سؤال الى أ/ابو اياد

[dramyd]

مساء الخير....
انا كنت ببص كدة فى قسم البيع والشراء ...
لاقيت موضوع عن واحد عاوز يأجر عربية كوبية...
واللى عرفتو انى اجى اسالك لانك اكتر واحد فاهم فى الموضوع دة .....
بعد اذنك لو تقدر تساعندى عشان انا فرحى قرب خالص وكنت بفكر اتزف فى حاجة كدة..
انا شفت عربية بى ام كوبية بس فرشها من جوة تعبان ... والراجل قلى يا بية دى ذفة بس
قلتلو عز الطلب انا عوزها عشان كدة .... قلى 500 جنية.... دى كويس ولا مع العلم انا هعزها
9 او 10 سعات ايه رايك يا خبير..

[dramyd]

طيب هو ابو اياد مش موجود مفيش حد هنا فى القسم عارف اية اخبار ايجار السيارات الكوبية او اجرها قبل كدة وتعمل كام فى اليوم ؟....

[أبو إياد]

اهلا بيك ومبروك علو الزواج مقدما وربنا يتمم ليك بخير
بس انت اكيد تقصد كابورليه مش كوبيه
وانا ليا استفسار عندك بالنسبه لموديل العربيه البى ام وهاتخدها بسواق ولا من غير ومنين ؟

وعلى فكره انت اقصى وقت ليك لاى عربيه بتكون 12 ساعه طالما يوم واحد

[dramyd]

الله يبارك فيك ...
اسف بالظبط كابورلية
وانا هخدها من غير سواق من عند واحد فى شبرا....
هل ياترى دة حلو ولا فى حاجة ارخص من 500 ج
وانا مش هعدى 10 ساعات بس العربية بيظة شوية من جوة فبصراحة قولت كتير عليها بيتهيألى .... وكنت عاوز اعرف رايكو ....؟

[AlGazar2]

500 من غير سواق كتير جدا طبعا و خصوصا ان حالة الفرش مش حلوه

[dramyd]

500 من غير سواق كتير جدا طبعا و خصوصا ان حالة الفرش مش حلوه

انا حاسس كدة بردة ....... بس ........ نستنى رد خبيرنا .. ابو اياد

[أبو إياد]

بص هو 500ج كقيمه فى عربيه كابورليه بدون سواق مبلغ كويس جدا
ودى اكيد اكيد موديل قديم اكيد 94 او 95 اللى هى دبانه
لان لو الشكل اللى بعديه ياعنى فوق 2001 ومش هاتقل عن 1500ج واستحاله تطلع بدون سائق

[dramyd]

شكرا لردك واهتمامك أ/ ابو اياد
هى فعلا قديمة حتى كان فى الفرش اللى من جوة فى حتت متقطعة كدة وهى فعلا الدبانى اللى هى تقريبا 300 وحاجة مش فاكر ومعلش انا مش بعرف فى البى ام كويس بس لو ختها ب 500 مش هيبقا مدحوك عليبا ولا ممكن القى حاجة كابورلية اقل شوية ...

[أبو إياد]

السعر مناسب جدا
وربنا يتملك على خير

[dramyd]

ربنا يخليك ....
وعقبال اياد
تفرح بية ... وباولادة