السلام عليكم
ندخل فى الموضوع على طول زى مانا متعود من غير مقدمات
لما كنت بمشى بالعربية بسرعة عالية كنت بسمع صوت تصفير ولما سالت قالولى ده صوت سير الكتينة فى الغالب ولازم تغيرة على طول
وسبحان الله تانى يوم نازل علشان اظبط العفشة وبعد كده اعدى على الميكانيكى علشان اغير السير ولسه مكنتش بعدت عن البيتت مسافة 2 كيلو او 3 كيلو تقريبا .. لقيت صوت طقطقة ولقيته بيعلى فقمت مرة واحده راكن على جنب اول لما ركنت خلاص لقيت العربية بطلت ... جيت ادور علشان اشوف فى ايه لقيت فى صوت تصفير وترزيع شديد
نزلت فتحت الكبوت وطبعا شكيت ان السير اتقطع .. لحد مواحد ان حلال وقف بعربيته وقالى خير فى حاجة قلتله استنى ادورلك علشان تسمع اول لما دورت قالى باااااااااس اوعى تدور تانى كده السير اتقطع وربنا يستر على وش السلندر ... المهم والدى كان معايا وكان بيكلم حد علشان نشوف حل وفى نفسس الوقت كان الراجل ادانى رقم ميكانيكى قالى ده راجل زى العسل وهيظبهالك فجه والدى قالى خد الرقم ده كلمهم بتاع واحد ميكانيكى ولما قال اسمه الراجل قالى اهو ده اللى انا مديك رقمة المهم كلمته وقالى ايوة انا جايلك فى السكة على طول ... وجالى .. فضلنا نشاور لاى عربية دبابة علشان تشدها محدش كان بيقف لحد مواحد صاحبى كان معدى بعربيته لانسر برده قالى انا هروح ابعتلك عربية دبابة المهم بعتها وروحنا عند الورشة الراجل قالى انا هشتغل فيها بالليل لان دلوقتى قدامى شغل كتير ... سبتها عنده وروحتله بالليل وقبل ميفوك قالى انا مش هروح اجبلك سير واركبهولك وخلاص وبعد كده يكون الصبابات اتعوجت وتيجى تجبهالى تانى لازم الاول نفتح وش السلندر ونشوف الصبابات .. وتوكل على الله وفتح .. لقى السير سليم لكن مخالف ... المهم عدله وقفل تانى وقالى دور .. دورت .. العربية دارت وبعدين قالى ايه الدخان اللى بيطلع من المكنة ده كله قلتله عادى يعنى قالى لا مش عادى وقالى هى بتاكل منك بنزين قلتله اه وقالى على فكرة دى بتاكل زيت كمان
وبعدين قالى العربية دى بتسخن قلتله لا المؤشر بيكون دايما فى النص .. قالى طيب لما بتمشى بيها وبتسخن وبعدين تيجى تدورها تانى وهى سخونة بتدور معاك قلتله لا بتاخد وقت كتييييير علشان تدور قالى المكنة كده مفوتة
المهم فك وش السلندر ولقى فيه شغل بس يعنى يتظبط .. وجه بقى يشوف البساتم لقاها محروقة من فوق ولقاها بتتحرك جوا غرفة الاحتراق قالى عمر البساتمم متتحرك كده دى لازم تبقى ثابتة كده الشنابر بايظة وبتفوت زيت وهوا وكل حاجة فى الدنيا وكمان لقى غرفة الاحتراق بصراحة انا مش عارف فى شغل الميكانيكة بيسموها ايه المهم لقاها فيها شرشرة مش ناعمة قالى الشنابر كانت متاكلة وكانت بتحك فيها فعملت الشرشرة دى ... وكمان لقى نفس الكلام ده على الكرانك ... وقال لنا ان صاحب العربية القديم ربنا يسامحه بقى مكنش بيعملها صيانة خااااااااااااااااااااالص وكل حاجة فييها بتاعت الزيرو لكانت بتغير زيوت ولا اى حاجة ولقى علبة الكرتير بتاعت الزيت فيها طينة مش وساخة عادية
مع العلم ان العربية موديل 2007 1300 سى سى وانا شاريها عاملة 129 الف كيلو ودلوقتى بقت 130 الف كيلو
قالى انت اخدتها بكام قلتله ب 63250 جنية قالى لا سعرها حلو والله
