إلي مهندس طارق زويل

[hazem_khidr]

الكلام مش راكب على بعضه مش عارف ليه
وهو المجنون أو المريض اللى معاك مستعجل يروح ياخد "الشوكنج " ده ليه؟ إيه وجه الإستعجال؟ وبعدين انت بتقول انه تحت مخدر... إزاى هى عربيتك عربية إسعاف؟ وليه مش بيروح فى عربية إسعاف حقيقية؟ وإزاى يكون متخدر ونايم على الكرسى الخلفى ؟؟.. واخد إيه علشان يبقى سهل معاك قوى كده؟ وإيه تجهيزات الطوارئ اللى معاك فى العربية لو جات له أى مضاعفات؟ وإزاى الأجانب بيسيبوك تمشى على السرعة دى أصلا؟ وإيه اللى يجرى لو وصل فى وقت أطول ما هو كده كده متخدر على حسب كلامك ودى مش عملية جراحية !

اهو و شهد شاهد من اهلها
دكتوراحمد برضه مستغرب الكلام الغريب دا
اول مره اسمع عن كده بصراحه

[cpt_shawky]

المستشفى ممكن تشترى طيارة خاصة صغيرة 4 راكب ودى سعرها مش غالى.

[ahmedamee]

دكتورنا العزيز /
اولا احنا مش متخصصين و غير مسموح لينا التعامل مع الأجنبي إلا بتصريح من سقارة الدولة التابع ليها , ده لما يتعلق الأمر بمريض فصامي , و اعتقد ان حضرتك عارف حجم الهلاوس و الضلالات اليي بتيجي للمريص , و ديما بيبقه التستيرون و شبيهاته من اساسيات العلاج , ده لو احنا هنتعامل معاه , غالبا المرضي اللي ليهم تأمين محترم بتجلهم طيارة مخصوص تابع لشركة التأمين , بس انا بتكلم على المرضي اللي مالهومش تأمين محترم , ياعني باختصار اهلهم رمينهم و مش فارقة , السياحة فـمصر و بالذات في الغردقة بترمرم , الرحلة شاملة الطبرات رابح جاي و الأقامة في الاوتيل حوالي 400 دولار , يعني مش مبلغ بالنسبة ليهم فبلادهم ,
ثانيا / أرسل أصلا بواسطة Xpert
بعيد عن المسلمين و غير المسلمين ...ده بقي اللي بيزعلني ....
...
انا بقصد اللي يدينون و يؤمنون بوجود إله ,, حضرتك متعرفش الناس في اوربا الشرقيه عايشين ازاي ,,, معظمهم لا يدينون بدين اصلا ,,,,,
ما بالنسبة لرحلات الطيران , فهي رحلة وحيدة فاليوم لمصر للطيران , و باقي charter من الطيارت اللي رايحة القاهرة , فطبيب الحجر الصحي فالمطار مينفعش يتحمل مسؤلية المريض و يسمحله بالسقر ’’ على العموم انا شاكر لكل من ساعد بقصد المساعدة و اشكر ايضاً تهكم البعض , و جزاكم الله خيرا ,,,

[Xpert]

ثانيا / أرسل أصلا بواسطة Xpert
بعيد عن المسلمين و غير المسلمين ...ده بقي اللي بيزعلني ....
...
انا بقصد اللي يدينون و يؤمنون بوجود إله ,, حضرتك متعرفش الناس في اوربا الشرقيه عايشين ازاي ,,, معظمهم لا يدينون بدين اصلا ,,,,, ,,,

