بعد اذن الاداره كيفيه الذهاب الى الاسكندريه من المنصوره

[m.aligamal]

الحقيقه انا مسافر الاسكندريه و ياريت يا شباب المساعده فى طريق المنصوره الاسكندريه طبعا الساحلى
انا الى اعرفه انى هروح لجمصه و بعدين اخد اليوترن و تبقى جمصه على ايديى اليمين و اديها جرى براحتى
المفروض من خلال خرائط جوجل انى هعدى على بحيره الرلس و مصيف بلطيم و اخلص البحيره الى هيا البرلس و اعدى فوق ادكو المفروض برضه انها بحيره المهم بقا فى طريقين طريق الى يوصلنى للمعموره وفى طريق تحته يوصلنى على الاسكندريه متقاطع تقريبا مع الطريق الزراعى المفروض انى هاخد طريق الكليه البحريه او ابو قير تقريبا لغايه موصل للاصلاح و بعدين المعموره الشاطىء تقريبا كده من عالخريطه الامور باينه كويسه جدا
سؤالى فين التقاطع او النقطه الفاصله بحيث انى اخش الاسكندريه عن طريق المعموره وليس وسط البلد تجنبا للزحمه و طبعا عشان اول مره انزل اسكندريه بالعربيه وربنا يستر طريقنا

[m.aligamal]

معلش بقا يا جماعه
النصائح لطريق كورنيش الاسكندريه الملقب بكورنيش الموت
و لو حبيت اروح من المعموره الى كارفور اسلك طريق ايه
و المسافه بين المعموره و العجمى بيطاش كام كيلو وطريقها ايه (اعتقد نهايه الكورنيش من بحرى و راس التين طريق المكس )صح ولا غلط
مستنى ردودكم يا جماعه و ما خاب من استشار

[Memo_Lancer]

الحقيقه انا مسافر الاسكندريه و ياريت يا شباب المساعده فى طريق المنصوره الاسكندريه طبعا الساحلى
انا الى اعرفه انى هروح لجمصه و بعدين اخد اليوترن و تبقى جمصه على ايديى اليمين و اديها جرى براحتى
المفروض من خلال خرائط جوجل انى هعدى على بحيره الرلس و مصيف بلطيم و اخلص البحيره الى هيا البرلس و اعدى فوق ادكو المفروض برضه انها بحيره المهم بقا فى طريقين طريق الى يوصلنى للمعموره وفى طريق تحته يوصلنى على الاسكندريه متقاطع تقريبا مع الطريق الزراعى المفروض انى هاخد طريق الكليه البحريه او ابو قير تقريبا لغايه موصل للاصلاح و بعدين المعموره الشاطىء تقريبا كده من عالخريطه الامور باينه كويسه جدا
سؤالى فين التقاطع او النقطه الفاصله بحيث انى اخش الاسكندريه عن طريق المعموره وليس وسط البلد تجنبا للزحمه و طبعا عشان اول مره انزل اسكندريه بالعربيه وربنا يستر طريقنا

طيب استاذ محمد باشا
متاخد زراعي احسن من المحله طنطا اسكندريه احسن ب كتير و الله و امان جدا
و سهل
و بتدخل سموحه
لو عايز الوصف تحت امرك يا حبي

[Memo_Lancer]

معلش بقا يا جماعه
النصائح لطريق كورنيش الاسكندريه الملقب بكورنيش الموت
و لو حبيت اروح من المعموره الى كارفور اسلك طريق ايه
و المسافه بين المعموره و العجمى بيطاش كام كيلو وطريقها ايه (اعتقد نهايه الكورنيش من بحرى و راس التين طريق المكس )صح ولا غلط
مستنى ردودكم يا جماعه و ما خاب من استشار

بص من المعموره ل العجمي
حوالي تلت ساعه
و من معموره لكارفور حوالي 10 دقايق
مقدرش اوصف لاني حافظ مش فاهم
ههههههههههه

[m.aligamal]

حبيب قلبى انتا عارف الطريق الزراعى ممل و مطبات و بعدين بلدكم و طنطا و دمنهور و كفر الدورا بيبقوا زحمه بطريقه تغيظ
طبعا بلدكوا اكتر عشان الحفريات الى بيطلعوها من الارض فده الى بيخلينى اخد الساحلى عشان رايق و انا المشى بتاعى لا يتعدى ال100 كيلو فبمشى براحتى فيه مستنى منك يا باشا الوصفات

