إعـــــــلان

Collapse

.

,
See more
See less

تغيير التوكيل وكراهية الرواس وحب المهندس طارق مصراوي جدا

Collapse
X
 
  • Filter
  • الوقت
  • Show
Clear All
new posts

  • تغيير التوكيل وكراهية الرواس وحب المهندس طارق مصراوي جدا

    طبعا كلنا عارفين موضوع تغيير التوكيل
    ومعظمنا كاره الرواس وده ظهر في الاستطلاع المعمول في احد المواضيع هنا حوالى 45 قالوا يستاهل وتقريبا 4 بس قالوا لا حرام
    بس وسط الرواس والملا احنا نسينا حاجة مهمة جدا مكانش المفروض ننساها وعيب اوي ننساها
    المهندس طارق مصراوي جدا
    اخونا اللى متاخرش عن حد طلب مساعدته
    متاخرس عن حد طلب سؤاله
    مكشرش في وش اي حد من اللى راحوا له التوكيل
    مفيش حد راح له الا لما شكر فيه وزوقه واخلاقه
    متهيالي دي مش اخلاقنا كمصريين اننا في وسط زحام الرواس والملا ننسي الراجل اللي كل الناس شكرت فيه
    اخي المهندس طارق لما اشرف بمقابلتك ولم يكن لي يوم مصلحة معك والحمد لله حتي لا تكون شهادتي فيك مجروحة لكن على مدار اكثر من عام ونصف اتابع فيها الموقع واكثر من عام مشترك فيه لم اجد فيك ومنك يوما الا كل خير فانت رجل بمعني الكلمة وقفت بجوار كل من طلب مساعدتك واجبت كل سائل وكنت مثالا للمصري الاصيل حين يمكنه مساعدة اخوانه لا لشئ الا لوجه الله
    اجبت عن كثير من التساؤلات التي لا تدخل في اختصاصك وسئلت كثير من المهندسين لتجيب عن تساؤلات الاعضاء هنا
    ربما لا يعرفك الكثيرين خارج ساحة الميتسوبيشي لكن كل الموجودين هنا عرفوك ان لم يكن مباشرة فباجابتك عن تساؤلاتهم او بقراءة ردودك على تساؤلات الاخرين
    وكلنا مدينين لك بالشكر والتقدير
    ولو كانت هناك اي طريقة يمكن لنا بها ان نساعد في ابراز اسمك للتوكيل الجديد او ارسال ايميلات للتوكيل بالمطالبة بضمك له فهذا شرف وفخر لنا وثق اننا جميعا لن نتأخر ولو دقيقة واحدة
    ونحن حين نفعل ذلك نبحث عن مصلحة الكثيرين هنا فكما قلت لك لم اتعامل معك يوما ولكن هناك الكثيرين ممن تعاملوا معك واستفادوا من وجودك معنا وفي المصرية ونبحث عما تراه انت افضل ونبحث ايضا عن مصلحة الموزع الجديد الذي سيكون انضمامك له والله مكسب له قبل ان يكون مكسب لك
    [SIGPIC][/SIGPIC]

  • #2
    ماشاء الله كلام جميل جدا
    فى عضو احسبه على خير ولا اذكى على الله احد
    ربنا يبارك فيكوا يارب وياريت يادكتور
    لو تدينى رقم المهندس طارق او تدينى رابط العضويه بتاعته لو تسمح

    Comment


    • #3
      المهندس طارق من اكثر الشخصيات اللى الواحد قابلها احتراما
      المرتين اللى روحت التوكيل فيهم المهندس طارق قام معايا بالواجب وزيادة وكان بيتابع العربية بنفسو كل شوية بالتليفون زى متكون عربيتو واكتر
      بنشكرك جدا يابشمهندس على مساعدتك لكل واحد فينا طول الفترة دى وربنا يجعله فى ميزان حسناتك
      وان شاء الله نشوفك مع التوكيل الجديد

