المرايا سابت !

[nice_bird]

المرايا بتاعت السواق سابت في الفتح والقفل ومبتسبتش لكن موتورها شغال ايه الحل فيها !!!!!!!!!!

[M.Al-Hefnawy]

أعتقد إن المراية متثبتة في الجزء المثلث الموجود في الباب بمسمار بس بيقى ظاهر من تحت...حاول تربط عليه شوية وشوف أيه الأخبار

[kingkolman]

انا برده عندي مشكله في المرايا اليمين ، المشكله ان الحامل ( القاعده ) بتاعتها كنت مكسوره و اتلحمت و هتتكسر تاني عشان اللحام مش حل عملي بس العلبه و المرايا و المتور شغالين كويس و مش عارف اجيب الحامل ده منيين ،،، انا كنت سالت علي المرايا كلها علبه و متور و حامل لقتها ب ١١٠ و انا مستغليها بصراحه و حاسس ان في حل احسن من كدا

[M.Nasr]

القاعدة بتاعتها فيبر ولا انتيمونى؟ عموما فى الحالتين ليهم حل ب تقوية الجزأ ده لو هو فيبر وممكن تعملو عند اى حد بتاع فيبر

[kingkolman]

القاعدة بتاعتها فيبر ولا انتيمونى؟ عموما فى الحالتين ليهم حل ب تقوية الجزأ ده لو هو فيبر وممكن تعملو عند اى حد بتاع فيبر

شكرا يا باشا علي اهتمامك هوه للاسف مش فيبر فهل في حل عملي غير موضوع اللحام ده و فني اجيب قاعده تانيه بس هيه ممكن تتباع فين ؟

[M.Nasr]

بص هو فى مرة فى الاوكتافيا قاعدة المرايا نفسها اللى بتربطها بجسم العربية اتكسرت ودى انتيمونى مش فيبر وفى الحرفيين غير القاعدة دى ماعرفش ازاى عشان ماشفتش الموضوع ده ساعتها بس رجعها تقريبا زى ماكانت وخلاها تقفل وتفتح عادى

[nice_bird]

ياريت تقولي المرايا ال 110 من فين ونوعها ايه صيني ولا كوري

[kingkolman]

ياريت تقولي المرايا ال 110 من فين ونوعها ايه صيني ولا كوري

بصراحه انا كنت في محل قطع غيار هنا في طنطا و حبيت اخد فكره بس معرفتش التفاصيل بس ممكن اسالك لو انت حابب و علي فكره ممكن كمان تلاقيها سمره يعني لسه هتترش انا كمان لسه مشوفتهاش

[M.Nasr]

فى مراية تايوانى شفتها كانت تقريبا بنفس السعر ده بس بتنزل سودة بس مفيش منها الوان وعيبها ان كف المراية لو اتكسر مش بيتغير عشان قاعدة المراية مختلفة عن الفبريكة

[islam_mhamed]

موجوده تايوانى عند المنير فأول فيصل ب 95 جنيه و انا المرايا عندى كانت اتكسرت زى حضرتك كده و كولو قالى لازم تتغير خالص و غيرتها

[wdramiz]

انا حصلت معي نفس المشكلة .......... اذهب الي محل زجاج سيارات والزقها سيليكون اسود

[nice_bird]

شكرا علي الردوود انا نويت اجيبها تايواني واجيب طقم وشوش نيكل للمرايات انضف من الرش

[kingkolman]

انا هعمل زيك

[kingkolman]

انا روحت الحرفيين عشان موضوع المرايا و مفيش موضوع القاعده دي لوحدها و كله بيبع المرايا بالحامل بتاعها علي بعضها
بس انا لاقيت واحده استيراد بيقولي انها كمان بتقفل كهربا ( يعني العلبه كمان بتقفل و تفتح كهربا مش المرايا بس ) فهل دي ممكن تشتغل عندي ؟
انا اللي عندي المرايا بس هيه اللي كهربا مش العلبه بس !!
سؤال كمان ، في مرايا فيها اضاءه اشارات كمان ؟ زي المرسيديس او الكيا ؟

[nice_bird]

بالنسبة لانها تقفل كهربا هتحتاج تتوصل مع السنتر بتاع العربية وتركبلها زرار احتياطي علشان لو حبيت تقفلها في الزحمة