المايه الخضراء ملحت

[m_s_azzam]

يا شباب المايه خضراء عندى ملحت و استغربت وقلت اغيرها بس ايه افضل نوع ميه خضراء ممكن احطه للشارك

[SkyBird]

دي مشكلة فعلا
انا حاسس ان المية الخضرا دي افتكاسه كبيرة
احسن منها مية مقطرة من وجهة نظري المتواضعة

[ramyar]

المياه الخضراء مش افتكاسه ولا حاجه لانها فعلا فيها اضافات ومواد معينه بتساعد علي التبريد وبتزيت وبتساعد علي اطاله عمر طلمبه المياه والثرموستات كمان بتحمي معدن الموتور من التاكل غير كل ده انها ما بتتبخرش علي درجات الحراره العاليه وبي النسبه لاختيار المياه في جركن موبيل كولنت كويس بس ده للتزويد مش للتغير اما بقي لو هتغير خالص في مياه خضراء امريكاني اسمها abro عامله زي الكانز بس كبيره للشارك هتجيب 2 منها وهتكمل الباقي ماء مقطر

[Ralliart]

انا بحط مية موبيل 1
بصراحه بنت حلال ونادراً لما تقل
وخلي بالك لو هتجيب الكان اللي بيتزود ميه اوعى تحط عليه مية حنفيه لان الميه دي مليانه املاح وهتضر دورة التبريد جامد ودا اللي خلاني ابعد عن حوار الكان والميه المقطره ممكن مضمنهاش فبريح دماغي واحط موبيل

[M.Nasr]

هى الماية الخضرة دى بتتغير كل فترة؟ ولا لما يحصل مشكلة بس؟

[A.Saad]

هى الماية الخضرة دى بتتغير كل فترة؟ ولا لما يحصل مشكلة بس؟

حسب نوع عربيتك

الغالب
كل سنتين او 40000 كيلومتر

[husseinsalah]

انا حاطط مية خضرة وبزودها مية مقطرة بحوشها من خرطوم التكييف اللى فى البيت

[M.Nasr]

اصل انا ماغيرتهاش من ساعة ماجبت العربية وبقالها 3 سنين

[m_s_azzam]

و ياترى مية موبيل 1 دى سعرها كام

[Adham]

انا باجيب علبة (كان) كبيرة كدة عاملة زي بتاعه السمنة الصغيرة النص كيلو اسمها كوولر cooler دي لونها ابيض و الكتابة بالتركواز و دي امريكاني و كويسة و مضمونة مش مضروبة

ما فضلش اي جراكن مياة زي السعودي و لا غيرة لان فيها مضروب و ليا سابق خبرة معاه

الا لو موبيل و شارية من محطة موبيل يبقى مضمون طبعا

و لو عندك فلتر مياة في البيت زود منة او من مياة التكييف او مياة مقطرة علشان فعلا مياة الحنفية كلها املاح

[zoro007]

و ياترى مية موبيل 1 دى سعرها كام

لسه شارى جركن قريب موبيل 1 ب 55 جنيه

[m_s_azzam]

لسه شارى جركن قريب موبيل 1 ب 55 جنيه

ربنا يبارك فيك

[M.Nasr]

لسه شارى جركن قريب موبيل 1 ب 55 جنيه

طيب الجركن ده كام لتر؟ وبيتحط اد ايه فى الرادياتير بعد غسيله؟