صوت ونة (وحة)

[temokemo]

سلام الي اعضاء المنتدي
امبارح كان عندي مشوار من المنيا للقاهرة والعودة علي طول
والحمد لله علي السلامة لكن بعد مارجعت من المشور المتعب سمعت صوت ونة في العربية تختفي لما ادوس علي الدبرياج طبعا انا رجعت الفجر فنمت وقمت لقيت الصوت اختفي
يس انا عايز اعرف اية سبيب الصوت ولية اختفي
وشكرا

[M.Al-Hefnawy]

هي العربية موديل أيه وعاملة كام كيلو

[temokemo]

هي العربية موديل أيه وعاملة كام كيلو

العربية موديل مكواة 2003 وعاملة 153000

[أبو إياد]

حاول تروح للميكانيكى بتاعك وقوله يكشفلك على بلى العجل
هو هايرفع العربيه ويلف عجله عجله علشان يقدر يحدد البليه اللى فيها مشكله

[M.Al-Hefnawy]

بس الونة اللي قال عليها ظاهرة وتختفي ما الضغط على الدبرياج أعتقد ممكن تكون بلية الدبرياج.

[احمد فهمى]

دى بلية الدبرياج والصوت هيفضل يزيد يوم بعد يوم استنى شويه وغير المجموعه كلها

[bear20]

انا من رائى انك تروح للميكانيكى بيتاعاك و هو هيظبط الكلام دا كلو و متستناش على الحاجة لجد ما تبوظ خالص و خاصة اصوات حك بين المعادن و كدا يعنى و بعدين مش هاتخسر حاجة هو هيقولك على اللى فيها و عاوز تغيرو غيرو مش عاوز انت حر :]

[temokemo]

حاول تروح للميكانيكى بتاعك وقوله يكشفلك على بلى العجل
هو هايرفع العربيه ويلف عجله عجله علشان يقدر يحدد البليه اللى فيها مشكله

شكرا يا ابوا ياد وانا بالفعل هاروح عند الميكانيكي بتاعي اشوف اية الحكاية

[temokemo]

دى بلية الدبرياج والصوت هيفضل يزيد يوم بعد يوم استنى شويه وغير المجموعه كلها

بالفعل هية في الغالب بلية دبرياج
بس هية اية المجموعة كلها

[M.Al-Hefnawy]

ديسك وأسطوانة وبلية وكنت سألت في محل قطع الغيار على بتاع البومة لاقيته بـ 900 جنيه وعتقد بره هايكون أرخص من كده.

[temokemo]

ديسك وأسطوانة وبلية وكنت سألت في محل قطع الغيار على بتاع البومة لاقيته بـ 900 جنيه وعتقد بره هايكون أرخص من كده.

'
طيب هم لازم تتغير المجموعة كلها
طيب هم مكانهم فين في العربية وهل لازم ينزل الفتيس

انا مخنوق جدا