! مشكله في ديبرياج لانسر البومه 2007

[ab_1090]

السلام عليكم علي اهل المنتدي الجميل
انا عندي مشكله ظهرت معايا النهارده كل مابدوس دبرياج بحس انوا خفيف اوي وبيفصل تحت خالص
بعكس السابق انا بصراحه المشكله دي مقلقاني خايف تكون حاجه كبيره مع ان زيت الدبرياج بين المين والماكس
والاسطوانه والديسك يعتبروا سلام بس مش عارف العيب دا مين ايه
انا اسف بجد علي الاطاله بس انا بسافر كتير وخايف يحصل حاجه علي الطريق

[M.Al-Hefnawy]

ممكن تكون كثافة الزيت اتغيرت وعاوز يتغير.

[ab_1090]

ممكن تكون كثافة الزيت اتغيرت وعاوز يتغير.

هيا العربيه عاملا 70000 كيلو وعملت صيانه 40 ومافيش تغير زيت الدبرياج فيها ولا في صيانه 80
وتقريبا دا زيت الشركه علي مااعتقد مش بيتغير او بيتغير علي فترات كبيره والله اعلم

[M.Al-Hefnawy]

ممكن تخلي ميكانيكي كويس يبصلك عليها وإن شاء الله تبقى حاجة بسيطة وابقى طمنا عشان نستفيد كلنا

[mr_vampire]

معلش استفسار بس. هو ايه زيت الدبرياج ده؟؟؟؟؟؟؟؟؟؟؟؟؟ وبيتشاف منين. اول مرة بصراحة اسمع عنه.

[ab_1090]

معلش استفسار بس. هو ايه زيت الدبرياج ده؟؟؟؟؟؟؟؟؟؟؟؟؟ وبيتشاف منين. اول مرة بصراحة اسمع عنه.

هوا والله اعلم زيت الفرامل والدبرياج في منه النوعين كابل وعلي الزيت ولانسر علي زيت وطبعا دا علي حد علمي والله اعلم

[mr_vampire]

هوا والله اعلم زيت الفرامل والدبرياج في منه النوعين كابل وعلي الزيت ولانسر علي زيت وطبعا دا علي حد علمي والله اعلم

زيت الفرامل معروف اللي هو قربة الزيت الباكم اللي عالمستر بتاع الفرامل اللي في الموتور. انما ايه زيت الدبرياج ده بقي؟؟؟؟؟؟؟؟؟ ياريت ياشباب لو حد عنده خلفية عن الحوار ده يقولنا عليه وبنكشف عليه ازاي؟؟؟؟؟

[HeMa_LanCeR]

زيت الدبرياج هتلاقيه علبه صغيره جنب زيت الفرامل طبعا بتكون باكم
بالنسبه بقي لصاحب الموضوع انا شاكك ان الماستر اللي تحت هيحتاج طقم اصلاح او محتاجه تاخد هوا بس
انصحك تروح لميكانيكي وهو بأذن الله يقولك فيها ايه بالظبط

[ab_1090]

زيت الدبرياج هتلاقيه علبه صغيره جنب زيت الفرامل طبعا بتكون باكم
بالنسبه بقي لصاحب الموضوع انا شاكك ان الماستر اللي تحت هيحتاج طقم اصلاح او محتاجه تاخد هوا بس
انصحك تروح لميكانيكي وهو بأذن الله يقولك فيها ايه بالظبط

شكرا ياباشا علي الرد وكل سنه وانت طيب
هوا يعني قصد حضرتك ان ممكن يكون الماستر بيهرب زيت
طيب ممكن سؤال بسيط انا اسف علي الاطاله هوا فين بالضبط مكان زيت الدبرياج والماستر عشان انا مش لاقيهم ومعلش بجد اسف سؤال تاني هوا ماستر الدبرياج عامل كام
وشكرا ياباشا علي الرد الجميل