      Comment


      • #4
        شكرا يا دكتور محمد على موضوعك

        لكن مين قال ان احنا نسينا الباشمهندس طارق بالعكس دة احنا مفتقدينه جدا في المنتدى وخصوصا قسم المتسوبيشي بقى عامل زي اليتيم

        مش بس عشان موضوعة المتوقف بناء على طلبه (انت تسأل واستشاري متسوبيشي يجيب )

        ولكن على المستوى الشخصي احنا مفتقدين راجل محترم جدا

        واحنا في انتظار عودة الباشمهندس طارق بأذن الله
        [CENTER][B]الوطــنـيـة قبل الســياســة ... والمبــــادئ قبـل المصــالـح[/B][/CENTER]

        Comment


        • #5
          ابدا محدش نسيه , الراجل اكبر بكتير من مجرد انه يتنسى

          لا جمايله ولا ذوقه ولا كرم اخلاقه فى التعامل معانا على المنتدى ولا جدعنته وكرمه وتعبه معانا فى زيارات التوكيل ابدا يقابل بالنسيان

          ربنا يعلم معزته عندى قد ايه وعند اغلبية القسم , ومشكلة الرواس وهجومنا على التوكيل ملوش اى علاقة بيه لكن سياسة التوكيل والخدمة والتسعير وحاجات كتير ملهاش علاقة بالبشمهندس طارق هى اللى كانت مضايقانا من الوكيل وعملت جبهة الكراهية دى ضده

          بس الاكيد ان الكراهيه دى ملهاش علاقة نهائى بالبشمهندس طارق ولا حتى بأعتباره من العاملين فى التوكيل بعيدا بقا عن انه نايل موتورزاوى زميل

          ان شاء الله ربنا يصلح له الحال ويرزقه بالخير جزاء خدماته الكبيرة اللى قدمها لنا ويرجع يشارك معانا من تانى ونشوفه المقابلة الجاية
          [CENTER]
          [SIZE=4][COLOR=DarkRed][B][FONT=Comic Sans MS]إفـلــت زمـام امـالــك[/FONT][/B][/COLOR][/SIZE]
          [/CENTER]

          Comment


          • #6
            بالرغم من أني مش من ملاك متسوبيشي .. إلا أن الظروف سمحت أني اتعامل مع المهندس/ طارق زويل .. والمهندس/ محمد عبد العال .. وبصراحة مفيش كلام ممكن يتقال لوصف الناس دي ودماثة خلقهم وحبهم للخير وخدمة الناس اللي بتطلب مساعدتهم.

            لما حصل الموضوع بتاع وكالة متسوبيشي ده .. أقسم بالله أول حاجة دماغي راحت ليها الشخصيتين دول .. وقلت يا ترى حيبقى أيه مصيرهم وظروفهم في ظل التغيرات دي .. ودعيت أن ربنا يوقف ليهم ولاد الحلال ومصدر رزقهم ميتقفلش .. وربنا يوسع عليهم للأفضل والأحسن . اللهم أمين
            [B][FONT=Comic Sans MS][SIZE=5][COLOR=Green]

            [SIGPIC][/SIGPIC]


            Life's too Short for the Wrong Job[/COLOR][/SIZE][/FONT][/B]
            ziabassem سابقا

            Comment


            • #7
              فعلا الله يجزيه خير على مجهوده ونسال الله ان يجعله فى ميزان حسناته ونتمنى ان يكون موجودا فى التوكيل الجديد

              Comment


              • #8
                بكل صراحه من خلال تعاملى مع الأخ المهندس طارق زويل
                والله بكل أمانه من أكثر الناس الى الواحد عرفهم أحتراما
                وخدوم لأقصى درجه و لا يتزمر من تكرار الخدمه لأى شخص سواء من نايل موتورز او من خارجه
                وأن شاء الله شخصيه بالمواصفات ديه أكيد ان شاء الله هيكون له شان عظيم فى المستقبل سواء مع الرواس او الملاح أو أى مكان أخر
                هوا مكسب لكل مكان ممكن يشتغل فيه
                وان شاء ربنا يوفقو ويجازيه خير عن كل الخير الى عملو مع الناس
                [COLOR=darkred][SIZE=4] @ إن الله لغنى عن العالمين @[/SIZE][/COLOR]
                [SIZE=4][COLOR=navy][COLOR=purple][B][FONT=comic Sans Ms]سأصبر حتى يعجز الصبر عن صبرى ،و أصبر حتى يأذن الله فى أمرى ، و أصبرحتى يعلم الصبر أننى صابر على شئ هو أمر من الصبر
                لشراء أستيكر المنتدى فى الغربيه 0111019565
                [/FONT][/B][/COLOR][/COLOR][/SIZE] [SIZE=4][COLOR=darkorchid][SIZE=5]
                [/SIZE][/COLOR][/SIZE]

