حد يفيدني يا جماعه الصور دي فيها عمود اتزان ولا لأ

[dr.amr]

العربيه لانسر 2010 وكيل اوتوماتيك 1600

انا طبعا ما اعرفش شكل عمود الاتزان ولا مكانه

انا حاولت اصور العربيه بس مش عارف هل الصور توضح ولا لأ

ياريت حد يفيدني

ImageShack Album - 7 images

الصور في اللينك ماعرفتش احطها

[dr-mohamed]

الصورة مش ظاهرة هناك

[dr.amr]

ازاي ؟؟؟؟؟؟؟؟؟؟

انا بتفتح عندي

طيب هحط كل لينك لوحده يمكن تظهر

Imageshack - 19082010233.jpg

Imageshack - 19082010234.jpg

Imageshack - 19082010235.jpg

Imageshack - 19082010236.jpg

Imageshack - 19082010237.jpg

Imageshack - 19082010238.jpg

Imageshack - 19082010240.jpg

[Ralliart]

لأ مفيهاش ............

[dr.amr]

ممممممممممممم

ياعني شاري ال 1600 علشان مايطلعش فيها

ايه القرف ده

طيب وهو يتجاب منين ويتركب فين يا جماعه

بس كمان ثبات العربيه ممتاز جدا ماشاء الله

بمشي 160 والعربيه بتكون ممتازه

هل ده هثزود الثبات اكتر ولا ايه

[Ralliart]

اعتقد انه بيكون في السبورت والهاف تقريباً او يمكن التوكيل لهفهم
عموماً هتلاقيه في الحرفيين عند بتوع الاستيراد في حدود 500 جنيه

[ahms10]

هى فعلا مفهاش ومكانة بالتفصيل فى الصورة الاخيرة حضرتك هتلاقى مقص قرب نهاية من الشمال فى زى جلبة صغيرة هنا بيتركب فيها مسمار الميزان وطبعا فى الناحيتين وبيكونوا واصلين ببعض والجريدة متثبتة فى الشاسية فوق وليها اماكنها بالنسبة للثبات وهيا ماشية فى خط مستقيم غالبا مش هيفرق اوى لاكن هتبقة عربية تانية فى المنحنيات والميل البسيط حتة وهتفرق فى انا لاحظت انها بتفرق كمان فى الطرق المستقيمة بس مكسرة اصلى انا 1300 مفهاش ميزان وكبتة حسيت بفرق جامد جدا وانا داخل الحرفين من غير ميزان وانا خارج من الحرفين بالميزان ...انصحك بشدة انى حضرتك تجيدة لو راضى بالعربية دلوقتى تاكد انك هتعشق العربية بعد ما تركبة باذن اللة بجد الحمد اللة بعد تركيبة انا بقيست واثق فى العربية فى ثباتها وبخش بيها فى منحنيات خطرة جدا واللة والحمد كفاءة معايا بالنسبة لسعرة كامل كان 500 جنية وتركيب 50 جنية بس اهم حاجة لو حضرتك نويت ان شاء اللة تجيب لازم تجيب الميزان كامل كامل يعنى اة يعنى 2 جريدة تثبيت فى الشاسية والميزان نفسة وهيا حتة حديد بطول العربية من تحت اقصر حاجة بسيطة لغاية خرمين المقصات ومسمارين ميزان بيبقوا فى نهاية طرفى الميزان يمين وشمال ودا جلبة طالع منها المسمار بردوة من اليمين والشمال اهم نقطة بقا انى كل مسمار لية كوتشتين بحيث تركبة واحدة من فوق المقص والتانية من تحت ودى خليك حريص جدا انك تاخد ها لانى معظم الناس بتبقة مقطوعة عندهم او مش موجود ودى مش موجودة لوحدها ابدا ودوختنى وسعرها فى التوكيل لانى حضرتك لازم تشترى المسامير على بعضها 160ج فحضرتك خليك حريص كل الحرص انى حضرتك تجيبة كامل من ناقصة الهوا لانى الكاوتش دا جوا حديد من هتلاقة
وربنا يعمل الى فى خير ان شاء اللة

[M.Nasr]

عامود الاتزان ده موجود فى ال1600 الأردنى؟؟

[Eng.Osama.Afifi]

هو عامل كام في التوكيل أصلا ؟