حاجه غريبه جدا

[m.aligamal]

انا رحت ظبط العربيه و بعدين ظهرت مشكله غريبه
اولا العربيه الصبح و انا بدورها بلاقى دواسه البنزين ناشفه يعنى محجره و العربيه السخان بتاعها مش شغال اديها دوسه بنزين ناشفه السخان بتاعها يشتغل على طول ولو دست على البنزين الاقى العربيه تنتش كده يعنى تحس انها مخنوقه قوى و ترج كنت مفكر العربيه متلته و كشفت على البوجيهات لقيتها تمام و مش متلته ولو مشيت بالعربيه و هيا مسخنتش الاقى العربيه بتنتش و بترجج معايا و مكتومه
انا مغير بوجيهات جديده و فلتر هوا و فلتر بنزين و منضف الكربراتير و كمان العربيه نقلاتها اتاخرت يعنى بحس انها بتقرب من 4 او 3 و نص لو مقرصتش
مش عارف ايه الاسباب بس انا غيرت الزيت بتاع العربيه من موبيل 1 الى شيل الاصفر الى بيتغير على 3000 ك و تقريبا لاحظت موضوع النقلات دى بس مش عارف يمكن صدفه
هيا عامه العربيه كويسه و تجمييع السرعه حلو بس مش زى الاول النقلات بتاعتها بطيئه شويه رغم انى مغير زيت الفتيس من شهرين و معملتش عليه 3000 ك و الفتيس مفيش فيه اى مشاكل
العربيه استهلاكها عامه فى البنزين تقريبا 180 فى الصفيحه
مستنى ردودكم

[abdullahalbadr]

يا جماعة الخير ، عاوز واحد بيبيع قطع غيار لانسر أصليه فى القاهره ، ويكون سعره فى المعقول .
مش لاقى قطع غيار أصليه فى السوق ، وإن لاقيت ، بتكون غاليه عشان المشكله بتاعت الرواس ، أرجو المساعده

[SkyBird]

اتاكد ان فلتر الهوا متركب مظبوط
او جرب تدور العربية من غير فلتر وشوف النتش هيختفي ولا لأ
واتاكد ان البوجيهات مربوطة كويس ولا بوجيه مش محكوم الربط

رغم انى مغير زيت الفتيس من شهرين

غيرته ازاي وخد كام لتر زيت فتيس
معلش السؤال برة الموضوع

[m.aligamal]

غيرته عند بتاع الفتيس الاوتوماتك و خدت 6 لتر ايسو سعر اللتر 20 جنيه و مدته تقريبا من 7 ل 10 الاف كيلو فقط و الزيت الاصلى فقط ابو 100 جنيه اللتر الى بيقعد من 40 الى 50 الف

[m.aligamal]

ارجو المساعده يا شباب

[m.aligamal]

هوا الاعضاء كلهم فى المصيف ولا ايه

[Haitham10]

زيت موبيل للفتيس الاوتوماتيك تمنه تقريبا 35 جنيه للكيلو وبيقعد 40 الف كيلو

وزيت شيل الاصفر لو هيليكس ابو 105 جنيه دة بيقعد 5 و 7 الالاف كمان .... الاحمر ابو 62 الي بيقعد 3000

عموما ياباشا متقلقش نفسك .. تقريبا عندك مشكلة في السخان مش اكتر وكل الاثار دى بتحصل طبيعي عشان العربيه باردة ومينفعش تزودلها بنزين
افضل انك تروح تعمله وتخليه يوطيه

[SkyBird]

يا باشا قلتلك افحص فلتر الهوا
حصلت معايا قبل كده
ودي حاجه بسيطة ابدأ بيها قبل الاحتمالات التانية

غيرته عند بتاع الفتيس الاوتوماتك و خدت 6 لتر ايسو سعر اللتر 20 جنيه و مدته تقريبا من 7 ل 10 الاف كيلو فقط و الزيت الاصلى فقط ابو 100 جنيه اللتر الى بيقعد من 40 الى 50 الف

هي بتاخد حسب الكاتلوج 7.8 لتر ؟
الصنايعي ما نزلش زيت الفتيس اللي في دورة التبريد ؟
وهل نزل الزيت عن طريق الشفط ؟
وازاي ياباشا زيت فتيس اسو 10 الالاف ؟ المفروض 40 الف

[m.aligamal]

الصنايعى فك الكرتيره و نزل الزيت و طبعا فى زيت تانى بيكون لسه جوه منزلش وهوا قالى 6 كويس و قاس الزيت بعد كده
برضه قلى زيت اسو مش اكتر من 10 الاف و يستحسن 7 الاف
مش عارف بقا بيفتى ولا بيتكلم جد

[m.aligamal]

يا جماعه ياريت الحل مع تحجير دواسه البنزين و التقطيع الصبح فى الدواره

[Nfs Rivals]

غيرته عند بتاع الفتيس الاوتوماتك و خدت 6 لتر ايسو سعر اللتر 20 جنيه و مدته تقريبا من 7 ل 10 الاف كيلو فقط و الزيت الاصلى فقط ابو 100 جنيه اللتر الى بيقعد من 40 الى 50 الف

يعنى عربيتك يابانى وفتيسها محترم ماشاء الله.. وبتجط لغتيسك اﻻوتو زيت ايسسو؟
يا راجل حرام عليك.. دة احنا راكبين كورى اوتو وبندور نحطلها زيت فتيس اﻻوتو
صناعة المانى وﻻ امركى.. مش زيت رخيص واسترخص عشان اشيع فتيس عربيتى
بيدى.. ياباشا.. حطلها زبت بيزول اﻻلمانى.. اكتب بيزول عالفيسبوك سواء عندك اكونت عالفيس او ﻻء.. واكتب بيزول فالبحث
هتﻻقي اكاونت ب اسم بيزول واعرف مكانهم فين في محافظتك

او تحطلها موبيل اى تى اف320
ابو علبة للكيلو 60ج.. اضرب 60ج في ستة لتر .. هاتكلف اﻻول وتغير بعد اربيعين الف كم .. مش زيت ايسو حرام عليك دة فتيس يابانى محترم