شباب افيدونى معروض على لانسر بوما 2008

[new2002]

شباب افيدونى معروض على لانسر بوما 2008 كاملة فتحة سقف مرآيات كهرباء سى دى جنوط سبور ولونها اسود .
عاملها 90الف كيلو اكصدام ورفرف متغير .
معروضه على بـ 85000
ايه رأيكم انا محتار

[new2002]

السيارة glx

[mr_vampire]

متهيالي تنزل شوية عشان مغير اكصدام ورفرف. واكشف عالريداتير والمكنة لان مادام مغيرهم يبقي كانت خبطة والاكصدام القديم اتعجن( بفكر معاك بس بصوت عالي) وتقبل مروري

[eldell]

السلام عليكم فى الاول ثانيا اكشف على شاسيه السياره وكمان العداد بتاعه كتير اوى 90 الف

[mohamed_e36]

السلام عليكم فى الاول ثانيا اكشف على شاسيه السياره وكمان العداد بتاعه كتير اوى 90 الف

+11111111111111111111111111111
العداد كده كتير جداااااااااااااااااااااااااااااااااااااااااااااااا ا

[nice_bird]

مانيول ولا اوتوماتيك وبعدين الرفرف مسمع ولا مش مسمع في الداخل (شوف سمكري ) لو متغير نظافة وكاملة سبورت يبقي 82000

[new2002]

اشكركم على المتابعة الكريمة
وانا سألته اليوم
قالى الرفرف كان واخد خبطه ظبطه ورشه فقط يعنى مش متغير
والاكصدام برده واخد رشه
والعربية سوقتها ناعمه جدا مافيهاش اى صوت خبط
فوانيس زينون - مرآيات كهرباء سقف كهرباء - دريكسون ميديا-اتوماتيك-2 ايرباج - اتوماتيك وتحت ال D مكتوب 1-2-3-4
لا اسمع اى صوت وانا بداخل السيارة بس باين ان ازرار الزجاج ممسوح جزء من الرسم وكذلك عند الكاسيت عند بكر التعليه الدائرة الفضية من كتر احتكاك اليد فى الدوارن للتعلية والتوطيه ظهر الون الاصلى لوجه الكاسيت وهو الاسود
glx sport
بصراحه انا معنديش خبره فى السيارة

[new2002]

اسف على الاطاله
وكمان معروض على مرسيدس c180 موديل 99 استخدام خواجه فى سفاره طبعا انتوا عارفين استخدام سفاره وخواجه
طبعا كاملة اتوماتيك ( بيقولى حالة الزيرو ) انا لم اشاهدها سعرها حوالى 93000ج
فهل اختار المرسيدس موديل 99 ( 93000ج) ام متسوبيشى موديل 2008 ( 90000ج)

[new2002]

طبعا دى كانت صور متسوبيشى لانشر البوما 2008 بس طبعا من النت

ودى صور مرسيدس C180 موديل 99

[mr_vampire]

اولا صور اللانسر اللي انتا حاططها ده مش بومة ده شارك. كدة عايزين نتاكد هي بومة ولا شارك ( مع ان علي حسب كلامك ان الدريكسيون مالتي ميديا تبقي شارك). والاختيار انا ارجح اللنسر عشان قطع الغيار وعربية جديدة. وده طبعا ميقللش من المرسيدس لانها ركوبة عالية اوي بس اركب حاجة جديدة احسن واتمتع بالكماليات الجديدة وكمان قطع غيار المرسيدس ناااااااااااار وحرق بنزين عالي.

[new2002]

شكرا يا غالى على ردك
معك حق وانا اسف انا فعلا عندى اميه ثقافيه فى السيارات والله مش عارف ولكن الدريكسون فيه تعلية وخفض صوت الكاسيت وزرين اخرين وكلهم موجودين فى جنب واحد فى الديريكسون

يا ريت لو تحط صور الاثنين يبقى افضل
ولكن الصورة اللى انا حاططها للتابلوه هى نفس تابلوه العربية اللى شوفتها
وايهما افضل البوما ام القرش ( شارك )

[mr_vampire]

بصراحة انا معنديش صور للاسف. بس هو كدة خلاص مادام نفس التابلوه اللي فالصور ده وكمان دريكسيون مالتي ميديا وهتلاقي زرار مكتوب عليه set و + و - ده عشان تثبيت السرعة وتزود وتخفض السرعة من الدريكسيون ومتستخدمش رجلك خالص غير فالفرامل. ومن ناحية ايهما افضل الشارك او البومة بصراحة بالمواصفات اللي بتتكلم عنها ده انا ارجح الشارك وخصوصا ان في شباب كتير هنا بيشكر فيها اوي ( انا مجربتهاش لان انا معايا مكوة اللي هي نفس البومة تقريبا في الشكل والكماليات) انكا الشارك اختلاف كلي وجزئي في الشكل والمضمون. فراي شخصي اكشف عليها كويس في اي مركز خدمة وسمكرة وموتور وعفشة وكل حاجة ولو تمام يبقي عالبركة. وتبقي تعرفنا وصلت لايه عشان نباركلك

[new2002]

فعلا طلعت الـ شارك ( القرش )
فهل السعر مناسب
والزجاج الامامى به شرخ من اعلى بعرض الزجاج

[mr_vampire]

متهيالي السعر ممكن ينزل شوية لان عدادها عالي بالنسبة لموديل 2008 ده فيه عربيات موديل 2000 لسة عدادها مكسرش ال100 عموما هو مش مقياس لو بيتعملها صيانة في مواعيدها. وبالنسبة للزجاج قول للبايع هتغيرلي الزجاج او نخصم سعر زجاج جديد من السعر لان المفروض بيبيعلك عربية عالركوب علي طول.

[M.FOUAD]

فعلا طلعت الـ شارك ( القرش )
فهل السعر مناسب
والزجاج الامامى به شرخ من اعلى بعرض الزجاج

السعر مناسب جدا لو 90 الف و الحالة زي ما بتقول بس انت كاتب في اول مشاركة انها معروضة عليك ب 85 و المرسيدس بردة سعرها مناسب جدا فلو مش فارقة معاك الموديل و غلو اسعار الصيانة خليك في المرسيدس.