سؤال بخصوص قفل الشنطه

[fouad19852002]

عندى بومه 2008 كنت فى رأس البر ومره واحده بحط المفتاح فى الشنطه لقيته مش بيفتح جربت افتح الشنطه من جوه لقيتها الحمد الله فتحت سبتها كام يوم قولت جايز الرطوبه ولا رمل من البحر من العومات ولا كدا برضو مفيش فايده لحد دلوقتى بفتح الشنطه من جوه بس أنما بالمفتاح مش عايزه خالص مش بيلف ولا يمين ولا شمال . بصراحه خايف اوديها لحد يقعد يلعب وميعملش حاجه فاتنصحونى بأية اوديها لحد يصلحها ولا اعمل ايه.

وشكرا يا أحلى منتدى واجدع أعضاء

[A.Saad]

جرب ترش wd40 او جاز
بلاش زيت
وشوف هل فيه حاجة محشورة فى الكالون فى مكان دخول المفتاح

[fouad19852002]

ألف شكر على الرد و الاهتمام وهجرب وهبقا اقول عملت ايه

[kisho55555]

المفتاح بيدخل لاخره ولا لا ؟؟؟؟

[Adham]

نفس المشكلة عندي في لانسر 2006 بومة برضة من فترة (سنة و نصف مثلا) و بنفتح الشنطة من جوة انما المفتاح بيخش للاخر و مش بيلف لا يمين و لا شمال

واضح انها مشكلة عامه ههههههههههههههههه

بس كنت خبطت موتوسيكل راكن ورايا و انا باطلع من ركنة قبلها او في وقت معاصر و اعتقد ان السبب من الخبطة دي ربما

[kisho55555]

حاول تفك الكالون بتاع الشنطة وتشوف اذا كان الصاج ضاغط عليه ولا لا ؟؟؟

[Ralliart]

الموضوع ده حصلي زمان والسمكري (راكب لانسر هو كمان) عملهالي في ثواني ومرضاش يقولي عملها ازاي
روح لاي حد بتاع كوالين هيظبطه وانت واقف

وجرب الـwd40 لان العربيه كانت مخبوطه جامد في الشنطه ومكانتش بتفتح غير من جوا لما اشد الدراع لآخره
ولما رشيت عليه wd40 بقت بتفتح بسرعه احسن من الاول كمان

[Adham]

الموضوع ده حصلي زمان والسمكري (راكب لانسر هو كمان) عملهالي في ثواني ومرضاش يقولي عملها ازاي
روح لاي حد بتاع كوالين هيظبطه وانت واقف

وجرب الـwd40 لان العربيه كانت مخبوطه جامد في الشنطه ومكانتش بتفتح غير من جوا لما اشد الدراع لآخره
ولما رشيت عليه wd40 بقت بتفتح بسرعه احسن من الاول كمان

السمكري راكب لانسر هو كماااااان هههههههههه

طيب حابص عليها تاني و احاول انضف الدراع بالسبراي

حاول تفك الكالون بتاع الشنطة وتشوف اذا كان الصاج ضاغط عليه ولا لا ؟؟؟

الخبطة اصلا كانت بعيدة عن الكالون بحوالي شبر و بعيدة عن الدراع, و هي فعصة (نغزة) 2 سم في 2 سم بسبب الجادون بتاع الموتوسيكل و بس

و انا بصيت من جوة الشنطة (الدراع بيبقى باين و مش مقفول علية) و مالقيتش اي معوقات بس حاولت اشد الدراع يفتح الشنطة لقيتة تقيل قوي زي مايكون قافش او داقر في حاجة

حاحاول انضف بسبراي و احركة كدة مرتين تلاتة و اشوف

[Ralliart]

السمكري راكب لانسر هو كماااااان هههههههههه

العربيه دي لمت جامد :)
بس دايماً السمكريه بيستلقطو عربيات ويشتروها بغرض التجاره
يعني كل ما تروح عنده تلاقي عربيه تانيه

[Adham]

العربيه دي لمت جامد :)
بس دايماً السمكريه بيستلقطو عربيات ويشتروها بغرض التجاره
يعني كل ما تروح عنده تلاقي عربيه تانيه

