خبر سار لكل أصحاب الميتسوبيشي - الموزع الجديد

[hisham_hamza]

ميتسوبيشي موتورز تفصح عن هوية موزعها الجديد في مصر

أفصحت شركة ميتسوبيشي موتورز عملاق صناعة السيارات اليابانية عن موزعها الجديد في مصر وهو تحالف بين مجموعة الملا القابضة (شركة مساهمة كويتية) وشركة محمد عبد المحسن الخرافي بدلا من موزعها المصري السابق شركة مصرية للسيارات "الرواس".
وصرح جون معتوق المستشار القانوني لميتسوبيشي أن "الشركة وقعت مع مجموعة الملا خطاب نوايا ويتم الآن التفاوض على النصوص النهائية للتعاقد".
وتؤكد ميتسوبيشي موتورز على حرصها الشديد على رضا عملائها في مصر، حيث سيقدم الموزع الجديد خدمة ما بعد البيع لعملاء الشركة الحاليين، وسوف يعمل على زيادة مبيعات ميتسوبيشي في السوق المصري والعناية بكافة عملائها الحاليين والجدد.

[gebreel]

طيب زي الفل ربنا ينفخ في صورته و يحرم الماركة المحترمة دي

ان شاء الله يبقى زي دايهاتسو و يمكن احسن بس يا رب ميزودش الاسعار

[MaZaGAngeE]

هوه كده واخد سوق مضمونة لأن العربية تعتبر أفضل الاختيارات في فئتها و كمان مفيش أي مشاكل حصلت منها و لا شوشره على بلد منشأ و لا فيتيس مضروب ولا عزل اي كلام و لا استهلاك كتير
و كمان السوق عطشان عشان العربية مش موجوده من اكتر من سنة
يعني اول ما يعملوا اعلانات هتلاقي حجز بالهبل و كمان قطع الغيار ليها مستهلك طلبه عالي
الامور كلها في صالح الموزع الجديد و يبقى المطلوب منه عدم المغالاة في الاسعار و توفير كميات مناسبة من السياره من غير ما يقلعها ملط

عن لانسر اتكلم

كمان الشركة عندها اكتر من 20 موديل مش موجود منهم في مصر غير 2 ضروري انه ينزل حاجة منهم حتى و لو على سبيل التواجد لفترة و بعد كده ينزل بتقله على الموديلات الفاخره اللي تضرب بي ام و مرسيدس

[ahmedsherif81]

المهم هينزل البومة تاني ولا خلاص كفاية كدة عليها

[hisham_hamza]

المهم هينزل البومة تاني ولا خلاص كفاية كدة عليها

البومة موجودة في الكويت اللي الملا وكيل ميتسوبيشي فيها وبتبيع جامد جدا فأكيد أكيد حاينزلها و 10000٪ حاتعمل شغل مع تطوير سياسة البيع ومراكز الخدمة