عارف .. انا كنت مقيم في سويسرا و اللي انت بتتكلم عليهم دول و مش عاجبينك جنا بنجيبهم يشتغلوا معانا في العربيات .. كنا نجيب المصريين و العرب كانوا يسرقوا و ينهبوا و يخربوها ... و يقلبوا المكان خماره و الليله زايطه و الراجل راح اوروبا بقي .. تكلمه يعنقف و يبقي ناقص يقوم يضربك ...
الاوروبيين بقي الشرقيين دول .. سواء يؤمنوا او مايؤمنوش مايخصناش ... "لكم دينكم و ليا ديني " ..ده غير انه بيشتغل علشان ياخد فلوس ... علشان عنده عيال و مدام و بيت بيربيه .. ماتلاقهوش يسكر و يجيبلك مشاكل مع الشرطه و مش عارف ايه .. لاء .. ده شغال شغل انتحار و لو كنت تقوله مش هاتنام الا لما نقفل الحاويه و ندخل جواها 30 ولا 35 عربيه متقطعه .. كان يسمع الكلام و ماينامش الا لما يخلص اللي عليه .. كان عندنا سواق من المجر ... السواق ده كان بيلف سويسرا بحالها .. ابويا يلف و يشتري عربيات .. و ده يلف يلمهم و يجيبهم بالواحده ... (العربيه الطبليه) ..
عامل الناس كما تحب ان يعاملوك بالمثل ... و الاديان مالناش دعوه كل واحد حر في دينه ... انت اتكلم علي الشخصيه ...
و ان كان المثل اللي انت بتتعامل معاه او بتتكلم عليه ده .. فدي اقليات .. و الاقليات لا تحكم بالاجماع ... زي ما فيه ناس امراض نفسيين في اوروبا الشرقه .. عندك المرضي النفسيين في مصر .. ده بالعكس ... هناك بيهتموا بيهم .. هنا اما تمشي في شارع .. تلاقيهم في كل حته ....
ياريت بعد كده ماتبقاش تجمع و تعم الصفه علي الكل .. الواقع اللي انا باكلمك عليه ده واقع انا عشته .. يمكن هناك مش مجتمع مثالي ... و زي ماهه هناك مش مثالي فهنا مش مثالي برضه ... علي الاقل هناك علني .. هنا في الخفاء و تتكلم يقولك محصلش ......

[ahmedamee]

طريق البحر الآحمر للي مش عليه ’, ممكن تمشي 300 بأمان ,, أزاي , اولا طريق القطامية العين السخنة ’ و دة الــ speed limit بتاعة 120 كم/ساعة ,, ده بالنهار ’, بالليل Unlimited speed لانه طريق جيش اساسا ,, ثانيا طريق الزعفرانة , و ده الــ speed limit بتاعة 90 كم/ساعة , و ده لآن الطريق كله منحنيات خطرة , حوالي 70 كم بس ,, ثالثا , من الزعفرانة /رأس غارب / الغردقة/ سقاجا/القصير/ مرسي علم ,, و دة طريق سياحة يعني طريق درجة اولي ,, انا بصراحة عمري ما مشيت على طريق الإسماعلية او حتي طريق اسكندرية ,, بس بمشي على الدائري 90/100 ,,

[ahmedamee]

اولا انا اقتخر اني انا عايش هنا , فبلدي , اما عن السقر للخارج و عشرة الآجانب فلو عاوز تسمع من واحد متجوز منهم ,, انا معايا الجنسية الآمريكية , و عشت فـ Tucson , AZ كفاية عشان اعرف الناس دول كويس اولي ,, بس مفيش احلي من بلدنا , مع كل اللي شايفينه و الله احنا في نعمه لا ينكرها إلا ناكر ,, و اللي خرج برا مصر يصدق على كلامي ,, انا خلصت دراسة هناك و جيبت على طول , الناس اللي انت بتحكي عنهم و عن شغلهم دول انا ادرا بيهم كويس , في الشغل , معاك حق , بيدوا الشعل حقة كويس , و بعدين متضربيش المثل للمصريين بالخارج انهم بيسكروا و يعربدوا , لا يا سيدي , هناك إناس اخذوا ما اخذه المستشرقين منا , و عادوا لبلادهم سالمين ,, صدقني , اطلع بره و عيش على قد ما تعيش ,, هترجع تبوس ارض البلد دي ,, بكل ما فيها من خير او شر ,, هما ليه سبقونا ,, بس بالشغل ,, و ده مش معناه انهم احسن ,, لالا انت غلطان و لو مش مصدقني ,, اخرج بره و عيش , 5 سنين ,, و بعدين ابقة قولي ايه رأيك ......

[Xpert]

المصريين اللي انا باتكلم عليهم دول .. خدناهم من هنا علشان يشتغلوا معانا .. و اتسببوا في خرابها .. و حالياً انا في بني سويف (بعد القاهره لتحت 130 كم) ... و معايا جنسيه سويسريه و دايس في الشغل و في العيشه كتير ... و كل واحد ليه وجهه نظر بقي ....

[ahmedamee]

اتمني انك متكونش زعلان من كلامي , و اديك انت اهو مصري زي زيك ,, و راجل زي الفل و مفضل هنا عن سويسرا , يبقي كلامي صخ ولا غلط .؟؟

[Xpert]

و انت مين قالك ان انا عايش هنا بمزاجي ...
انا ماليش بلد تلمني .. انا شغال في الاستيراد و التصدير و مطرح ما يكون فيه شغل انا موجود ... (ده المفروض يعني من و انا صغير اتربيت علي كده و واخد علي كده و للعلم انا عندي 21 سنه دلوقتي و في حوار الاستيراد و التصدير ده من اول ما اتولدت) انما انا عايش هنا حكم القوي ....

