العربية تقيلة وسحبها بطئ و فيها رعشة

[kareme2002]

السلام عليكم و رحمة الله و بركاتة
عندى مشكلة فى السيارة لانسر 97 خليجى 1300 اوتوماتيك
فجأة العربية بقيت احس انها تقيلة كدة يعنى اول نا تشيل رجلك من ع البنزين حتى لو كنت ماشى بسرعة تحس ان العربية كأن حد بيشدها كدة و فى السحب تحس انها بقت بتجمع ببطئ قوىو بتعمل كيك داون كتير و لما تييجى تدورها الصبح تحس فيها برعشة كدة او لو انت بتركن او واقف فى زحمة و جايبها على وضع الدرايف تحس برضة بالرعشة دى او الرجة دى
روحت للميكانيكة غير البوجيهات و بص على فلتر البنزين وو الهوا و برضو مفيش فايدة فى التقل دة و البطء
افيدونى افادكم الله ممكن تبقى المشكلة فى اية ؟؟

[kareme2002]

محدش بيرد على الناس و لا اية يا جدعان ؟؟؟؟؟؟

[mr_vampire]

بتحطلها بنزين كام ؟؟؟؟؟؟؟؟؟

[abdullahalbadr]

خلي الميكانيكى يبصلك على قواعد الموتور ، أن كان عندى نفس الحاله وطلعت قواعد الموتور مقطوعه ، وده بيقلل من كفاءة السحب وبيخلى السياره فيها رعشه

[M.Nasr]

الرعشة دى سببها قواعد الموتور

[kareme2002]

بحط بنزين 92
و بالنسبة لقواعد الموتور دى اية نظامها يعنى يا جدعان يعنى هى ممكن تأثر فى سحب العربية ؟؟؟
و غالية و لا اية نظامها علشان ابقى فاهم لو الميكانيكى قالى سعر يعنى ؟؟

[temokemo]

بحط بنزين 92
و بالنسبة لقواعد الموتور دى اية نظامها يعنى يا جدعان يعنى هى ممكن تأثر فى سحب العربية ؟؟؟
و غالية و لا اية نظامها علشان ابقى فاهم لو الميكانيكى قالى سعر يعنى ؟؟

اعتقد ان سعر قواعد الماتور الي قدام في حدود 70 جنية
بس موضوع ان القواعد تاثر علي السحب لااعتقد لكن ممكن تسبيب الرعشة

[kareme2002]

اعتقد ان سعر قواعد الماتور الي قدام في حدود 70 جنية
بس موضوع ان القواعد تاثر علي السحب لااعتقد لكن ممكن تسبيب الرعشة

طب و السحب البطئ دة و التجميع البطئ ممكن يبقى سببة اية؟

[yahiahelaly]

مع احترامي لكل الاراء السابقة بتاعت قواعد الموتور نسبة حدوثها قليلة ولا تسبب قلة السحب
انا من وجه نظري حضرتك محتاج عمرة فتيس (اسطوانة وديسك وبلية )
حضرتك غيرتهم قبل كدة ولا لا ؟؟
او اخر مرة كانت من كام الف كيلو

[m.aligamal]

مع احترامي لكل الاراء السابقة بتاعت قواعد الموتور نسبة حدوثها قليلة ولا تسبب قلة السحب
انا من وجه نظري حضرتك محتاج عمرة فتيس (اسطوانة وديسك وبلية )
حضرتك غيرتهم قبل كدة ولا لا ؟؟
او اخر مرة كانت من كام الف كيلو

حضرتك عربيته اوتوماتك يبقى دسك و اسطوانه مش وارد
اعتقد ممكن الكربراتير عايز يتنضف و بالنسبه للرعشه ممكن يكون العربيه واطيه عايز يعلى السلانسيه
و بالنسبه للنقل بين الغيرات فممكن يكون حاجات كتير جدا تؤثر عليه منها الفلاتر او زيت الفتيس بيؤثر جدا ايضا و كمان لو البوجيهات مش مناسبه لنوع العربيه ايضا يعنى مش شرط تكون جديده او ممكن تبحث عن البوجيه الماسب لسيارتك
بالنسبه للخنقه حاول تشوف ظبط الهوا من الكربراتير
ياترى فى دخنه فى الشكمان برضه وهل العربيه استهلاكها زايد فى البنزين ؟؟؟

[kareme2002]

حضرتك عربيته اوتوماتك يبقى دسك و اسطوانه مش وارد
اعتقد ممكن الكربراتير عايز يتنضف و بالنسبه للرعشه ممكن يكون العربيه واطيه عايز يعلى السلانسيه
و بالنسبه للنقل بين الغيرات فممكن يكون حاجات كتير جدا تؤثر عليه منها الفلاتر او زيت الفتيس بيؤثر جدا ايضا و كمان لو البوجيهات مش مناسبه لنوع العربيه ايضا يعنى مش شرط تكون جديده او ممكن تبحث عن البوجيه الماسب لسيارتك
بالنسبه للخنقه حاول تشوف ظبط الهوا من الكربراتير
ياترى فى دخنه فى الشكمان برضه وهل العربيه استهلاكها زايد فى البنزين ؟؟؟

