ارجوكم مساعدة ضرورى جدااااااااااااااااا- اسعار قطع غيار حادثة

[just_humen]

السلام عليكم ورحمة الله وبركاتة
كل سنة وانتم طيبين

ياجماعة انا عملت حادثة بعربيتى البومة
محتاج لها بعض قطع الغيار
ممكن حد يدلنى على اسعارها و القيها فين ولو ممكن عنوان ورقم تليفون
كبوت
اكصدام
رفرف يمين
طقم كشافات امامى
صدر

ارجوكم ضروورى جداا

[just_humen]

مشكومرين جدا يا جماعة على ال 15 مشاهدة و مافيش ولا رد واحد
كل سنة وانتم طيبين

[shooter123]

يا باشا انا لسه جاي حالا
حمد لله علي سلامتك ودي اهم حاجة
الاول لازم اعرف انت منين يعني لو انا قلتلك علي الناس اللي بتاعامل معاهم هنا في طنطا وانت من القاهرة مثلا يبقي مشاركتي ملهاش لازمة
يا ريت تقولي مكان الاقامة ولو هنا في طنطا مستعد اجي معاك كمان نشتري كل حاجة سوا
وحمد لله علي سلامتك مرة اخري

[SeKoMaRo]

يا باشا انا لسه جاي حالا
حمد لله علي سلامتك ودي اهم حاجة
الاول لازم اعرف انت منين يعني لو انا قلتلك علي الناس اللي بتاعامل معاهم هنا في طنطا وانت من القاهرة مثلا يبقي مشاركتي ملهاش لازمة
يا ريت تقولي مكان الاقامة ولو هنا في طنطا مستعد اجي معاك كمان نشتري كل حاجة سوا
وحمد لله علي سلامتك مرة اخري

عندكو حد بتاع قطع غيار استيراد رخيص فى طنطا ؟؟

[dr-mohamed]

وانت طيب ومش هعلق على اسلوب التقطيم علشان احنا صايمين
قطع الغيار دي يا اما الحرفيين
يا اما شارع الملكة في فيصل فيه محلين جنب بعض قطع غيار وفيهم لانسر
يا اما سوسو في المريوطية
العناوين التفصيلية مع ابو اياد ابعت له على الخاص او استني لما يقرا الموضوع ويزود عدد المشاهدات اللى مزعلك

[just_humen]

مشكورين جداا على المشاركات وكل سنة وانتم طييبين ويتقبل منا ومنكم ان شاء الله
1- استاذ shooter الحمد لله على رجوعك بالسلامة
انا من القاهرة يافندم لكن زى ما قال الاستاذ sekomaro اذا عندك حد فى طنطا ارخص
حيبقى افضل لان الوضع الاقتصادى بتاعى بعد حادثة العربية تازم لانى بصراحة مش وقت خالص تكلفها
و يا سيدى اهو نتشرف بمعرفة حضرتك
2- دكتور محمد كل سنة و حضرتك طيب و الله الموضوع مش مقصود بية تقطيم ولا حاجة وربنا يباركلك فى صيامك ان شاء الله
ومتزعلش يادكتور لو كنت زوتها بس من عشمى مش اكتر وخصوصا انى بعتبر كل اللى بالمنتدى اخوات و اصدقاء
جداا رغم انى معرفتش المنتدى الا من فترة قصيرة لكن حقيقى لقيته منتدى محترم و اعضائة محترمين
والمشركات مش مزعلانى ولا حاجة بس انا سمعت اسعار غريبة جدا وغالية اوى بالنسبة للوضع الاقتصادى الحالى
وانا محتاج اصلح العربية قبل العيد و الفترة دى بتبقى رخمة لان الصنايعية بيبقوا مزنوقين ومزنقنها اوى
دة اللى خلانى( استغرب )عدد المشاهدات و مافيش ردود تدلنى لانى مش عايز اجيب حاجة غالية بدون ما تستحق
فبسال اهل الخبرة
شكرا ليكم مشاركتكم

[أبو إياد]

حمد الله على سلامتك ولا تزعل نفسك
انا هاقولك على الاسعار التقريبيه وهاديلك رقم بلبل ابن الحاج سوسو فى المريوطيه واتاكد من الاسعار بس نصيحتى اليوم اللى تكلمه فى التليفون ويقولك على اسعار روح ليه ونفذ فى نفس اليوم علشان اسعاره كل ساعه بحال
الكابوت منه 800 الى 1000
اللاكصدام تقريبا 600 وانا نصيحتى لو تجيبه من الحرفيين خلع تامين مش هايعدى 300ج واصلى
رفرف 300ج
كشاف الواحد تقريبا 400ج
الصدر مش عارف

وده رقم تليفونه 0105772851

[m_waheed]

معلش استفسار يا ابو إياد

اول حاجة انا اسمع ان خلع التامين بيكون حالة الإكصدام اقل من الأستيراد فهل ده صحيح

تاني حاجة ياريت لو تقولنا عناوين او تليفونات خلع التأمين في الحرفيين

[أبو إياد]

بالنسبه للتليفونات والله مش معايه رقم حد منهم انما مكانهم فى الحرفيين امام بلوك 9
اما بالنسبه للحاله شوف الصور فى الموضوع ده وعلى فكره من غير رش ولا اى حاجه

http://www.nilemotors.net/Nile/147957-a.html

[just_humen]

الله يبارك عليك يا استاذ ابو اياد
وكل سنة وحضرتك طيب

بس كنت بسأل على الحاجات دى استيراد مش جديد
لان الاجديد تيوان و بيقولو ضعيف اوى

وكنت محتاج اسال عن المساعدين الاستيراد سوبر اكشن
كاملة بالسوست بالبطاحات الامامى
ان امكن
وجزاك الله خير

[dr-mohamed]

ايه رايك يا ابو اياد لو جاب الكشافات جديد تايواني متهيالي هتفرق معاه في السعر كتير والراجل بيقول العملية مزنقة معاه
لو اوك موجودين عند المنير في فيصل

[أبو إياد]

الحاجات دى كلها استيراد وزى ماقال دكتور محمد اللى فاكرنى مش عارفه هههههههههههههههههههه لو فوانيس ديبو هاتبقا ارخص من الاصلى والاستيراد واحسن من الصينى وسعر الواحد 190ج

[ashohdy]

الف سلامة عليك يا باشا

[just_humen]

والله يا جماعة انا مش عارف اشكركم ازاى بجد
انتم فعلا اصدقاء احسن كتييير من اللى الواحد انخدع فيهم
وبانوا وقت الزنقة على اصلهم
ربنا يبارك فيكم و ليكم ان شاء الله

[M.Nasr]

الف سلامة عليك والحمد لله انها جات على قد كده
انا كنت عايز اسأل الاستاذ ابو اياد لو دخلت الاكصدام القديم الكلاسيك فى واحد سبورت بالكساحات يعنى هيبقى الفرق تقريبا اد ايه؟
وسؤال تانى الباب الشمال بتاعى اتخبط اكتر من مرة وحاسس انه بقا ضعيف الاحسن انى اعمله عند سمكرى نضيف ولا اشترى باب استيراد ؟