                Comment


                • #9
                  انا معنديش متسوبيشي بس واحشني اوي المهندس طارق بمجهوده و ردوده الوافيه ياريت لو نقدر نستقطبه في توكيل بروتون :)
                  [CENTER][SIZE=5][COLOR=#4169e1]نختلف .. نتحاور و نتناقش , لكن نتبادل الاتهامات ... ده امر مرفوض نهائيــــــــــــــــــــــــاً [/COLOR][/SIZE][/CENTER]
                  [CENTER][COLOR=#4169e1]حكمه من مهاب سعيد[/COLOR] [/CENTER]
                  [RIGHT]TheEgyption سابقا
                  [/RIGHT]

                  Comment


                  • #10
                    مش هقدر ازود حاجه عن كلام الرجاله اللي سبقوا

                    بس هقول زي احمد نوح

                    هو اكبر بكتير من انه يتنسي

                    ربنا يجازيك عنا خير يا استاذ طارق
                    http://www.fx-arabia.com/vb/showthread.php?t=9654

                    Comment


                    • #11
                      متهيألى مفيش حد فى القسم كله يقدر ينسى البشمهندس طارق

                      و ياريت لو فى أيدينا حاجه نعملها

                      ( بجد والله هو أحلى ما فى الرواس )

                      Comment


                      • #12
                        انا مش من القسم
                        لكن مجهوده ومساعدته للاعضاء كانت واضحة لكل المنتدى
                        A.Saad

                        Comment


                        • #13
                          ألف شكر ليك يا دكتور محمد ولكل الأخوة اعضاء المنتدى وكلنا عارفين الروح الطيبة اللي بتجمعنا هنا في المنتدى وحب الجميع لمساعدة الآخرين

                          وربنا يقدم اللي فيه الخير الفترة الجاية وتستقر الأمور
                          [CENTER][SIGPIC][/SIGPIC][/CENTER]

                          [CENTER][URL="http://www.nilemotors.net/Nile/255987-a.html"][SIZE=4][COLOR=blue]مصرية - ميتسوبيشي (صيانة وقطع غيار أصلية)2012[/COLOR][/SIZE][/URL][/CENTER]
                          [CENTER][URL="http://www.nilemotors.net/Nile/60728-2.html"][SIZE=4][COLOR=blue]أنت تسأل واستشاري منتدى ميتسوبيشي يجيب 2009-2011[/COLOR][/SIZE][/URL][/CENTER]
                          [CENTER][COLOR=darkgreen]مهندس / طارق زويل[/COLOR][/CENTER]

                          Comment


                          • #14
                            فعلا يا جماعة
                            الكلام ده مظبوط
                            [FONT=Arial Black][SIZE=5][COLOR=blue]Lancer وأفتخر[SIGPIC][/SIGPIC][/COLOR][/SIZE][/FONT]

                            Comment


                            • #15
                              ربنا بكتب لبك الخير يا بشمهندس طارق....انا كنت جيت مره و قابلتك في التوكيل لما كانت لمبه الn في الانسر الاوتوماتيك بتنور وانا سايق على ال d ....أسال الله العظيم رب العرش الكريم أن يوفقك و يقدر لك الخير ان شاء الله
                              Last edited by hashour; 17-09-2010, 05:29 PM. سبب آخر: تصليح اسم مهندس طارق

                              Comment

                              Working...
                              X