[aif]

علي فكرة يا جماعة ... انا برضه زيكم بالظبط
احمد معاه جنسية امريكي وبيشوي معاه جنسية سويسري ... وانا معايا جنسية .... منوفي ;)
ايه الحلاوة دي .. احنا كدة ح فاضل لنا واحد من آسيا وواحد من استراليا ونبقي الامم المتحدة :d

[ahmedamee]

طيب ممكن بقة تقولي كمساعدة لآخ ,, ايه المفروض اللي اعملة يا خبير الإستيراد و التصدير , هل ممكن تجبلي موتور تاني من برة مثلا ولا ايه رأيك المفروض يتعمل ؟؟

[ahmedamee]

انا مصري قبل اي حاجة يا استاذ احمد و اسمي احمد كمان ..يعني زي بعض تمام :)

[Xpert]

2000 سيسي ايه .. ده انت كده عاوز .. ميتسوبيشي ايفو ... او بي ام ام 3 او ام 5 تراك يوز بكنبه من ورا ....
انا اللي اقدر اقولك عليه ... شيل المكنه و حط ميتسوبيشي ايفو و حدث التيربو بتاعها بواحد اكبر .. و هاتحتاج بقي تظبيط فرامل و تقويه شاسيه و رول كيج ( هوه تراك يوز بكنبه ورا) ... او ممكن تختصر و تشتريلك هليكوبتر ههههه ( انت عارف معندناش طرق و كده ههه)

بعيد عن المسلمين و غير المسلمين ...ده بقي اللي بيزعلني ....

بص يا سيدي .... اولاُ لو انت عاترفع القوه زياده عن 20% من القوه الاساسيه هاتحتاج تعدل كل حاجه علشان تناسب (ده لو هاتستحمل ال 20% اصلاً) ...التعديلات تشمل التقويات + الفرامل الاكبر + البارات + رول كيج للامان ...دي حاجه ... تاني حاجه بالنسبه للموتور الاسهل انك تسقط مكنه تيربو او اي مكنه اكبر من موديلات الجالانت (ده لو لقيت مكنه موديل حديث اساساً زز ده غير انه مش مستحب تعمل كده في عربيه جديده .. احنا بنعمل كده في البي امات موديل 80 و 90 ..) ... .. ده غير ان التعديل في الموتور اللي عندك مش مستحب لأني اعتقد ان البلوك عندك الومونيوم و مش هايستحمل ....
انا رأيي شوفلك حاجه موديل قديم و العب فيها ( عندك تشكيله كبيره من المواتير اللي هاتركب علي الجولف - البي ام - البيجو 205 و 405 و البيجو فيها مكنه Mi-16 ) ... ...
ده رأيي و شوف رأي الخبراء في الميتسوبيشي هم ادري مني برضه ...

تم الشرح مسبقاُ في صفحه 1 ...
و المواتير بتيجي استيراد و لاء معنديش علشان انا مرمي هنا في مصر ....

[aif]

انا مصري قبل اي حاجة يا استاذ احمد و اسمي احمد كمان ..يعني زي بعض تمام :)

انا رأيي برضه زيك تمام .... البلد زي الام
يعني لو واحد امه وحشة او طباعها صعبة او فيها اي عيب ... ح تفضل امه وبيحبها اكتر من اي حد في الدنيا
مش ح اروح ادور علي واحدة حلوة بدل امي .... حتي لو كانت الام شوية عضم في قفة زي ما بيقولو
انا من عشاق هذه البلد برغم كل البلاوي والسلبيات والفساد و... و...
ومعتقدش اني ممكن اتغير في يوم من الايام
ازعل واتضايق منها واشتم فيها آه .... بس اسيبها ...لأ

[مصراوي جدا]

أنا شايف الحوار اتفرع لفرعيات كتير انما انا هارجع ابلغ الاستاذ أحمد برد مدير عام الصيانة بالشركة

1- لا يمكن تركيب تربو بالسيارة لزيادة القدرة الحصانية لأن السيارة المزودة أصلا بالتربو تكون اجزاؤها الداخلية مصممة لذلك (بستم - بييل - كرنك - وش السلندر) كما أن الدورة الالكترونية للمحرك تكون مختلفة.

2- السرعة القصوى الآمنة للسيارة لانسر 1600 كما هو موضح بكتالوج السيارة هي 180 كم / ساعة للسيارة المانوال و 175 كم / ساعة للسيارة الآوتوماتيك ، وأي زيادة في السرعة عن هذا الرقم يكون خارجا عن حدود التشغيل الآمنة للسيارة.