بخصوص عتب الانسر 2007

[arabsniper]

مش هطول عليكم ياشباب انا معايا لانسر 2007 المهم نويت اركب سبويلر وعتب بعد طول تدوير لقيت عند محل فى مدينة نصر اسمه على رضا السبويلر تيوانى ماشاء الله تيبكل الأصلى وصناعته نظيفه جدا وخفيف زيه تمام ب 500 جنيه ده كده تمام ماشاء الله


لكن ياشباب مشكلة العتب مشكله لفيت السوق كله رحت التوفيقيه والحرفين وكل حته ممكن تتخيلوها عشان الاقى حاجه غير العتب المصرى اللى مصبوب تحت السلم ده ومليان ديفوهات ملقتش نفسى الاقى حاجه انشالله صينى بس تكون فيبر وشبه الأصليه

وطبعا بقى اللى مش عجبه يروح يشترى من التوكيل الواحده ب 1800 جنيه تقريبا يعنى صباح الخير
:)

ارجوكم ياشباب اللى يعرف مكان عنده طلبى ميترددش ويقلى


شكراااااااااااااااااااااااا

[MoToRiZeR]

مقدرش افيدك في الموضوع الصراحة بس حبيت اعلق علي سعر السبويلر
اعتقد انه كتير .. و الله اعلم .. ممكن اللي معاهم لانسر يفيدوك اكتر

[arabsniper]

سعر السبويلر على فكره يأخى معقول جدا على فكره انا لفيت فى كل حته ممكن تتخيلها لقيت احسن اتنين السجان اللى فى شارع دمشق ب 450 جنيه هو اللى مستورده وتقريبا صينى لكن بتاع على رضا ده تيبكل الأصلى بمعنى الكلمه وب 500 ومختوم عليه انو تايوانى وعلى الرش علطووول وفيه عنده منه مرشوش كمان جاى جاهز من بره كده يزيد 50 جنيه لكن انا جبته مش مرشوش عشان خاطر هوديه التوكيل كده كده مع العربيه لأنى هرش اكصدام خلفى فهيترش معاه بالمره ويكون نفس الدرجه بالظبط


بالنسبه للعتب انا لقيت عند واحد اسمه ملك الانسر فى الحرفين عتبتين استيراد وكان طالب فيهم 1500 جنيه لكن يا جماعه والله انا برضه مستحرم المبلغ انا مش شرط انهم يكونو اصلين تيوانى صينى اى حاجه بس مش المصرى اللى شكلهم غبى دول وبيركبو بمسامير وكله نظام تلفيق فى تلفيق ويدخلو ميه مابين العتبه الصاج الاصليه واللى راكبه وبعد كده يعملو بارومه ووجع راس

ربنا يكرم ونعرف حد بيجبهم مستوردين وسعرهم معقول ياريت اللى يعرف اى حاجه يقوووووووول

شكرا مره تانيه:)

[nader makram]

بص هو انا مركب عتب من سبير كار و هو مصرى بس نضيف و الديفوهات مش باينة اوى غير لو قربت منة اوى و ممكن تشوف الصور هنا http://www.nilemotors.net/Nile/showthread.php?t=9806
بس عندى ليك سؤال مهم , العتب الى انا مركبه متركب بتلت براشيم فى كل الناحية يعنى تلاتة يمين و تلاتة شمال و لمل سألت اللى ركبهملى هل ممكن يعمل بارومة قاللى ان العتب مفتوح من تحت و الميه هتقع على طول فعمر الميه ما هتتجمع فيه
فهل انت متاكد ان المصرى بيعمل بارومة واللا لا ؟ لحسن انت خوفتى أوى

[arabsniper]

أنا مش متأكد يأخى انو بيعمل بارومه بس بصراحه انا شايفه مش مطبع زى الأصلى كويس على جسم العربيه وده يدى فرصه ان الميه تتجمع لكن طالما انت بتقول مفتوح من تحت يبقى خلاص لكن انا مشفتش اللى عندك شكله ايه على الحقيقه


وربنا يستر متقلقش:)

[mada121977]

[quote=arabsniper;179080]مش هطول عليكم ياشباب انا معايا لانسر 2007 المهم نويت اركب سبويلر وعتب بعد طول تدوير لقيت عند محل فى مدينة نصر اسمه على رضا السبويلر تيوانى ماشاء الله تيبكل الأصلى وصناعته نظيفه جدا وخفيف زيه تمام ب 500 جنيه ده كده تمام ماشاء الله


اخى الفاضل انا شارى اسبويلر من عندنا فى المنصوره زى الاصلى بالضبط ب 250 جنيه ورشيته ب 50 جنيه ... الاسعار اللى انتا بتقول عليها غاليييييييييييه جدااااااااااااااااااااا
مش معقول فرق الاسعار الكبير ده فى كل حاجه لللانسر بين القاهره والاقاليم

[arabsniper]

[quote=mada121977;179370]

مش هطول عليكم ياشباب انا معايا لانسر 2007 المهم نويت اركب سبويلر وعتب بعد طول تدوير لقيت عند محل فى مدينة نصر اسمه على رضا السبويلر تيوانى ماشاء الله تيبكل الأصلى وصناعته نظيفه جدا وخفيف زيه تمام ب 500 جنيه ده كده تمام ماشاء الله


اخى الفاضل انا شارى اسبويلر من عندنا فى المنصوره زى الاصلى بالضبط ب 250 جنيه ورشيته ب 50 جنيه ... الاسعار اللى انتا بتقول عليها غاليييييييييييه جدااااااااااااااااااااا
مش معقول فرق الاسعار الكبير ده فى كل حاجه لللانسر بين القاهره والاقاليم

على العموم يأخ مادا مش هى دى المشكله دلوقت سعر السبويلر كام انا جبته خلاص سواء أضحك عليا أو لأ بس على فكره انا شفت حاجات قبل كده ب 250 وب 300 جنيه فى الحرفين قبل كده ومعجبتنيش وكمان سألت على سعر الأستيراد المستعمل لقيته بألف جنيه على العموم اهم حاجه الراحه النفسيه وخلاص واانا لاحظت انى اللى جبته انو شبه الأصلى الفرق فرق صناعه انو تيوانى والأصلى يابانى أيا كان مش هى دى المشكله انا المهم عندى موضوع العتب دلوقتى واانا استحاله اروح اجيب عتب ب 3800 جنيه من التوكيل أظن حرام ومش عارف اعمل ايه و 1500 جنيه سعر الأستيراد غالى برضه حرام وفى نفس الوقت مفيش غير المصرى الزباله ده اللى شبه الجبس نفسى الاقى حاجه فيبر زى الأصلى بس تكون تيوانى او صينى حتى أكيد هيكون سعرها مهاود وهتكون تحت رنج الألف جنيه أكيد