تعلــــــية الكريســــــتالة عيوبها ومزاياها

[minded]

ما هي مزاياها وعيوبها
وهل يوجد طرق مختلفة للتعلية

يرجي من اهل الخبرة التحدث في الموضوع

تنبيه بمخالفة القاعدة رقم 6 ب
ممنوع الكتابة باللون الأحمر حيث أنه مخصص للمداخلات الإدارية
الرجاء مراجعة قوانين المنتدى
مشرف عام 4

[FunnyMickey]

اول حاجه تعملها اقرأ قوانين المنتدي ضروري عشان متجيش تدخل تلاقي نفسك موقوف
ممنوع الكتابه باللون الاحمر نهائي لغير الاداريين

تاني حاجه
يعني ايه اعليها
تعلي ازاي يعني
مش فاهم قصدك

[minded]

اولا شكرا للتنبيه

واقصد بالتعلية ان تعليها من عند السوست والمساعدين وعاوز اعرف ان الناس بتعليها ولا سيبها زي المصنع وعاملين ايه مع المطبات

شكرا جزيلا

[ahmedhosssamy]

تعلية الكريسنالة من الخلف مهم جدا و انا عليتها بعلاية معدن و النتيجة هايلة

[mr_vampire]

انا معايا مكوة مش كرستالة . بس اللي اعرفه عن التعلية انها عن طريق رينجات ربر او كاوتش كدة بتركب في المساعدين ( واول مرة اسمع عن العلايات المعدن ده ( اعتقد هتبقي انشف في المطبات وممكن تضر المساعد نفسه عشان هيبقي انشف) بس العيوب انها بتبقي عايمة عالسرعات العالية وغير ثابتة تماما. وفي انتظار اراء وتجارب شخصية للاعضاء

[smax]

مزاية التعلية انها متحكش في المطبات العالية.
العيوب : السبات اكيد هيقل كتير, الشكل هيكون سيئ.

[haroun707]

انا ضد تعليه الكرستالة وخصوصا بأستخدام علايات سواء كاوتش او معدن

لانها بتأثر تأثير خطير على ثبات العربية وحصوصاً فى الملفات وفواصل الكبارى

وكمان بتقلل العمر الأفتراضى للسوست والمساعدين

[bmya]

بلااااااااااش
اثبات هيبقى زي الزفت
العفشه هتنشف جداا وهي مش ناقصه اصلا
شكلها هيبقى عامل زي التاكسيات بالظبط

[husseinsalah]

طب الحل اية؟ لازم تعلى, مش عارف لية اليابان فى النوع دة بالذات ما عملتش حساب طرق مصر الرائعة

[minded]

انا اعتقد في الجديد زي البومة العربية عالية شوية
وانا علي فكرة شاري عربيتي وهي متعلية وكل العيوب الي انتم قلتوها موجودة عندي الحاجة الوحيدة المفيدة انها في المطبات الكبيرة ما بتحكش لكن انا حاسس ان العربية بتعوم والعفشة نشفة وكنت فاكر ان السبب من المساعدين والسوسست
لكن من كلامكم ان السبب التعلية الي اتعملت

انا مركب كاوتش 14 فهل ده ممكن يعلي بردو واشيل التعلية الي علي المساعدين ؟؟

[minded]

انا ضد تعليه الكرستالة وخصوصا بأستخدام علايات سواء كاوتش او معدن

لانها بتأثر تأثير خطير على ثبات العربية وحصوصاً فى الملفات وفواصل الكبارى

وكمان بتقلل العمر الأفتراضى للسوست والمساعدين

اكيد انت مش معلي العربية
طيب ممكن تقولنا هي عاملة معاك اي في الطرق بتاع مصر والمطبات

[ashohdy]

طبعا هى مشكلة كلنا بنشتكى منها ، اولا يا باشا طبقا لتعليمات الشركة وهاتلاقيها محفورة على يافطة نحاسية جنب الباب ان مقاس الكاوتش 13 وماتغلطشى الغلطة بتاعتى وتجيب 14 وحكاية اليافطة دى قالهالى بتاع الزوايا !!!!!! ثانيا انا سالت مركز صيانة ميتسوبيشى فى صقر قريش وقالوا لى بالنص لاااااا والف لااااااااااا للتعلية .. سالت بتاع العفشة قالى من مصلحتى ااخد فلوس منك لكن لاااااااااا والف لااااااااااااااا ارجو ان اكون افدتك

[minded]

طبعا هى مشكلة كلنا بنشتكى منها ، اولا يا باشا طبقا لتعليمات الشركة وهاتلاقيها محفورة على يافطة نحاسية جنب الباب ان مقاس الكاوتش 13 وماتغلطشى الغلطة بتاعتى وتجيب 14 وحكاية اليافطة دى قالهالى بتاع الزوايا !!!!!! ثانيا انا سالت مركز صيانة ميتسوبيشى فى صقر قريش وقالوا لى بالنص لاااااا والف لااااااااااا للتعلية .. سالت بتاع العفشة قالى من مصلحتى ااخد فلوس منك لكن لاااااااااا والف لااااااااااااااا ارجو ان اكون افدتك

احمد باشا شهدي ازيك وعامل ايه

طيب انا اشتريت العربية وهي متعلية والكاوتش 14 اعمل ايه
اشيل التعلية طيب لو شيلتها الكاوتش ال 14 هيحك وهيبقي في مشكلة تانية وهل لازم اغير السوست وانت عارف شوارع حلوان ومشاكلها
يا ريت تقولي لو تعرف

وشكرا واشوفك علي خير دايما

[husseinsalah]

بما ان كل الكرستلاوية بيعانوا من الحك فى المطبات وغالبيتهم بينصح بعدم التعلية

طب اية الاضرار الواقعة على العربية من كتر الحك فى المطبات ياعنى الشاسية مثلا ممكن بتاكل بسرعة ولا ممكن تأثر على متانة العربية؟

[minded]

يا جماعة محدش قلي لو شلت العليات لازم اغير السوسست وهل الكاوتش 14 مش هيحك