بس قالى انت لازم تقعد مع اللى اشتريت منه ومع الوسيط (السمسار ) وتاخد منهم فلوس على الاقل 2000 جنية لانه باعلك ومقلكش على حاجة ومن الواضح ان الزيت اللى فيها ده مش بتاع عربيات من دى ده زيت قديم بتاع جرارات زراعية بيبقى تقيل فلما يحطة وانت تجرب قبل متشترى تلاقيها عادية ... كلمت الراجل اللى اشتريت منه قالى انت جى بعد شهر ونص وتتكلم لا مفيش كلام بعد شهر ونص ومش عارف ومينفعش الكلام ده وانت اشتريت وانا مليش دعوة فانتوا ايه رايكم فى كلام الراجل صاحب العربية القديم ده هل فعلا انا ليا حق عنده ولازم اخده ولا طالما بقالها شهر ونص يبقى كده خلاص مليش حاجة مع العلم انى والله كنت بعامل العربية بحنية وغيرتلها زيوت وفلاتر يعنى كنت بحسن فيها وانا بسوق بعقل الحمد لله مش بغشومية يعنى انا مضطرتش العربية نهائى
اما بقى بالنسبة للعمرة فانا كنت عاوز اسأل عن اسعار شوية حاجات علشان مينضحكش عليا
اولا السنلدرات راحت تتخرط علشان يتشال منها التخشين اللى فيها ... والراجل قالى هتتكلف 300 جنية
ثانيا هنعوز طقم بساتم موديل 97 لان المكنة من تحت هى هى مكنة 97 فسالت عليها اتقالى ب 400 و 350 فاللى يعرف سعرها يقولى
وكمان عاوز اعرف سعر السبيكة
وسعر جوان وش السلندر
وسعر طقم شنابر
وطبعا كل الحاجات دى عاوز اعرف سعرها بتاع موديل 97 مش 2007 لان لما بتاع قطع الغيار بيعرف انها لموديل 2007 بيبعها هى هى بس بضعف التمن مرتين تلاتة
وياريت بالمرة لو حد معاه ارقام تلفونات حد بتاع قطع غيار يدينى رقمة وانا اكلمة واسئلة بنفسى
واسف جدا على الاطالة واتمنى انكم تفدونى كالعاده
والسلام عليكم ورحمة الله وبركاتة
ندخل فى الموضوع على طول زى مانا متعود من غير مقدمات
لما كنت بمشى بالعربية بسرعة عالية كنت بسمع صوت تصفير ولما سالت قالولى ده صوت سير الكتينة فى الغالب ولازم تغيرة على طول
وسبحان الله تانى يوم نازل علشان اظبط العفشة وبعد كده اعدى على الميكانيكى علشان اغير السير ولسه مكنتش بعدت عن البيتت مسافة 2 كيلو او 3 كيلو تقريبا .. لقيت صوت طقطقة ولقيته بيعلى فقمت مرة واحده راكن على جنب اول لما ركنت خلاص لقيت العربية بطلت ... جيت ادور علشان اشوف فى ايه لقيت فى صوت تصفير وترزيع شديد
نزلت فتحت الكبوت وطبعا شكيت ان السير اتقطع .. لحد مواحد ان حلال وقف بعربيته وقالى خير فى حاجة قلتله استنى ادورلك علشان تسمع اول لما دورت قالى باااااااااس اوعى تدور تانى كده السير اتقطع وربنا يستر على وش السلندر ... المهم والدى كان معايا وكان بيكلم حد علشان نشوف حل وفى نفسس الوقت كان الراجل ادانى رقم ميكانيكى قالى ده راجل زى العسل وهيظبهالك فجه والدى قالى خد الرقم ده كلمهم بتاع واحد ميكانيكى ولما قال اسمه الراجل قالى اهو ده اللى انا مديك رقمة المهم كلمته وقالى ايوة انا جايلك فى السكة على طول ... وجالى .. فضلنا نشاور لاى عربية دبابة علشان تشدها محدش كان بيقف لحد مواحد صاحبى كان معدى بعربيته لانسر برده قالى انا هروح ابعتلك عربية دبابة المهم بعتها وروحنا عند الورشة الراجل قالى انا هشتغل فيها بالليل لان دلوقتى قدامى شغل كتير ... سبتها عنده وروحتله بالليل وقبل ميفوك قالى انا مش هروح اجبلك سير واركبهولك وخلاص وبعد كده يكون الصبابات اتعوجت وتيجى تجبهالى تانى لازم الاول نفتح وش السلندر ونشوف الصبابات .. وتوكل على الله وفتح .. لقى السير سليم لكن مخالف ... المهم عدله وقفل تانى وقالى دور .. دورت .. العربية دارت وبعدين قالى ايه الدخان اللى بيطلع من المكنة ده كله قلتله عادى يعنى قالى لا مش عادى وقالى هى بتاكل منك بنزين قلتله اه وقالى على فكرة دى بتاكل زيت كمان
