أخبار جديده عن وكالة ميتسيوبيشي في مصــر

[kemoelord]

السلام عليكم :_

اليوم قرات في جريدة الاهرام " ملحق السيارات " بتاريخ 24-9-2010 خبرين مهمين بالنسبه لشركة ميتسيوبيشي وهما :

1- ان الرواس تم بحمد الله فتحه لمركز الخدمة في العبور مع تقديمه لعروض تخفيضات مناسبة يعني فلتر الزيت مجانا وتخفيضات على المصنعيات والسمكرة والدوكو بنسبة تتراوح ما بين 10 الى
15 % (الحقيقه مش عارف ليه الناس في مصر عموما بتستنى الوقت الضائع علشان تشتغل ونشوف العمل الي يرضى الناس ويقدملهم الخدمات المرجوة )

2- صرح المستشار القانوني ومحامي شركة " مصرية " الاستاذ سمير صبري بان الوكاله مستمرة في عملها كموزع غير حصري لشركة ميتسيوبيشي الى ان تنتهي الخلافات والقضايا القائمة حاليا في المحاكم المصريه ولن يظهر احد من المستثمرين الاجانب (مجموعه شركات الملا + الخرافي )
في ظهورها كالوكيل الجديد لشركة ميتسيوبيشي الان .

* تعليقي الشخصي ان عن نفسي لا يهمني مين الي يمسك الوكاله سواء بشكل حصري او غير حصري لكن الي يهمني هو الخدمات والعروض المميزة والمقدمة من قبل الوكاله الموجوده وربنا يقدم للي فيه الخـــــــــــــــــــــــــــــــــــــــــــــــ ــــــيـــــــــر

[Abo el-Seoud]

للاسف الرواس مش عارف يعمل حاجه (عامل زي الواحد اللي بيغرق وبيطبش)
لا شماته ولاتعليق
بس ياريت باقي الوكلاء تاخد بالدرس

[limo]

وانا انا شايف ان شركه متسوبيشى اليابان الى يهمها فى المقام الاول المبيعات ودليل ان الرواس بقاله فتره كبير شغال بالمركزين الخدمه بتوعه واليابان ولا هنا وصحيوا امتى ؟صحيوا لما شافوه مش عارف يسوق الانسر القرس ومطلبش موديلات 2010

[M.Nasr]

طيب التخفيضات دى مستمرة لحد امتى؟؟ وفين المركز ده في العبور بالظبط؟

[M.Elwan]

مجموعة الملا كانو مصرحين فى الدستور او صوت الامة تقريبا بيقولو انهم مش وكيل جديد لكن الملا الخرافى موزع غير حصرى زية زى الرواس بالظبط وقال ان من الممكن ان ميتسوبيشى تقرر ان يكون ليها اكتر من موزع فى مصر او موزع واحد فقط ده قرار خاص بيهم

[kemoelord]

طيب التخفيضات دى مستمرة لحد امتى؟؟ وفين المركز ده في العبور بالظبط؟

بالنسبة لفترة التخفيضات فمش عارف لحد امتى بالظبط وانا بتسائل زي حضرتك بالظبط !!
لكن تقريبا مكان المركز مكتوب في الاعلان انه في المنطقه الصناعيه الاولى - امام كارفور

[tigernet]

ياباشا انا سمعت من واحد صحبى شغال مهندس فى الرواس ان خلاص التوكيل اتسحب
و قالى اسم الوكيل الجديد بس ناسى اسمة
حتى صحبى قدم استقالة و رايح توكيل فولكس

[Ralliart]

مجموعة الملا كانو مصرحين فى الدستور او صوت الامة تقريبا بيقولو انهم مش وكيل جديد لكن الملا الخرافى موزع غير حصرى زية زى الرواس بالظبط وقال ان من الممكن ان ميتسوبيشى تقرر ان يكون ليها اكتر من موزع فى مصر او موزع واحد فقط ده قرار خاص بيهم

ميتسوبيشي مبتعملش عقود وكالات حصرية في اي بلد في العالم
ويا ريت يكون في اكتر من موزع لان الموضوع ده ناجح مع هيونداي في السعوديه وفي منافسه جامده بينهم
والملا متواجد في السوق المصري من سنين كتير عبر تجار الخليجي اللي الرواس حاول يمنعهم بس معرفش لانه موزع مش وكيل حصري

