هل الدريفتات غلط؟؟؟؟؟؟؟؟

[shooter123]

يا جماعه انا عربيتي 2003 مكواة
وللاسف مجنون بلعبة اندر جراوند اكيد الكل عارفها حتي في اللعبة بلعب باللانسر بس الايفوليشن
وطبعا لما بسافر بمشي ااقل واجب 140 - في غياب الردار - لو بالنهار بمشي 90 طبعا
واحيانا داخل البلد بعمل دريفت صغير في الملفات فقط ومش دايما يعني
فهل ده غلط علي العربية مع العلم ان ايدي فيها علطوووووووووول

[shaddadfalcon1]

مش المكواه دي سحب امامي برده؟

اعتقد مش ينفع فيها دريفتات لان علي حسب علمي الدريفت لازم دفع خفلي

حضرتك تقصد بتطلع امريكاني ولا حاجه تانيه.

[عبد الرحمن اسامه]

دريفت يعني و هو محود علي الأخر مع السرعة العربية بتعمل حاجة اسمها اوفر ستير يعني الكاوتش الامامي بيتزحلق و هو بيحود فبتحود في دايره اوسع، و في اللحظه دي ضهر العربية بيبقي محدوف في عكس اتجاث التحويد لو شديت فرامل اليد و ضهر العربية بيفلت من مكانه و العربية بتبتدي تلف لغاية لما تسيب فرامل اليد، و تنطلق بالعربية للأمام تكون محضر النقلة عشان لازم تنطلق للأمام عشان تشد ضهر العربية للأمام و ترجع لطبيعتها. دي طريقة الدريفت للسيارات الدفع الامامي.
أعتقد انه مش مضر لو الفرامل الخلفية clippers يعن زي الفرامل البتبقي في العربيات الفيها جنوت عارفينها، ليه عشان الفرامل العادية لو شديتها كتير بتبتدي تضعف لازم تروح تشدها تاني.
لا ادري ضرر هذا علي العفشة لكن اعتقد العفشات الرياضية يفترض أن تستحمل هذا.

كل هذه المعلومات غير مأكده انا غير متخصص، جزء من المعلومات دي نابع من تجربة و الجزء التاني نابع من تراتيش كلام بسمعها، العندو تصحيح ياريت يصححلي.

[shooter123]

الاستاذ عبد الرحمن وضح ايه هو الدريفت
هو بس بيختلف في طريقة تنفيذه اذا كانت السيارة دفع خلفي او جر امامي
والاستاذ عبد الرحمن قال طريقة الدريفت بالجر الامامي
وفي انتظار حد يقولنا هل هو غلط علي العربية ولا لا

[mr_vampire]

طبعا ياصاحبي غلط وغلط كبير جداااااااااااااااا علي كل حاجة فالعربية مقصات واسكاترا وكبالن وعفشة غير كمان لو العربية مش مجهزة لكدة ( وحتي لو متركبلها عفشة رياضية اكيد في نسبة ضرر ولو قليلة ). ومادام امامي يامعلم ممكن دريفتاتك بتبقي بهند بريك واكيد ده غلط علي كل اجزاء الهاند ( ومش هقول ياخسارة العجل اللي هيتنحل حاجة بسيطة ومبنبصش عليها ) بس نصيحتي يامعلم بلاش عشان تستمتع بعربيتك فايقة وواقفة شادة حيلها علي طول.

[shooter123]

حبيبي فامبير اللي منور مواضيعي

بس انا مدمن دريفتات بالهاند بريك

ححاول ابطل
تعرف
في مرة عملت الدريفت ده بعربية ابن عمي ( فيكترا 2002 2000 سي سي b ) بس كانت تقيلة بدرجة فظيعه ومعرضتش معايا زي ما انا عايز
عموما ححاول ابطل

[sonystar]

اكيد دا بيضعف الماتوررر

[world_of_kill]

انا كان معايا جر خلفي فيات 132 2000 سي سي قبل كدا و الدرفت بالجر الخلفي انك و انت داخل ملف براحه او بسرعه تكسر الدركسيون علي الاخر و تزود بنزين اكتر من اللي هيه بتحتاجه فتعرض منك من غير هاند و لا غيرو لان العجل الخلفي بيبقي معاه عزم شديد فده بيخلي العربيه تعكس اتجاه بتعاها و تلحق نفسك بي انك تهدي رجلك من علي البنزين و تظغط طبيعي و تعدل الدركسيون عشان تدي عزم انها متزحلقش اكتر من اللي انت عاوزو

اما حاليا معايا جر امامي لانسر كرستاله و برضو طريقه الدرفت او التعريض انك برضو كذالك داخل ملف بتكسر الدركسيون علي الاخر و تزود بنزين طبعا و ترد الدركسيون الناحيه العاكسيه و ده في اللحظه اللي بتزود بتسجب ضهر العربيه معاها و لما بتكسر الدركسيون الناحيه العاكسيه دا بيخلي ضهر العربيه يتعكس و طبعا بتلحق نفسك هنا انك تعدل عجلك و تزود بنزين و بكدا الجر الامامي حيسحب ضهر العربيه علطول و يعدل معاك

و الكلام دا من غير هاند انا في حاله الهاند و دا اللي انا مش بحبزو لانو ساعات كتير بتفقد السيطره و دي حصلتلي مره و العربيه لفت لفه كامله حولين نفسها و انا كنت واخد درفت بالهاند اسيب و اشد في 3 ملفات عكس بعض في الاخير لفت حولين نفسها

