الحقونىىىىىىىىىىىىىىىىىىى و ارجو الافادة سريعا

[islam_dd]

معايا لانسر بوما 2007 مانوال 1600 و انا ماشى و مشغل التكييف لقيته فصل لوحده و العربية سخنت و لقييت المروحه واقفه , ارجو الافاده سريعا

[SAMEH_FOUAD]

اكشف كدة على مياة الرديايتر والقربة وشوفهم ناقصين ولا لأ

[islam_dd]

لا يا باشا كولو تمام و العربيه كان فيها ميا خضرا و لسا عامل غسيل لدورة الميا من شهرين و كلو تماااام, المروحة وقفت ده عيب اييييييه ؟

[rompo6]

اطلع علي كهربائي اكيد الكهربا فيها حاجه وطمنا ياباشا

[mr_vampire]

اكيد عيب كهرباء وخليه يكشف عالترموستات يمكن بايظة ومتبخليش المروحة تفصل وبتشتغل علي طول لحد ماحصلها حاجة ( لقدر الله ) وتبقي تطمنا.

[M.Al-Hefnawy]

طالما التكييف والمروحة فصلو يبقى ده فيوز خلي الكهربائي يرجعلك على الفيوز كلها.

[islam_dd]

لا يا رجاله هو غالبا الترموستات فعلن لان المروحه بتشتغل اول ما بدور العرببه عادى و بعد كده تفصل و لما العربيه تسخن الترموستات المفروض انو يخلى المروحه تشتغل بس مش بتشتغل و التكييف بيشتغل بس بيفصل لما العربيه تسخن و دى حاجة طبيعيه لأنو المفروض لما بيشتغل سرعة المروحه تزييد . عموما انا ان شاء الله هوديها بكره للميكانيكى و لما اتأكد من العطل اكييد هفيدكوا و اعرفكوا ايه اللى حصل بس يارييييييت الافاده لو حد عندو معلومات عن اسعار الترموستات ده و هل فى منو انواع ولا لأ ز و شكراااااااا جزيلا على ردودكوا و فعلا لازم كل واحد يقابلو اى حاجه فعربيتو يعرفنا عشان كلنا نستفاد

[islam_dd]

المشكلة طلعت من حساس الميه و جبت الاصلى ب 330 جنيه و كلو بقى تمااااام الحمد لله

[mr_vampire]

المشكلة طلعت من حساس الميه و جبت الاصلى ب 330 جنيه و كلو بقى تمااااام الحمد لله

يعني ايه حساس المية ؟؟؟؟؟؟؟؟؟ لو قصدك الترموستات فده اسمه حساس الحرارة اللي بيشغل ويفصل المروحة لما درجة الحرارة توصل لحد معين. بس ليه 330 ؟؟؟؟؟؟؟ هو من التوكيل ولا منين. انا بصراحة معرفش سعره بس مستغلي تمنه اوووووووووووي. عموما الحمد لله ان العربية اتظبطت معاك.

[islam_dd]

اه يا باشا من موزع للتوكيل بس المشكلة رجعت معايا تانى و لما اوصل لحلنهائى هبلغكم ان شاء الله