وبعدين قالى العربية دى بتسخن قلتله لا المؤشر بيكون دايما فى النص .. قالى طيب لما بتمشى بيها وبتسخن وبعدين تيجى تدورها تانى وهى سخونة بتدور معاك قلتله لا بتاخد وقت كتييييير علشان تدور قالى المكنة كده مفوتة
المهم فك وش السلندر ولقى فيه شغل بس يعنى يتظبط .. وجه بقى يشوف البساتم لقاها محروقة من فوق ولقاها بتتحرك جوا غرفة الاحتراق قالى عمر البساتمم متتحرك كده دى لازم تبقى ثابتة كده الشنابر بايظة وبتفوت زيت وهوا وكل حاجة فى الدنيا وكمان لقى غرفة الاحتراق بصراحة انا مش عارف فى شغل الميكانيكة بيسموها ايه المهم لقاها فيها شرشرة مش ناعمة قالى الشنابر كانت متاكلة وكانت بتحك فيها فعملت الشرشرة دى ... وكمان لقى نفس الكلام ده على الكرانك ... وقال لنا ان صاحب العربية القديم ربنا يسامحه بقى مكنش بيعملها صيانة خااااااااااااااااااااالص وكل حاجة فييها بتاعت الزيرو لكانت بتغير زيوت ولا اى حاجة ولقى علبة الكرتير بتاعت الزيت فيها طينة مش وساخة عادية
مع العلم ان العربية موديل 2007 1300 سى سى وانا شاريها عاملة 129 الف كيلو ودلوقتى بقت 130 الف كيلو
قالى انت اخدتها بكام قلتله ب 63250 جنية قالى لا سعرها حلو والله
بس قالى انت لازم تقعد مع اللى اشتريت منه ومع الوسيط (السمسار ) وتاخد منهم فلوس على الاقل 2000 جنية لانه باعلك ومقلكش على حاجة ومن الواضح ان الزيت اللى فيها ده مش بتاع عربيات من دى ده زيت قديم بتاع جرارات زراعية بيبقى تقيل فلما يحطة وانت تجرب قبل متشترى تلاقيها عادية ... كلمت الراجل اللى اشتريت منه قالى انت جى بعد شهر ونص وتتكلم لا مفيش كلام بعد شهر ونص ومش عارف ومينفعش الكلام ده وانت اشتريت وانا مليش دعوة فانتوا ايه رايكم فى كلام الراجل صاحب العربية القديم ده هل فعلا انا ليا حق عنده ولازم اخده ولا طالما بقالها شهر ونص يبقى كده خلاص مليش حاجة مع العلم انى والله كنت بعامل العربية بحنية وغيرتلها زيوت وفلاتر يعنى كنت بحسن فيها وانا بسوق بعقل الحمد لله مش بغشومية يعنى انا مضطرتش العربية نهائى
اما بقى بالنسبة للعمرة فانا كنت عاوز اسأل عن اسعار شوية حاجات علشان مينضحكش عليا
اولا السنلدرات راحت تتخرط علشان يتشال منها التخشين اللى فيها ... والراجل قالى هتتكلف 300 جنية
ثانيا هنعوز طقم بساتم موديل 97 لان المكنة من تحت هى هى مكنة 97 فسالت عليها اتقالى ب 400 و 350 فاللى يعرف سعرها يقولى
وكمان عاوز اعرف سعر السبيكة
وسعر جوان وش السلندر
وسعر طقم شنابر
وطبعا كل الحاجات دى عاوز اعرف سعرها بتاع موديل 97 مش 2007 لان لما بتاع قطع الغيار بيعرف انها لموديل 2007 بيبعها هى هى بس بضعف التمن مرتين تلاتة
وياريت بالمرة لو حد معاه ارقام تلفونات حد بتاع قطع غيار يدينى رقمة وانا اكلمة واسئلة بنفسى
واسف جدا على الاطالة واتمنى انكم تفدونى كالعاده
والسلام عليكم ورحمة الله وبركاتة

Comment