متشكر يا ريس على المعلومات دى
انا فعلا لما كشفت عن كبس الموتور الراجل قالك فى نسبة عادم كاربونى و دة بيأثر على البوجيهات و بيحرقها علطول و كان محطوط مزيل و برضو ما شالش نسبة العادم دى فالميكانيكى جاب سبراى تنظيف الكاربيتير و نضف بية من برة كدة بس برضو البوجيهات مبتكملش شهرين معايا و بتتحرق
فى ناس و استهلاك البنزين زايد شوية
فمش عارف اعمل اية فى موضوع حرق البوجيهات و نسبة الكربون دى
و الرعشة دى ظهرت قوى لما غيرت البوجيهات بنوع جديد غير اللى كنت بركبة كل مرة فالرعشة زادت
هى كانت موجودة قبل كدة زمان و الميكانيكى ظبط التاكيهات الرعشة راحت خالص بس دلوقتى رجعت بزيادة مع تغير البوجيهات
فلتر الزيت لسة مغيرة اخر مرة غيرت فيها الزيت من 4000 كيلو
و فلتر البنزين مركب واحد من 40 شهور من تبو 30 جنية بس مش عارف ممكن يبقى باظ و لا اية فلتر الهوا مغيرة من شهرين و متوسخش قوى
زيت الفتيس دة عمرى ما غيرتة و معرفش بييغير امتى و لا اية نظامة

[Haitham10]

باشا انت محتاج ظبط كرباتير وكهربه موتور مش اكتر بس عاوزة ميكانيكي فاهم وشاطر يحاول يخلي الموتور ميرعش والسحب مظبوط في نفس الوقت وطبعا معاهم البنزين هيكون مظبوط
لكن ممكن يرعشها وسحبها حلو واستهلاك حلو
ممكن يخليها ناعمة بدون رعشه لكن مفيش سحب اصلا وطبعا هتقرص بزيادة وهتستهلك الضعف
وهكذا الامثلة كتيره كل دة مجرد ظبط في مسمارين للكرباتير تخيل ؟؟
فالموضوع فني وعاوز حد شاطر مش اكتر ومتقلقش ان شاء الله ولازملك تنضيف كرباتير

[kareme2002]

باشا انت محتاج ظبط كرباتير وكهربه موتور مش اكتر بس عاوزة ميكانيكي فاهم وشاطر يحاول يخلي الموتور ميرعش والسحب مظبوط في نفس الوقت وطبعا معاهم البنزين هيكون مظبوط
لكن ممكن يرعشها وسحبها حلو واستهلاك حلو
ممكن يخليها ناعمة بدون رعشه لكن مفيش سحب اصلا وطبعا هتقرص بزيادة وهتستهلك الضعف
وهكذا الامثلة كتيره كل دة مجرد ظبط في مسمارين للكرباتير تخيل ؟؟
فالموضوع فني وعاوز حد شاطر مش اكتر ومتقلقش ان شاء الله ولازملك تنضيف كرباتير

جزاك الله خيرا
بس الميكانيكى يفهم فى الموضوع دة يعنى ؟؟؟
و موضوع الكرابيراتير دة لازم يفك الكرباتير برة و ينضفة ؟؟
علشان فى ناس قالتلى اوعى تفكو احسن الفتحات هتوسع منة و العربية هتستهلك بنزين اكتر فخفت بصراحة اوديها لحد بتاع كاربيراتير

[Haitham10]

اول مرة اسمع كلامك دة ... بس الاكيد مش اي حد هيفكوا طبعا انت لازم تسأل الاول ويستحسن بنفس نوع عربيتك مع حد معرفه يكون جربها

لكن فك الكارباتير اعتقد ضروري جدا كل فترة طويله للتنضيف اليدوي بيفرق كتير بجد بتحس العربيه صحيت من جديد لان بيبقي جواه بلاوي

وفي حل مؤقت هو سبراي تنضيف كرباتير ويترش عليه من بره

واي فني كرباتير او ميكانيكي يقوملك بالحكايه دي بس الفكرة كلها برضه قلتهالك ..... في ظبط مسمار الهوا والبنزين .. عشان العربيه تحرق مظبوط فهتلاقي سحب مع استهلاك مرضي بالنسبالك وطبعا من غير رعشه ..... ولو لاقيته قولي عليه عشان انا تعبان زيك :)

[kareme2002]

اول مرة اسمع كلامك دة ... بس الاكيد مش اي حد هيفكوا طبعا انت لازم تسأل الاول ويستحسن بنفس نوع عربيتك مع حد معرفه يكون جربها

لكن فك الكارباتير اعتقد ضروري جدا كل فترة طويله للتنضيف اليدوي بيفرق كتير بجد بتحس العربيه صحيت من جديد لان بيبقي جواه بلاوي

وفي حل مؤقت هو سبراي تنضيف كرباتير ويترش عليه من بره

واي فني كرباتير او ميكانيكي يقوملك بالحكايه دي بس الفكرة كلها برضه قلتهالك ..... في ظبط مسمار الهوا والبنزين .. عشان العربيه تحرق مظبوط فهتلاقي سحب مع استهلاك مرضي بالنسبالك وطبعا من غير رعشه ..... ولو لاقيته قولي عليه عشان انا تعبان زيك :)

الميكانيكى رش لى سبراى التنظيف دة مرتين قبل كدة بس معملش حاجة اصلا
و عموما هحاول اشوف حد بتاع كاربيراتير كويس و لو لقيت هقولك ان شاء الله