هي دي بس

السمكري اللي باتعامل معاه كان راكب جراند شيروكيي

بيجيبوا عربيات حوادث و يشدوها و تقف عليهم بملاليم

و اساسا هي دي الفئة اللي بقى معاها فلوس

شوف النهاردة السمكري و الميكانيكي بيطلع كام في اليوم يعني في اسبوع اكتر من مرتب مدير شركة في شهر مثلا ههههههه

المهم قوللي بقى

النهاردة نزلت لقيت بطارية اللانسر نايمة و لقيت مروحه الردياتير و مروحه التكييف بيشتغلوا اول ما وصلت بطارية الفرونتيرا
واضح ان المراوح علقت و فضت البطارية طول الليل و الموضوع دة سخيف علشان ممكن يحرق مواتير المراوح مش بس ينيم البطارية

المهم بعد شوية المراوح فصلت لما وصلت البطارية التانية و العربية دارت و مشيت اليوم عادي, بس انا عاوز اقطع فرط الموضوع علشان ماتعملهاش تاني

انا عارف ان خبرتك كبيرة في اللانسر و حافظها

بكرة عايز انزل اشوف الكتاوت اللي بيلقط المراوح دي مع التكييف افترض انة في علبة الفيوزات اللي ورا البطارية, صح و للا انت عندك معلومة تانية اراجعها ممكن تكون سبب اللي حصل؟؟

[M.Nasr]

العربيه دي لمت جامد :)
بس دايماً السمكريه بيستلقطو عربيات ويشتروها بغرض التجاره
يعني كل ما تروح عنده تلاقي عربيه تانيه

+111111111

[Ralliart]

النهاردة نزلت لقيت بطارية اللانسر نايمة و لقيت مروحه الردياتير و مروحه التكييف بيشتغلوا اول ما وصلت بطارية الفرونتيرا
واضح ان المراوح علقت و فضت البطارية طول الليل و الموضوع دة سخيف علشان ممكن يحرق مواتير المراوح مش بس ينيم البطارية

المهم بعد شوية المراوح فصلت لما وصلت البطارية التانية و العربية دارت و مشيت اليوم عادي, بس انا عاوز اقطع فرط الموضوع علشان ماتعملهاش تاني

انا عارف ان خبرتك كبيرة في اللانسر و حافظها

بكرة عايز انزل اشوف الكتاوت اللي بيلقط المراوح دي مع التكييف افترض انة في علبة الفيوزات اللي ورا البطارية, صح و للا انت عندك معلومة تانية اراجعها ممكن تكون سبب اللي حصل؟؟

الموضوع ده حصلي بس كانت بتعلق شويه بعد ما اقفل العربيه وبعديها تفصل
وساعتها غيرت كنترولر المروحه في الضمان وعرفت ان المشكله دي بتحصل كتير مع اللانسر

[Adham]

مفروض انها تشتغل شوية (دقيقة مثلاً) بعد ما تبطل الموتور لغاية ما الحرارة تنزل و الترموستات يفصلها

بس اللي حصل ان المروحتين شغالين (الردياتير و التكييف) مش بس مروحه الردياتير و فضلوا شغالين لغاية البطارية مانامت

و لما وصلت بطارية تانية لقيتهم اشتغلوا ففهمت الموضوع حاول اشغل التكييف و افصلة كذا مرة مافيش فايدة بس لما دورت العربية شوية فصلوا

اعتقادي ان الريلاي بتاع المروحه (الكتاوت) معلق بسبب الحر الشديد (لزق)

الكونتروللر دة بيبقى فين لو حبيت اغيرة
بافكر الاول انضف السكويتات و الفيش و سوكتات الريليهات بالسبراي (كونتكت كلينر)

[Ralliart]

لا كانت بتشتغل على طول حتى والعربيه بارده والترموستات مكانتش بتفصلها ومكانتش بتفصل طول المشوار اصلاً بس بعد ما اقفل العربيه ب5 دقايق بتفصل
معرفش مكان الحاجات دي بس لو نزلت هدعبس في العربيه شويه واحاول اعرف

[Adham]

شكرا يا معلم انا شوية كدة و حابص عالعربية و اشوف المشكلة منين