أعمل الصيانه دلوقتى ولا أستنى شويه ؟؟!!

[M!SHO]

السلام عليكم ورحمة الله وبركاته

يارب تكونوا بخير

عندى سؤال شاغلنى شويه

مكتوب فى كتيب الخدمه أن الصيانه بتم كل 10000 كم أو 6 شهور

دلوقتى مر 7 شهور من صيانة الألف وأنا عامل 3500 كم وبالشكل ده لسه كتير على ال 10000

أروح أعمل صيانه دلوقتى ولا أيه رأيكم ؟؟

[medo666]

يقال ان زيت موبيل وان العشر الاف كيلو مدي كفاته ولزوجته تستمر لمده 6 اشهر فقط وبالتالي حان موعد الذهاي للتوكيل وقوللي عملت ايه

[omaroof]

فين المشكله؟
ماتروحش غير لما العربيه تمشى ال10000 كاملين او على الاقل 9500 كم
الموضوع مالوش دعوه بالمده ليه دعوه بالكيلو مترات
ممكن تسمع بعض المقولات ان الزيت بيخرب والكلام ده سيبك من الكلام ده كله فتى وخلاص
التزم بالكيلو مترات واعمل الصيانات فى معادها فقط والعربيه حاتعيش معاك وتبقى حالتها ممتاذه

[zikoziko]

انا سألت عن موضوع الزيت فى التوكيل وقالى صلاحيه الزيت كل 5 سنوات ومش ضرورى تغيره كل 6 شهور

[kemoelord]

يا جماعه المهندس طارق لما سالته على الموضوع ده لاني كنت معتقد بالفعل ان الزيت بيقعد اما 10 الالاف كيلو او 6 شهور فقط فقالي الزيت بيقعد سنه كامله او 10 الالاف كيلو ايهما اقرب

[tarek2001]

صح الزيت يتغير كل 10000 كيلو متر او سنة

[M!SHO]

ألف شكر يا رجاله على الرد

وأنا سألت البشمهندس طارق وقالى نفس الكلام ده

يا جماعه المهندس طارق لما سالته على الموضوع ده لاني كنت معتقد بالفعل ان الزيت بيقعد اما 10 الالاف كيلو او 6 شهور فقط فقالي الزيت بيقعد سنه كامله او 10 الالاف كيلو ايهما اقرب