تكه فى الدركسيون

[kingkolman]

انا كنت زمان بسمع تكه فى الدركسيون لما بلف الدركسيون اوى و انا بركن فروحت بصيت على الكبالن و الكاوتش كانت سيلمه المهم جبتلها شحم و خليت الميكنيكى يشحمهالى و بقت زى الفل دلوقتى بقيت بسمع صوت تكه احيانا يعني مش ديما لما بلف الدركسيون لفه صغيره تفتكروا المشكله فى ايه ؟

[M.Al-Hefnawy]

طيب ما تحاول تشيك على البيض بتاع تيش الإسكاترة.

[shooter123]

بما انك في قسم اللانسر يبقي اكيد بتتكلم عن اللانسر
لو توقعي صحيح يبقي عندك تيش الدركسيون عايز يتغير
تمنه استعمال 80 جنية
وكل سنة وانت طيب

[kingkolman]

هوه يعني ايه تيش الاسكاتره ده ؟ و مكانه فين؟ و هل الموضوع ده كبير ؟ يعني محتاج يفك علبه الدركسيون ؟ وده سعر ده للكوري و لا تيواني و انهو الاحسن فيهم؟

[ab_1090]

برضوا بما انك في قسم لانسر بوص علي البطاحات لانها بتكون بحاجه لتنضيف باستمرار ولذلك بتظهر صوت تكه مع لف الدريكسيون وبتكون بحاجه لنضافه او لتغير وبرضوا بوص علي مسمار الاستابلايزر عشان بيصدي وبيطلع صوت برضوا
وكل سنه وانتم طيبين

[shooter123]

التيش ده باقي الاسكترا والموضوع مش كبير ولا اي حاجة نص ساعه بالظبط تكون غيرته ولا يحتاج الي فك الاسكترا
وال 80 جنية ده سعر التايواني وفي صيني ب 55 جنية ولكن الافضل التايواني لان مفيش ياباني استعمال والجديد كله صيني