[Memo_Lancer]

متعديش محله عدي دائري بتاعها
و بعدين المحله بقي جامده جدا
لو دخلت مش هتعرفها والله
رايي خليه زراعي
انا معرفش الطريق التاني

[m.aligamal]

و الله انتا لو جربت التانى هتدعى ليا و بعدين دنتا بتحب الشد و الجرى و مش هتلاقى احسن من الدولى تجرى براحتك وفاضى جدا و مفيش مطب عليه من المنصوره للاسكندريه ولا مطب بمعنى الكلمه طبعا انا اقصد من جمصه لان الطريق الى جاى من المنصوره لجمصه لا يعتبر دولى وعملوا عليه مطبات

[m.aligamal]

ايه يا اخوان

[m.aligamal]

????????????????????????

[Daash]

الذهاب الى كارفور اسكندرية من العجمي ك21

من جانب كارفور كأنك رايح طريق القاهرة الصحرواوي اول ما تجيب نهاية كارفور فى طريق داخل يمين ده اسمه الطريق الدولي هتطلع يمين وتفضل ماشي لا يمين ولا شمال مع الطريق اول حاجه هتلاقى دخله شمال وكوبري امامك الاتنين طريق واحد وهيطلعوك على الدولي اول ما تطلع على الدولى تفضل ماشى لحد ما تلاقى يافطة اسمها " العجمي - الماكس " دى ممكن تنزلها لو عاوز تجيب العجمي من اخرها اللى هى البيطاش اما لو عاوز تروح اول العجمي ك 21 تكمل على طول لحد ما تلاقى يافطة مكتوب ك21 يبقى انت كده تمام وداخل على اول العجمي وميدان ك21

الذهاب من العجمي الى كارفور الاسكندرية

هترجع من عند ميدان 21 وتطلع كأنك راجع القاهرة هتفضل ماشي مسافة بسيطة لحد ما تلاقى كوبري الطريق الدولي تعدى من تحت وتاخد اول طالعه يمين عشان تطلع الدولي اتجاه الاسكندرية وتفضلى ماسك الطريق على طول لحد ما يقابلك مفرقين واحد يمين والتاني شمال هتاخد الاتجاة الشمال وتفضل ماشى مع الطريق لا تدخل يمين ولا شمال هتلاقى نفسك داخل على كارفور

[m.aligamal]

الذهاب الى كارفور اسكندرية من العجمي ك21

من جانب كارفور كأنك رايح طريق القاهرة الصحرواوي اول ما تجيب نهاية كارفور فى طريق داخل يمين ده اسمه الطريق الدولي هتطلع يمين وتفضل ماشي لا يمين ولا شمال مع الطريق اول حاجه هتلاقى دخله شمال وكوبري امامك الاتنين طريق واحد وهيطلعوك على الدولي اول ما تطلع على الدولى تفضل ماشى لحد ما تلاقى يافطة اسمها " العجمي - الماكس " دى ممكن تنزلها لو عاوز تجيب العجمي من اخرها اللى هى البيطاش اما لو عاوز تروح اول العجمي ك 21 تكمل على طول لحد ما تلاقى يافطة مكتوب ك21 يبقى انت كده تمام وداخل على اول العجمي وميدان ك21

الذهاب من العجمي الى كارفور الاسكندرية

هترجع من عند ميدان 21 وتطلع كأنك راجع القاهرة هتفضل ماشي مسافة بسيطة لحد ما تلاقى كوبري الطريق الدولي تعدى من تحت وتاخد اول طالعه يمين عشان تطلع الدولي اتجاه الاسكندرية وتفضلى ماسك الطريق على طول لحد ما يقابلك مفرقين واحد يمين والتاني شمال هتاخد الاتجاة الشمال وتفضل ماشى مع الطريق لا تدخل يمين ولا شمال هتلاقى نفسك داخل على كارفور

شكرا يباشا بس انا بستفسر على المرواح للعجمى من المعموره
و المرواح لكارفور من المعموره

[m.aligamal]

??????????????????????????????????????
على فكره يا جماعه انا مسافر اخر الاسبوع و محتاج المشوره بتاعتكم جدا