زيت الفتيس الللي محيرني

[nice_bird]

عربيتي عملت 50000 كيلو ولم يتم تغيير زيت الفتيس (لانسر 1600 اوتوماتيك) انا من سوهاج ومفيش توكيل قريب اغير فية زيت الفتيس والاعضاء حذروني من اني اغير زيت للفتيس غير في التوكيل فهل في بديل مجرب او زيت معين اغيرو زي موبيل او شيل ولا هتعملي مشاكل في الفتيس... وهل ممكن اشتري الزيت الاصلي من مكان غير التوكيل واغيرو في سوهاج...........

[hesham22822]

+++++111111

[Adham]

ماتقلقش انا برضة مغير زيت اللانسر برة التوكيل (بيتغير على 40 الف كيلو) عادي مش محتاج غير ميكانيكي نضيف و فاهم او عامل في محطة بنزين برضة فاهم و يكون بيغير للعربيات دي كتير


تشتري زيت من محطة و ماتشتريش ابدا من محل زيوت علشان معظمها بتبيع زيوت مضروبة و متعبية تحت السلم

تجيب زيت : شل دوناكس (علبة سوداء و عليها تكت اخضر و صناعه كندي)
او ترانس ماكس من محطات امارات مصر
او موبيل

و يلزم ان السيارة تكون سخنة و ماشية مشوار كويس

و العربية مبطلة يتم تفضية الزيت من الطبة التحتانية و لما يفضى خال تقفل الطبة كويس

يتم تزويد الزيت من الفتحة العلوية (حوالي 4 ليترات مش متذكر بصراحه) حتى يكون منسوب الزيت على العلامة العلوية في المقياس

اقفل الفتحه العلوية و دور السيارة و سخنها شوية و بعدين حرك السيلكتور من ال باركنج لل 1 مرورا بكل غيار و تقف في كل غيار 10 ثواني

قيس الزيت تاني و السيارة دايرة

لو ناقص زود شوية

و اوعي تخللي الزيت فوق الماكسمم

[nice_bird]

الف شكر ليك يا استاذ ادهم وانا نويت اغير موبيل او شيل دوناكس بس هل اغيرو كل اربعين بعد كدا ولا ايه ؟

[Adham]

ايوة كل اربعين الف كيلو متر و تقيس كل 5000 مثلا

[SeKoMaRo]

ايوة كل اربعين الف كيلو متر و تقيس كل 5000 مثلا

اقيس ايه بالضبط ؟؟

[Adham]

تقيس زيت الفتيس

علشان تطمن انة تمام و مافيش اي تسريب

لان لو حصل تسريب من خرطوم تبريد الزيت او من جوان او غيرة حايبقى انت بتضحي بالفتيس

[SeKoMaRo]

طب انا شارى العربية عاملة 90 الف كيلو
اعرف منين الزيت اتغير ولا لأ ؟؟

[Adham]

تغيرة اضمن لو كان متغير مش حايضر في شيء

زي لما بتشتري عربية مش بتغير كل اليوت و السيور و الفلاتر بجديد علشان تبقى متطمن, الا لو اللي اشتريت منة كان بيصين في التوكيل و ادالك فواتير و هيستوري الصيانة بالمستندات

و ممكن تشوف لونة لو احمر فاتح يبقى جديد ولو غامق يبقى مستهلك بس مش مضمونة لانة ممكن يبقى فاتح و يكون بقالة ال 90 الف كيلو لو الاستعمال نضيف من غير اهلاك في الفتيس

و العكس صحيح

[ahmedsaiad]

معايا لانسر مانيوال 2007 عامله 45000 كيلو زيت الفتبس بيتغير على كام كيلو

[Adham]

احنا بنتكلم عالاوتوماتيك

المنيوال مش متأكد منة راجع الكتالوج او اسأل

اعتقد 20 الف كيلو مثلا على الاكثر

و الله أعلم

[nice_bird]

انا رحت للميكانيكي قالي ادي مارش وارفع الهاند وبص عليه قالي لسة سليم غيرو علي 70 او 80 لان زيت الشركة انضف بكتيير من الزيت اللي هتحطوا وقالي انو محدش بيغرو اقل 80 طالما لسة سليم ومش ناقص ونصحني اغير علي 80 واحاول اجيب زيت cvt اصلي من اي موزع معتمد.

[Adham]

انا رحت للميكانيكي قالي ادي مارش وارفع الهاند وبص عليه قالي لسة سليم غيرو علي 70 او 80 لان زيت الشركة انضف بكتيير من الزيت اللي هتحطوا وقالي انو محدش بيغرو اقل 80 طالما لسة سليم ومش ناقص ونصحني اغير علي 80 واحاول اجيب زيت cvt اصلي من اي موزع معتمد.

اهيه دي فتاوي الميكانيكية اللي تودي في داهيه

يعني اية سليم و مش ناقص, هو مفروض يبان بالنظر انة عايز يتغير و للا مفروض ينقص لوحدة في الفتيس (زيت الفتيس ما ينقصش الا لو فية تسريب انما غير زيت الموتور اللي بينقص نتيجه استهلاكة)

زيت فتيس الاوتوماتيك في اللانسر بيتغير على 40 الف كيلو

و اللي عملوة قالوا كدة و كل الناس بتغيرة كدة و التوكيل بيشتغل كدة

البية الميكانيكي بتاعك مش حايعدل على اللي اخترعوة و لا على اللي بيشتغلوا فيها

غير الزيت بدل ما الفتيس بتاعك يبوظ بسبب الزيت القديم

هات زيت شل دوناكس صناعه كندي من محطة شل
و اوعي تشتري زيت من محلات الزيوت بيبقى مضروب

يا اما تشتري جركن زيت الماني فيسكو او حتى تشتري زيت من التوكيل انما ما تمشيش عالزيت ضعف المدة بسبب فتاوي الميكانيكية


قال زيت الشركه قال

[SeKoMaRo]

تغيرة اضمن لو كان متغير مش حايضر في شيء

زي لما بتشتري عربية مش بتغير كل اليوت و السيور و الفلاتر بجديد علشان تبقى متطمن, الا لو اللي اشتريت منة كان بيصين في التوكيل و ادالك فواتير و هيستوري الصيانة بالمستندات

و ممكن تشوف لونة لو احمر فاتح يبقى جديد ولو غامق يبقى مستهلك بس مش مضمونة لانة ممكن يبقى فاتح و يكون بقالة ال 90 الف كيلو لو الاستعمال نضيف من غير اهلاك في الفتيس

و العكس صحيح

انا اما اشتريت العربية ما غيرتش غير سير الكاتينة
انا عايز حد خير يكشفلى عليه اوفر
بصراحة كدا ال

[Adham]

سير كاتينة اللانسر بيتغير عال 90 - 100 الف كيلو

يعني المفروض انة ماتغيرش و ومكانش مطلوب منك تغييرة لكن تغيرة خلال ال 10000 القادمة و ماتسكتش علية

مش موضوع اوفر لانة لو اتقطع حايكلفك تمن موتور استيراد لو الصبابات اتلوحت و كسرت بساتم, مش عايز اخوفك بس الاسلم انك تغيرة قبل ال 100 الف