Lancer Crystal

[aratux]

معلش يا جماعة, تعبتكم معاية فى منتدى الهيونداى
أنا فى آخر لحظة قلقت من إنى أجيب فيرنا, و ناس قالولى أشوف اللانسر كريستالة !!

يا ترى إيه الكمااليات الموجودة فيها ؟
و إيه أكتر عيوب بتحصل فيها ؟؟
و هية كاربراتير و لا إنجيكشن ؟؟

هية كلها 1300 cc ؟؟

[مصراوي جدا]

استاذ aratux اهلا بيك في منتدى ميتسوبيشي

لانسر كريستالة يعني الشكل اللي يبدأ من موديل 96 الى موديل عام 2000 (الشكل اللي بين اللانسر البطة وبين اللانسر المكواة)

هي كلها 1300 سي سي (لأن الجمارك نزلت على محركات الـ 1600 في عام 2004 ولذلك ما قبل 2004 هو محركات 1300 - الا ما ندر وكان حد مسقط موتور أو جايبها من بره في ظروف خاصة)

هي كربراتير مش انجكشن (الانجكشن بدأ مع شكل البومة الحالة في عام 2003)

عيب الكريستالة الأساسي أنها قريبة من الأرض والعيب ده تم التغلب عليه في الموديلات التالية

الكماليات الموجودة كل حاجه انما طبعا بتفرق من عربية لعربية يعني فيه سبورت كاملة وفيه عادية وفيه فاضية حسب اللي تلاقيه في السوق

[aratux]

يا باشا ربنا يخليك على سرعة الرد
طب مش المفروض الإنجيكشن بيستهلك بنزين أكتر و بيعمل مشاكل أحيانا ؟؟