ممكن من اى حد عندة كرستالة

[husseinsalah]

انا عندى كرستالة 99 كربراتير وكانت شغالة معايا زى الفل لكن طقت فى دماغى انى انضف الكربراتير فودتها لواحد فككة حتت وركبة تانى المهم العربية سحبها بقى حلو لكن حاسس انها مش زى الاول زى كدة لما تكون واخد على سواقة عربية بطريقة معينة وتركب عربية تانية فتحس انك مش عارف تسوقها المهم دلوقتى لما بضغط على دواسة البنزين مرة واحدة مابتسحبش معايا كأنى مش دايس عليها اصلا لكن لما بضغط بالتدريج بتسحب وتسرع معايا كويس فهل دة طبيعى؟

تانى حاجة ممكن اى حد عندة كرستالة يصور لى الجنب الشمال من الكربراتير ( اتجاة السهم) علشان حاسس ان الراجل اللى جمع لى الكربراتير ركب الخراطيم مش فى مكانها

http://www2.0zz0.com/2010/12/06/21/305458851.jpg

[M.Elgergawy]

هو موضوع السحب التدريجي دا كان من الأول ولا لما فكيت الكربراتير وركبته

[husseinsalah]

هو موضوع السحب التدريجي دا كان من الأول ولا لما فكيت الكربراتير وركبته

لا لما فكيت الكربراتير وركبتة والمشكلة دى بتقل لما العربية بتسخن

[husseinsalah]

خير يا جماعة هو ما فيش حد عندة كرستالة كل اللى محتاجة صورة بس

[M.Elgergawy]

لا لما فكيت الكربراتير وركبتة والمشكلة دى بتقل لما العربية بتسخن

كدا يبقى المشكلة في السخان بتاع العربية

[أبو_حمزة]

و العربية باردة ده طبيعى و يبان اكتر فى الاتوماتيك عشان بيبقى التجميع أبطأ

[husseinsalah]

متشكر جدا يا جماعة بس اكون مشكور لو حد صور الكربراتير علشان حاسس ان الخراطيم الصغيرة متركبة غلط

[FunnyMickey]

بص عالموضوع ده ياباشا كده

http://www.nilemotors.net/Nile/185911-a.html

كان مصور الموتور وكده
قوللي لو تنفع اوكي
مكنش قوللي انتا عاوز تصور ايه بالظبط وانا بكره الصبح الصوره تكون عندك بأذن الله

[Rerii]

ان شاء الله اصورهولك الصبح

[amrelsaqqa]

المسؤول عن عملية دوس البنزين مرة واحدة دى حاجة في الكربراتير اسمها
acceleration pump
يعنى بالعربي مضخة تعجيل او طرمبة اكسراتير معرفش اسمها الدارج عند الصنايعية ايه بصراحة

المهم دى مسؤولة انها تزود الخليط بالبنزين اللازم وبسرعة في حالة الضغط المفاجئ على دواسة البنزين

عشان يخلى الخليط غنى و العربية تقدر تنط لقدام وتتفادى الخطر او تتجاوز عربية تانية او تشد وتجمع بسرعة او تطلع مطلع ....


والا هيكون الخليط فقير نتيجة زيادة نسبة الهوا المفاجئة -بسبب الدوس على الدواسة - بدون زيادة البنزين وده ممكن يخلى العربية " تتكتم " و تعمل صوت "whooo oooo oo " وممكن تبطل نتيجة لضعف نسبة البنزين في الخليط الهزيل ده


هو انا لو مكانك مكنتش لعبت في الكربراتير خصوصاا ان العربية كانت مضبوطة وعلى رأي المثل الهندسى
never touch a working machine

وكمان 90% من صنايعية الكربراتير مش عايز اقول كلهم واخدينها فهلوة وعافية ، وبينيلواا الدنيا ويعكوها اخر عك وتلاقيه لغى حاجات وزود حاجات وزود مقاسات وصغر مقاسات وكأنه بيفهم اكتر من الخواجة اللى عملها

-------------------

بس على فكرة ده طبيعى لما تكون العربية باردة ، طالما بتتظبط لما تسخن يبقى هو ده الصح
هى العربية كانت بتاكل بنزين ولا لا ، ولو كانت بتاكل بنزين اتظبطت بعد الفك والتركيب ولا الاستهلاك زاد ولا ايه ؟

[hishamkenawy]

المسؤول عن عملية دوس البنزين مرة واحدة دى حاجة في الكربراتير اسمها
acceleration pump
يعنى بالعربي مضخة تعجيل او طرمبة اكسراتير معرفش اسمها الدارج عند الصنايعية ايه بصراحة

المهم دى مسؤولة انها تزود الخليط بالبنزين اللازم وبسرعة في حالة الضغط المفاجئ على دواسة البنزين

عشان يخلى الخليط غنى و العربية تقدر تنط لقدام وتتفادى الخطر او تتجاوز عربية تانية او تشد وتجمع بسرعة او تطلع مطلع ....


والا هيكون الخليط فقير نتيجة زيادة نسبة الهوا المفاجئة -بسبب الدوس على الدواسة - بدون زيادة البنزين وده ممكن يخلى العربية " تتكتم " و تعمل صوت "whooo oooo oo " وممكن تبطل نتيجة لضعف نسبة البنزين في الخليط الهزيل ده


هو انا لو مكانك مكنتش لعبت في الكربراتير خصوصاا ان العربية كانت مضبوطة وعلى رأي المثل الهندسى
never touch a working machine

وكمان 90% من صنايعية الكربراتير مش عايز اقول كلهم واخدينها فهلوة وعافية ، وبينيلواا الدنيا ويعكوها اخر عك وتلاقيه لغى حاجات وزود حاجات وزود مقاسات وصغر مقاسات وكأنه بيفهم اكتر من الخواجة اللى عملها

-------------------

بس على فكرة ده طبيعى لما تكون العربية باردة ، طالما بتتظبط لما تسخن يبقى هو ده الصح
هى العربية كانت بتاكل بنزين ولا لا ، ولو كانت بتاكل بنزين اتظبطت بعد الفك والتركيب ولا الاستهلاك زاد ولا ايه ؟

[FunnyMickey]

اتفضل ياباشا
صور وفيديو كمان
يارب اكون قدرت اساعدك










YouTube - ‫ظƒط±ط¨ط±ط§طھظٹط±‬‎

[husseinsalah]

مشكوووووووووووووووووووووور جدا اخيرا حد رد على ربنا يكرمك يارب وسلام لهيما وطبا عازرة على عدم الرد وانت عارف لية

[husseinsalah]

وبشكر كل واحد شارك بردة فى الرد