الكشاف مشبر!!!أية العمل؟؟؟

[MAX_PIN]

الكشافين عندى مشبرين وشكلهم بقى بايخ اوى
ياريت لو حد يقدر يفيدنا فى الموضوع ده
وشكرااااا

[ayman97]

متـــــاااااااابع

[bmya]

طيب ايه السبب
هو الفانوس عندك مكسور ؟؟

[أبو إياد]

ممكن ترفع صور ليهم وباذن الله هاقدر افيدك . بس عرفنى هما الاصليين ولا متغيرين ؟

[M.Nasr]

متاابع

[mr_vampire]

متهيالي لو مشبرين من برا فيه شباب معانا كانو قالو يتغسل بسيجنال 2 او كلوزاب هيرجعه زي الاول ( طبعا مش هنغسلهم بفرشة سنان يعني علي اساس ان الشيء لزوم الشيء ) ولو من جوا يبقي لازم هتفتحهم وتغسلهم من جوا وبعدين تقفلهم بسيليكون.

[ayman97]

انا النور عندى ضعيف ومش حلو مع انى مركب لمبتين جون 200/260 فقلت يمكن الكشاف مش نضيف ففكيت الكشافين الأمامى وغسلتهم من جوه بالمية والفيرى، وبرضو زي ما هم لآن التشبير في الباغة الشفافة للكشاف ، ومش عارف باغة الكشاف دى بتتباع ولو بتتباع الاقيها فين ولا ممكن تتعالج ،ولا الكشاف بيتباع على بعضة

[braveheart911]

الفانوس بتسنفر سنفره ناعمه وبيتعملوا بوليش

[ayman97]

الفانوس بتسنفر سنفره ناعمه وبيتعملوا بوليش

ازاى يتسنفر وهو وجه بلاستيك ؟ ده يشبر اكتر وينعدم خالص

[bmya]

انا كان عندي كده زمان في الكريستاله بس كان من بره مش من جوه
كان الفانوس بقه وشه لونه اصفر كده وكان مضيييييييع النور ببجد مع ناي برده كنت مغير بلمبات اقوى مع كتاوت
المهم فكيت الفانوسين وروحت لواحد كده سنفرلي الفانوسين رجعم زيرووووووووووو بجد كان فرق شاسع في الشكل والاضاءه كمان هو سنفرهم على مكنه كده زي اللي بيسنو بها السكاكين انا اصلا مش فاكر الراجل ده كان شغلته ايه بالظبط لان الكلام ده من يجي 6 سنين مثلا وكان الكهربائي اللي يعتني له
فانت لو واثق ان الفانوس مشبر من بره او لونه اصفر من بره
ممكن فعلا تسنفره لحد ما تشيل الطبقه التعبانه دي بس سنفره تكون ناعمه جداا عشان متبوظش الفانوس وجرب في حته صغير اللاول

[ayman97]

انا كان عندي كده زمان في الكريستاله بس كان من بره مش من جوه
كان الفانوس بقه وشه لونه اصفر كده وكان مضيييييييع النور ببجد مع ناي برده كنت مغير بلمبات اقوى مع كتاوت
المهم فكيت الفانوسين وروحت لواحد كده سنفرلي الفانوسين رجعم زيرووووووووووو بجد كان فرق شاسع في الشكل والاضاءه كمان هو سنفرهم على مكنه كده زي اللي بيسنو بها السكاكين انا اصلا مش فاكر الراجل ده كان شغلته ايه بالظبط لان الكلام ده من يجي 6 سنين مثلا وكان الكهربائي اللي يعتني له
فانت لو واثق ان الفانوس مشبر من بره او لونه اصفر من بره
ممكن فعلا تسنفره لحد ما تشيل الطبقه التعبانه دي بس سنفره تكون ناعمه جداا عشان متبوظش الفانوس وجرب في حته صغير اللاول

انا عندى كده فعلاً ، بس انت بتقول خدتهم لواحد ... مين الواحد ده صنعتة ايه ؟ كهربائي ، بتاع سمكرة ، بتاع سكاكين ... وصنفرته ناعمة ازاى بالصاروخ ولا بحجر الجلخ ولا بصنفرة خشب ولا بحاجه تانيه ؟؟؟؟؟؟؟

[fineart607]

اكيد فى تسريب والمياه دخلت جوه وفعلا لو من بره اعملة ببولش هيبقى تحفه

[bmya]

انا عندى كده فعلاً ، بس انت بتقول خدتهم لواحد ... مين الواحد ده صنعتة ايه ؟ كهربائي ، بتاع سمكرة ، بتاع سكاكين ... وصنفرته ناعمة ازاى بالصاروخ ولا بحجر الجلخ ولا بصنفرة خشب ولا بحاجه تانيه ؟؟؟؟؟؟؟

مش عارف ياباشا الصراححه هو تقريبا حداد
هو الكهربائي بتاعي اللي قالي روح للمكان ده وقوله سنفر لي الفانوسين وهو سنفرهم بمكنه عنده تقريبا صاروخ
بس الموضوع ده ما ينفعش غير لو كان اللون متغير من بره مش من جوه
ورجعت بجد زيروووووووووووو زي ماتكون لسه طالعين من المصنع وطبعا ده فرق جدااااااااااا في قوه الاضاءه بتاعتهم

[أبو إياد]

ياجماعه الاخ MAX_PIN مدخلش الموضوع من ساعتها يارب يكون المانع خير

[MAX_PIN]

ياجماعه الاخ max_pin مدخلش الموضوع من ساعتها يارب يكون المانع خير

شكرا لكل الاخوة الى ردوا وأنا أسف جدا انى مدخلتش من ساعت مانزلت الموضوع
لأنى كنت فى سفريات كتير خلال الاسبوع ده
وربنا يخليك يا أستاذ أبو إياد على الاهتمام
بالنسبة لعربيتى هى بومة موديل 2009 الفوانيس السموك
الحكاية ديه حصلت بعد ماركبت الزينون بفترة
فإعتقدت ان ممكن تشبير نقط الميه الى فى الكشاف يكون منه
بس الكشاف التانى مفهوش حاجة
عموما انا رجعت اسكندرية وليا واحد حبيبى يعرف كل الصنايعية الى فى اسكندرية
هسأله وهقولكم أية الى هايتم بظبط إنشاء الله
تحياتى