الهاند طبعا ادائو احسن في الجر الامامي عشان بكدا بيبقي مثبت العجل الوراني و الامامي بس اللي شغال عزم و تحكم
اما في الجر الخلفي عشان تشد هاند تضطر تشيل رجلك من علي البنزين عشان المتديش عزم للكاوتش و تيجي تشد هاند مش حتلاقي و دا طبعا لو لاقدر الله حصل غلط و جيت تلحق نفسك حيبقي صعب عشان تدوس علي دواسه البنزين و في هاند مشدود لانك لازم تبقي مركز في اتجاه الدركسيون و القوه الي العربيه واخداها

اما اضرارو كتير ابسط حاجه تلبس في حيطه d: او لو ظلطه موجوده ممكن تقلبك لو الارض في حطه عاليه ونزلت واطيه فجأه و العكس غير الضرر اللي علي الكاوتش غير ان عشان تفرك الحرق علي الغيار و انك بتوصل الار بي ام لي 4 اقل حاجه او اكتر و دا غلط علي المكنه و علي العربيه غير سلك الهاند بيبدأ يضعف و ممكن في مره يتقطع

و اللحمد الله ان ربنا هداني انا و اصحابي بعد لما شفت انا و صحابي الموت اكتر من مره و كل واحد خد اللي فيه النصيب بعربيتو فياريت تبطل الحكايه دي

[Haitham10]

بلاش يااحمد عشان انا لسه مقروص منها طازة وهروح لعفشجي اشوف المشكلة ايه

[zoro007]

أكيد بيضر العربيه واضعف الايمان هينحل لك الكوتشات بتاعتك وبما انك بتقول ايدك فيه علطول يعنى كوتشاتك هتودع قريب وهتكلفك مصاريف لتغيرهم طبعا يبقى دا انتا شايفه ضرر ولا لاء ؟

انا مقدر ظروقك لانى كنت زيك كدا لفتره وبطلت اللى بعمله بالعافيه والحمد لله دلوقتى نسيت وبطلت نيد فور اسبيد للابد

بس انا بقى مكنش درفتات .. كان ادمانى فى موضوع لم بوينت النيتروز من انى اقابل العربيات المقابله على سرعه عاليه ويكون بينى وبينها سنتى ميترات (خطوره على الحياه) :]

وكان اللى بيركب معايا بيموت فى جلده وبيخرج يجرى من العربيه وكنت والله فى معظم الاحيان بعملها وانا مش واخد بالى كانها عاده كدا بعملها بدون قصد

وفى مره من المرات عربيه عملت معاها كدا طبعا بدون قصد برضه شوفتها بتنحرف فى المرايا بتعتى بعد معديت وصوت الكوتشات بتعتها بتسرخ فى الاسفلت ومعرفش عمل ايه بقى

من وقتها وحاولت ابطل المشكله دى باى شكل وابعد عن اللعبه تماما
وبرضه كانت عربيتى لانسر ايفو فى اللعبه

[shooter123]

بلاش يااحمد عشان انا لسه مقروص منها طازة وهروح لعفشجي اشوف المشكلة ايه

خير يا هيثم احكيلي حصل ايه للعفشة بالتفصيل الممل

[Haitham10]

بتفرتك جلب المقصات والمقصات يااحمد وقبل كل دول هتبقي في حاجات خفيفه زي مسامير المساعد الكداب والتيش وكلام فارغ يعني متاخدش فبالك ممكن تخش في حسبه تعدي 500 بسبب هاند ملوش لازمة بصراحة

[SkyBird]

بص يا شوتر . ... عيش الحياة متعة
لو انت حريف دريفتات وبتستمتع بيها وكان قدر المتعة اكبر من شوية اصلاحات وصيانه ..... فدوس يا معلم
انا نفسي اتعلم الدريفتات لاني حاسس ان احترافها ينقذ الانسان لو العربية عومت وتديلة ثبات نفسي وثقة في المواقف الحرجة

رأيي مختلف عن الشباب بس حاسس انه هيعجبك لانك مستني تسمعه
وهو ده فعلا رأيي الحقيقي والصادق

[mr_vampire]

بص يا شوتر . ... عيش الحياة متعة
لو انت حريف دريفتات وبتستمتع بيها وكان قدر المتعة اكبر من شوية اصلاحات وصيانه ..... فدوس يا معلم
انا نفسي اتعلم الدريفتات لاني حاسس ان احترافها ينقذ الانسان لو العربية عومت وتديلة ثبات نفسي وثقة في المواقف الحرجة

رأيي مختلف عن الشباب بس حاسس انه هيعجبك لانك مستني تسمعه
وهو ده فعلا رأيي الحقيقي والصادق

متسمعش كلامه ده بيسخنككككككككككككككك
انا هقول كلمة من الاخر واجري علي الله: مهمااااااااااااا كانت مهاراتك في السواقة ومهماااااااااااااا كانت امكانيات وقدرات عربيتك فاللبسة ( الحادثة) بتحصل في اقل من ثانية. وممكن تيجي في حاجة غير متوقعة عجلة تفرقع مقص يتكسر عجلة تفك. فامشي بالطريقة او بالاسلوب وبالسرعة اللي تخليك تقدر تتصرف بحكمة وقت ماتتفاجيء بمفاجاة متفرحكش.

[SkyBird]

عجلة تفرقع مقص يتكسر عجلة تفك.

هي عربية شوتر مخلعة للدرجة دي ؟
انا مكنتش اعرف