لمبة الاتشك نورت اروح لمين بيفهم

[scsi7]

الاخوة الاعزاء لمبة الاتشك نورت ورحت لناس معرفوش يعرفوا العيب من فين
عايز حد بيفهم ومش حرامى فى منطقة الجيزة او القاهرة لو امكن انا معايا لانسر 2001
وجزاكم الله خيراً

[M.Al-Hefnawy]

أتأكد إن كل الفيش الموجود في حوض العربية مثبتة بإحكام...لو فيشة مش متثبتة في مكانها لازم لمبة تشيك تنور.

[mr_vampire]

الاخوة الاعزاء لمبة الاتشك نورت ورحت لناس معرفوش يعرفوا العيب من فين
عايز حد بيفهم ومش حرامى فى منطقة الجيزة او القاهرة لو امكن انا معايا لانسر 2001
وجزاكم الله خيراً

انا معايا عربية زي عربيتك 2001 مكوة برده . فعايز اعرف لمبة الاتشك ده شكلها ازاي يمكن اقدر افيدك او اسال حد بيفهم في الحوار ده.

[SkyBird]

ممكن سؤال
هو فيه لمبة تشيك انجن في الكريستالة 99
لاني مبشوفهاش تنور لما اشغل العربية ؟
بعد اذن ا.ممدوح اللمبة ده شكلها

[bmya]

مفيش لمبه تشيك في الكريستاله ولا في المكوه اصلا !!!
اللمبه دي موجوده في المواتير الانجكشن وعمري ماشوفتها في الكربيراتير في اللانسر

[SkyBird]

العضو الكريم بيقول نورت عنده في لانسر 2001
ممكن تكون لمبة تانية ؟

[mr_vampire]

بالظبطططططططططططططططططط كدة لاني فعلا شكيت انها ممكن تكون عندي بس فعلا مش موجودة اصلا عندي فالمكوة لانها عالاقل هنور لما ادور العربية. فممكن تكون لمبة تانية فياريت تعرفنا شكلها عشان نقدر نفيدك.

[bmya]

مفيش غير ان عربيته تكون انجكشن بقه
لكن كربيراتير مفيش فيها لمبه التشييييك

[mr_vampire]

مفيش غير ان عربيته تكون انجكشن بقه
لكن كربيراتير مفيش فيها لمبه التشييييك

بس ده مستبعدة متهيالي لان 2001 مكوة وكلنا عارفين انها كربراتير. عموما مستيين من صاحب الموضوع صور او شكل اللمبة اللي نورت عشان نقدر نفيده او نعرف عالاقل ده لمبة ايه ونقدر نساعده.

[M.Nasr]

بس ده مستبعدة متهيالي لان 2001 مكوة وكلنا عارفين انها كربراتير. عموما مستيين من صاحب الموضوع صور او شكل اللمبة اللي نورت عشان نقدر نفيده او نعرف عالاقل ده لمبة ايه ونقدر نساعده.

+1111

[scsi7]

الاخوة الاعزاء السيارة إنجكشن وارد أمريكا

[mr_vampire]

الاخوة الاعزاء السيارة إنجكشن وارد أمريكا

خلاص لو كدة فعلا يبقي هي اللمبة اللي صورتها فوق. وده موتور بومة بالظبطة روح لميكانيكي بقي يبصلك عالمكنة كلها والانجكشن والبخاخات والبوابة والبوجيهات بالمرة معتقدش المشكلة هتطلع عن الاحتمالات ده وان شاء الله ميكونش فيه مشكلة ويطلع سلك ملمس وخلاص. مستيين ردك وتطمنا وللافادة العامة

[scsi7]

جزاكم الله خيراً على الردود
وإن شاء الكريم هشوف الميكانيكى فى أسرع وقت
ورمضان كريم

[SkyBird]

عايز اقول اياك تستهين بتحذير اللمبه
واحد صاحبي نورت اللمبة عنده لمدة شهر تنور وتطفي في اوقات غير منتظمة واللي يقوله وصلات كهربا واللي يستهين بالموضوع من الميكانيكية الكسر
لحد من كام يوم خد بيها مشوار مفتوح على الصحراوي ولما كمل 90 كيلو وقفت العربية وجابت وش سلندر
ربنا يسترها معاك ومعانا كلنا

[mr_vampire]

ربنا يستر طريقنا جميعا. مستنيين من صاحب الموضوع يقولنا وصل لايه والحوار طلع ازاي.