مهم و عاجل استشارة صغيرة

[nice_bird]

انا لسه جديد عالانسر بعد مجبتها تاني يوم طلعت بالعربية مشوار صغير وركنت العربية وفضلت مشغل الكاسيت وفجاءة الكاسيت فصل وجيت ادور العربية مداريتش (مفيش صوت مارش) لاكن لمبات العداد شغالة وهيا اوتوماتيك المهم فصلت العربية وبعد ربع ساعة تقربيا بدور عملت صوت ضعيف بس دارات الحمد لله فهل تكون دي بطارية ولا إيه ولو بطارية تغيرها عادي ولا لازم كهربائي متخصص وشكرا ليكم

[m.aligamal]

بطاريه طبعا
لو سايله وديها لواحد بتاع بطاريات يزودها ميه و يقسها لك
او ريح نفسك و هتها جافه

[DrMax]

لو البطارية سايلة وديها الاول لكهربائى يغسلها بكربونات ويظبطها هتعيش معاك شوية حلوين...انا عملت كده فى بطارية Varta اتحاد اوروبى كانت معايا فى ال 132 وقعدت بعديها سنة ونص شغالة معايا زى الفل..بس طبعا معملتش كده غير لما الكهربائى قالى هظبطهالك وهتشتغل معاك لانها لسه مجابتش اخرها...لكن لو الكهربائى قالك جابت اخرها غيرها علطول وخصوصا ان عربيتك اتوماتيك فمش هينفع فيها زق لو غلبتك فى الدوارة
اما لو جافة غيرها علطول ونصيحة منى هاتها Varta اتحاد اوروبى جافة طبعا..هية غالية حبتين بس بطارية محترمة جدا ومعمرة جدا جدا جدا...بجد تمنها فيها وزيادة
وطبعا ابقى هاتها نفس الامبير بتاع البطارية الاصلية

[nice_bird]

شكرا ليكم فعلا بطارية