سؤال لخبراء قياده الاتوماتيك

[aliyehia]

العربيه الى معايا شارك اتوماتيك و فيها الغيارات p,r,n,d وكل دول عارفهم و تمام فيها بقى غير كده 3و 2و l
الى فهمته من الكتالوج ان 2و3 للمطالع الخفيفه و l للمطالع الجامده و كل ده جميل
اللى عايز افهمه بقى علشان انقل من d الى 2 او 3 او l هل لازم العربيه تكون واقفه و دايس الفرامل و لا انقل و انا ماشى؟
بالعربى كده حد مشكورا يفهمنى ايه الاستخدام المناسب و كيفيته و لو يدينى امثله لمواقف استخدم فيها باقى الغيارات يبقى كتر خيره

[Ralliart]

الحوار كله ان الفتيس الاوتوماتيك بينقل اول وتاني وتالت ورابع زي المانيوال وفي المانيوال لما بنحتاج عزم جامد في المطالع بنمشي على الاول والتاني
فالارقام دي ارقام النقلات يعني الـl يبقى العربيه تطلع على الاول ومتنقلش تاني
و2 يعني العربيه تطلع اول وتاني ومتنقلش تالت
و3 يعني اول وتاني وتالت ومينقلش رابع ودا يعرف في بعض العربيات بزرار over drive off ودا مفيد في الشد
وغالباً احنا معندناش مطالع غبيه ومش بنحتاج الحاجات دي لانها مهمه اكتر في المنحدرات الجبليه او في التلج لانهم بيحتاجو عزم حلو

[shooter123]

بلاش تغيير من ال d الي 3 او 2 وانت ماشي عشان مصلحة الفتيس مش اكتر
لكن واضح كدا انك من هواه الشد والجري
هي ممكنة لكن لاينصح بها
وانت بدال كييف شد جبت اوتوماتيك ليه؟
عموما انت ممكن تغيير بين النقلات وانت ماشي بس يا ريت بلاش تعملها كتير

[nice_bird]

ممكن تطلع عال L وبعدين لما يعلي ال rpm تنزل عال 2 و 3 و دا عادي وانت ماشي لا كن احذر جدا من النزول بالغيار او (الغيار العكسي بالذات في الاوتوماتيك لان الفيتيس عبارة عن مجموعة تروس وسيور ) وكمان متديش مارش إلا لو العربية واقفه تماما

[M.Nasr]

الاحسن طبعا عشان عمر الفتيس انك ماتنقلش والعربية ماشية

[aliyehia]

بلاش تغيير من ال d الي 3 او 2 وانت ماشي عشان مصلحة الفتيس مش اكتر
لكن واضح كدا انك من هواه الشد والجري
هي ممكنة لكن لاينصح بها
وانت بدال كييف شد جبت اوتوماتيك ليه؟
عموما انت ممكن تغيير بين النقلات وانت ماشي بس يا ريت بلاش تعملها كتير

اولا شكرا على الرد
ثانيا انا مش غاوى شد و لا حاجه و دى عربيه مراتى و هى الى عاوزه تعرف و لما سألتنى بلمت
و سؤالها سببه ان ساعات تبقى طالعه مطلع طويل و العربيه محمله فبتحس ان الموتور مش متجاوب و من الردود انا ماوصلتش برضه لاجابه شافيه هل ممكن تنقل من d الى 2,3 لكن بلاش كتير ولا بلاش خالصو هل ده معناه لو طالعه مطلع و مش واخده سرعتها من بدرى تركن و تنقل على 3 او 2 (انا مصتصعب ده)
يا ريت الرد بالتفصيل علشان افهم

[shooter123]

خلاص خليها تسوق عادي وخليها تنقل لل 3 في المطالع فقط
وفي كيك داون في الدواسة
يعني لو داست علي دواسة البنزين لاخرها مرة واحدة العربية بتنزل غيار ( كأنك بتسقط غيار في المانيوال ) وبدون ما تحتاج انها تحرك عصا الفتيس خالص
ابقي جرب الكيك داون ده انت حيعجبك اوي

[naieraohamed]

شوف يا باشا انا معايا بطة اتوماتيك وهى عدد 3 تروس فقط يعنى 1 وهو اول فقط و 2 هو غيار اول وتانى والd هى غيار من 1 ال 2 الى 3 حسب السرعة عند بعض الاحوال عند دخول مطلع بسرعة بطيئة باقوم بالنقل يدويا الى 2 لاخذ العربية عزم وعند الانتهاء من الغرض باقوم بالعودة الى d لاخذ السرعة 3 وذلك فى حالة عدم استجابة الكيك داون كما قال الزميل . ولاكن لاحظ غير المنطقى تماماً ان تكون على السرعة 3 وتنزل بالفتيس الى L . بمعنى اخر يمكن ان تغير السرعة والسيارة متحركة و لايكون اكثر من نقلة واحدة للاسفل

[eldell]

اولا شكرا على الرد
ثانيا انا مش غاوى شد و لا حاجه و دى عربيه مراتى و هى الى عاوزه تعرف و لما سألتنى بلمت
و سؤالها سببه ان ساعات تبقى طالعه مطلع طويل و العربيه محمله فبتحس ان الموتور مش متجاوب و من الردود انا ماوصلتش برضه لاجابه شافيه هل ممكن تنقل من d الى 2,3 لكن بلاش كتير ولا بلاش خالصو هل ده معناه لو طالعه مطلع و مش واخده سرعتها من بدرى تركن و تنقل على 3 او 2 (انا مصتصعب ده)
يا ريت الرد بالتفصيل علشان افهم

لا ياباشا عادى تنقل وهى ماشيه بس متكونش سرعه العربيه عاليه يعنى فى القليل تنقل عادى وبعد لما تطلع المطلع ترجعه على d