[MaZaGAngeE]

اكتر من موزع ده مفيد للسوق و للمشترين

كمان عشان حد ياخد توكيل لشركة لازم الأول ياخد موزع لفترة على الأقل سنة و بشروط كميات للتوزيع لازم ياخدها و بنسبة زياده سنوية متفق عليها ... كمان لازم يوفر مخازن للمنتجات و مخازن منفصلة لقطع الغيار .. كمان لازم يكون عنده على الأقل مركز أو 2 للصيانة
بعد السنة الأولى الشركة بتشوف الكميات المطلوبة للسنة الجديده و كده بيديله نسبة خصم اكبر و في نهاية السنة التالتة لو الموزع محقق كل الشروط بياخد وكيل غير حصري , و بعد 5 سنوات لو محقق ياخد وكيل حصري , بعد 10 سنوات بياخد نسب خصم اكبر و حصص للتوزيع في بلاد لا يوجد فيها وكيل حصري ؛......؛

[dr.amr]

الرواس بيلوش وخلاص

هو اول واحد عارف انه باي باي

[M.Al-Hefnawy]

ممكن يا جماعة حد يقولي يعني أيه موزع غير حصري أو حصري؟

[Ralliart]

اكتر من موزع ده مفيد للسوق و للمشترين

كمان عشان حد ياخد توكيل لشركة لازم الأول ياخد موزع لفترة على الأقل سنة و بشروط كميات للتوزيع لازم ياخدها و بنسبة زياده سنوية متفق عليها ... كمان لازم يوفر مخازن للمنتجات و مخازن منفصلة لقطع الغيار .. كمان لازم يكون عنده على الأقل مركز أو 2 للصيانة
بعد السنة الأولى الشركة بتشوف الكميات المطلوبة للسنة الجديده و كده بيديله نسبة خصم اكبر و في نهاية السنة التالتة لو الموزع محقق كل الشروط بياخد وكيل غير حصري , و بعد 5 سنوات لو محقق ياخد وكيل حصري , بعد 10 سنوات بياخد نسب خصم اكبر و حصص للتوزيع في بلاد لا يوجد فيها وكيل حصري ؛......؛

مفيش الكلام ده في ميتسوبيشي
العقد في اي بلد في العالم موزع غير حصري حتى لو بقاله 100 سنه بيبيع علشان وقت ما يحبو يقلبوه يقلبو براحتهم

[Ralliart]

ممكن يا جماعة حد يقولي يعني أيه موزع غير حصري أو حصري؟

موزع غير حصري يعني مش من حقه يمنع اي حد تاني من استيراد العربيات وقطع الغيار بغرض التجاره
علشان كده في تجار خليجي وفي تجار بيجيبو قطع غيار اصلي من اليابان على طول مش عن طريق الموزع

انما الحصري بيقدر يمنع الناس من استيراد العربيه او قطع غيارها ولازم يشترو عن طريقه فقط يعني من الآخر احتكار والرواس كان مكوس عقد حصري في وزارة التجاره علشان كان عايز يمنع الماركه وقطع غيارها من البلد ومحدش ييجي بعديه غير لما يدفعله فلوس ترضيه

[DrMax]

زى مانت قولت ياكيمو اهم حاجة ان توكيل متسوبيشى يتظبط فى مصر مهما كان مين اللى يخده
وادينا مستنيين الايام الجاية كل حاجة هتبان
بس فعلا انا لما شوفت اعلان الرواس قعدت اضحك..تحس انو بيطلع فى الروح ولسه بيعافر :)

[M.Al-Hefnawy]

موزع غير حصري يعني مش من حقه يمنع اي حد تاني من استيراد العربيات وقطع الغيار بغرض التجاره
علشان كده في تجار خليجي وفي تجار بيجيبو قطع غيار اصلي من اليابان على طول مش عن طريق الموزع

انما الحصري بيقدر يمنع الناس من استيراد العربيه او قطع غيارها ولازم يشترو عن طريقه فقط يعني من الآخر احتكار والرواس كان مكوس عقد حصري في وزارة التجاره علشان كان عايز يمنع الماركه وقطع غيارها من البلد ومحدش ييجي بعديه غير لما يدفعله فلوس ترضيه

جزاك الله كل خير