بالمرة لو حد جرب يقولنا بالتكاليف

[salehgharib]

الماتور ميستحملش
1300 ورياضى تيجى الزاى

عشان يكون رياضى مش عاوز اقول 2000 سى سى
على الأقل 1600 سى سى

[Evo]

بص يا مان
موضوع رياضي 1300 أو 2000 أو 7000 مش هي الفيصل في الموضوع

الفيصل في الموضوع هي التكاليف وال Value اللي هتطلع هل تستحق التكاليف ولا لأ لان في مواتير 1300 كتير رياضية

لو هتعمل Turbo project على الموتور الستوك كده بدون ريبيلد يبقى مشروع فاشل وملوش لزمة مش لانه غير قابل للتنفيذ لأ لان اللي هتاخده ميستحقش اللي هيتصرف عليه

حتى لو عملت ريبيلد هتكون المصاريف عاليه جدا صحيح هتاخد باور مرضي نسبيا لكن هيكون في بدائل تانية ارخص و هتاخد نفس الباور

النتيجة

مشروع فاشل

[Haitham10]

انا مقتنع بكلامك يا ايفو بجد ولو الظروف سمحت قريب هبقي اعملها واسقط حاجه 1600 بس حاليا انا لسه الموتور عندي 94 الف كيلو فبحالته فهستني شوية عليه ولما الماديات تسمح

فخلال الفترة دي بفكر في اخلي صوت المكنة رياضي شوية ومستبعد فكرة الديفل عندك انت حاجة تقترحهالي ؟؟

[Ralliart]

زي ما قالك ايفو بالظبط
مفيش حاجه مستحيله بس ممكن تصرف تمن مكنه تانيه اكبر وهتبقى اقوى كمان
لو عايز صوت هات فلتر k&n او سيموتا وبوجيهات واسلاك نضيفه علشان الاداء
وممكن تظبط اكزوست سيستم او على الاقل شيل علبة البيئه (مع اني ضد موضوع البيئه ده)

[Haitham10]

طب موضوع الفلتر والاسلاك دى يتكلف كام مثلا وتركيبهم

مع العلم انا عندي المكنة كاربتير

[SkyBird]

هل ممكن تربو صغير يزود الهورس باور 40 حصان
انا مش طماع

[Angel_wolf]

يا جماعة انا مش عاوز احول العربية ام 1300 لى ايفولوشن اكيد لا لكن بسال لان الانسر عربية منتشرة جدا فاكيد حد يكون جرب موضوع التربو دة لحد لما الناس وصلت لشغل معين عمل اداء كويس ومحترم انا بسال لان طبعا ولا فلاتر و لا الكلام دة هيبقى زى التربو بس كدة

[Evo]

أنا فاكر من فترة كان واحد عمل تربو للموتور ال 1600 بتاع البوما كان مدي اداء كويس لكن بعد فترةشاله وحط 2400 mivec وركب عليه التربو كيت وغير ال ecu والرشاشات وحاجات تانية كتير

والمهم بقى في التربو للعربية الكربراتور إن مفيش ecu يعني الظبط هيبقى بلدي مفيش تيونر يظبطلك ال inputs مع بعض وفي مصر ظبط بلدي يعني عك !

عموما الموتور ال 1300 الكربراتور حرام تصرف عليه أي حاجة بيني وبينك اخرك هتطلع من عربية 1600 بعد ماتصرف حوالي 2000 جنيه
بدون تربوا
و استهلاك بنزين مش هيعجبك .

[Angel_wolf]

ما هو انا بردوا بخاف من البلدى دة فبقول محدش جرب كيت جاهزة من برة
واول مرة اعرف ان البوما ال1300 كربراتير

[Evo]

ما هو انا بردوا بخاف من البلدى دة فبقول محدش جرب كيت جاهزة من برة
واول مرة اعرف ان البوما ال1300 كربراتير

البوما 1300 مش كاربراتور , المكوه هي اللي كربراتور

[Haitham10]

لو حولت لانجكشن تتكلف كام يا ايفو ؟

وبمناسبة العك البلدي ...... ماتعلمني مسمارين الكاربتير عشان تعبت نفسيا

[Evo]

بالنسبة لتحويل الموتور ل injection هتكون التكاليف مقاربه لتمن موتور جديد وعملية بصراحة ملهاش لزمة وممكن ماتتظبطش نهائي

بمعنى إنت وحظك .

معلش ممكن توضحلي قصدك إيه في السطر التاني علشان مش فاهم قصدك

[Haitham10]

ظبطة الكاربتيير دة قصدي عشان زهقت من العك البلدي
مرة العربيه برجرجة زي ال128 والعربيات القديمه
ومرة صوت عالي ومفيش اي نوع من السحب ودة تقريبا بيكون فاتح الهوا عالاخر وغول بنزين وهكذا
كل واحد علي مزاجه فزهقت