أفيدونا .. أفادكم الله

[mr_lancer]

السلام عليكم .... ازيكم ياجماعه وكل سنه وانتم بخير
انا عندي استشاره خفيفه بما اني اخوكو الصغير هنا
انا السنه الي فاتت زي دلوقتي بالظبط كنت بدور على عربية لانسر تكون مناسبة المهم نطلي واحد ربنا يسامحه قالي ده في عربيه خليجي بره وجوه وكويسه جدا وتعالي شوفها ... طبعا انا على طول رحت شوفتها .. عربيه جميله جدا بس فوجئت انها باور وتكييف بس !احترت اعمل ايه بس هو قعد يقنعني انها كويسه وجميله وممكن احنا نعملها القزاز كهربا ونعمل السنتر والمرايات وللاسف سمعت كلامه ولقيت من الصعب جدا الموضوع ده .
واهي دارت الايام وبنبيع العربيه دلوقتي بعد سنه لاني بصراحه عايز حاجه كامله .
المضحك بقه اني كنت جايبها ب 68ودلوقتي مفصوله ب63 فانشاءالله ببيعها وهجيب حاجه تانيه بس .
بس انا كنت بسال حضراتكو هل السعر ده دلوقتي مناسب اصل الراجل الي عايز يشتري بيتكلم في 62 فانا مش عارف اعمل اايه وهل انا ادحك عليا فيها ؟؟؟؟؟
افيدونا افادكم الله

[د.عمرعبدالفتاح]

موديل سنة كام ولونها ايه وعاملة عداد كام ورشة ولا ايه

[mr_lancer]

هي موديل 2005 وفابريكه بره وجوه وعامله 200 الف بس في السعوديه مش هنا

[mr_vampire]

200 الف وموديل 2005 دول كتير جدا في نظري في عربيات كرستالة موديل 98 و 99 لسة معدوش ال 150 وعربيتي انا 2001 وعدادها 170 الف. عموما العداد مش مقياس لحالة العربية ( بستغرب وبقارن بصوت عالي بس). متهيالي كانت غلطة منك من البداية انك جبتها بالسعر ده وهي فاضية ( بس انتا متاكد انها خليجي ( مادام كانت فالسعودية ) لاني اعتقد انها مواصفات خليجي عني كاااااااااااااااااااملة . ومن ناحية السعر لو هي 1300 يبقي عي في الرينج ده وتوصل 65 كمان. انما لو 1600 يبقي حرام كدة وامسك في ال لحد 68 ( انا بتكلم عشان الموتور انما معرفش الكماليات الناقصة ده تنزلها كام بقي.

[mr_lancer]

انا متشكر جدا ياباشا على المداخلة دي .. بس انا متاكد انها خليجي لانه كان منزلها من السعوديه بنمر الجمرك وخلصها هنا وكان ورقها كله سعودي ... يعني حضرتك شايف اني امسك في 64 او 65 مع العلم ان العربيه سحبها جامد جدا ببقى مشغل التكييف وبشد بيها مع تيوتات و1600 وبتسبقهم والله !!