سير الكاتينه

[boma]

الاخوه الاعزاء
انا اشتريت لانسر 2006 من حوالى 9 شهور وحالتها الحمد لله كويسه واللى اشترتها منه وسيط اشتراها من مالكها الاصلى و كانت وقتها عامله 88 الف كيلو ودلوقتى عامله 95 الف كيلو وهى خليجى المهم سألته عن سير الكاتينه قالى ان المالك اللى اشترى منه مكنش بيعمل صيانه الا فى التوكيل واكيد غيره وانا ماشى بيها من وقتها ميش مشاكل ومغيرتش فيها حاجة الا البوجيهات وفلتر الهواء والزيت طبعا ومش عارف اغير سير الكاتينه ولا هو فعلا غيره فى التوكيل وحرام اغيره تانى وللاسف العربيه مالهاش ملف فى توكيل مصريه علشان خليجى فتنصحونى بايه دلوقتى افضل ماشى بيها لغايه 110 مثلا واغير السير ولا ايه علما بان زيت الفتيس بحالته ولسه شفاف ومنقصش وده اللى خلانى احس انه بيتابع فى التوكيل فعلا وممكن يكون غير سير الكاتينه
ولو حد يعرف نوع السير كويس وسعره كام يا ريت يفيدنى وشكرا واسف على الاطالة

[mr_vampire]

متهيالي غير طقم السيور كلها اضمنلك واحسنلك والليلة كلها بتاعة120 سيور ومصنعية وتبقي مطمن ومرتاح بدل لا قدر الله مايتقطع منك وتدخل في قصة كبيرة وتغيير صبابات وحوارات انتا في غني عنها.

[SkyBird]

متهيالي غير طقم السيور كلها اضمنلك واحسنلك والليلة كلها بتاعة120 سيور ومصنعية وتبقي مطمن ومرتاح بدل لا قدر الله مايتقطع منك وتدخل في قصة كبيرة وتغيير صبابات وحوارات انتا في غني عنها.

[eng_audi2002]

نفس الكلام حصل معايا واشتريت لانسر 2007 وقالى انه مغير طقم سيور لحد سير الكاتينة متقطع منى وانا ماشى ومكنتش لسه عملت الف كيلو واضريت اعمل عمرة للموتور كله
غيره ومش هتندم

[أبو إياد]

والله انا لو مكانك والراجل اكدلى انه مغير السيور باردو هاغيرها بنفسى علشان اكون مطمن

[amooooor_s]

أنا برده معايا لانسر 2006 وعامل بيها 57000 كم وبرده ماشي قلقان وعايز أغير السيور كلها لان حسيت ان سير الدينمو بدأ يصفر بس مش عارف أغير عند 60 الف ذي منا ماشي مع التوكيل ولا أعمل إيه بس نصيحة بعد عدد الكيلوات دي كلها أحسنلك إنك تغير طقم السيور وخلي بالك لما تغير سير الكاتينة لازم تغير معاها بلية الشداد .

[مصراوي جدا]

عندنا في شركة مصرية في الصيانة بنحتفظ ببيانات زيارات العميل على الكمبيوتر بغض النظر العربية مصري ولا خليجي ولا أردني فلو كان يقصد بالتوكيل شركة مصرية فابعت لي رقم الشاسيه وكان بيعمل الصيانة في قليوب ولا جسر السويس وهاقول لحضرتك غير سير كاتينة ولا لأ وبتاريخ ايه

[boma]

عندنا في شركة مصرية في الصيانة بنحتفظ ببيانات زيارات العميل على الكمبيوتر بغض النظر العربية مصري ولا خليجي ولا أردني فلو كان يقصد بالتوكيل شركة مصرية فابعت لي رقم الشاسيه وكان بيعمل الصيانة في قليوب ولا جسر السويس وهاقول لحضرتك غير سير كاتينة ولا لأ وبتاريخ ايه

مهندس طارق حمدالله ع السلامه ورجعت نورت المنتدى تانى
رقم الشاسيه 795773 ورقم الموتور 252 موديل 2006 خليجى
ولو مكنتش مسجله عند حضرتك يا ريت اعرف تكلفه تغير السيور وبليه الشداد كام فى التوكيل
ومتشكر لحضرتك جدا

[مصراوي جدا]

الله يسلمك والمنتدى منور بيكم

طيب على ما اشوف البيانات بكره الصبح باذن الله قول لي العربية 1300 ولا 1600 ومانوال ولا اوتوماتيك

علشان اقدر احدد رقم الشاسيه كامل كام وادور به

[boma]

الله يسلمك والمنتدى منور بيكم

طيب على ما اشوف البيانات بكره الصبح باذن الله قول لي العربية 1300 ولا 1600 ومانوال ولا اوتوماتيك

علشان اقدر احدد رقم الشاسيه كامل كام وادور به

1600 اتوماتيك سبورت

[مصراوي جدا]

رقم الشاسيه كامل jmystcs3a6u795773 مش موجود في ملفات الصيانة في قليوب او جسر السويس ، ممكن يكون كان بيعمل الصيانة عند الرواس مثلا

بخصوص تكلفة تغيير مجموعة الكاتينة والسيور والشداد حوالي 1100 جنيه شاملة قطع الغيار والمصنعية والضريبة

[boma]

الف شكر يا استاذ طارق وانا غالبا هغيرهم فى التوكيل اضمن