نور التابلوة بتاع لانسر 2001

[bran]

عندى سؤال هل نور التابلوة بتاع لانسر 2001 بيعلى ازاى لان النور عندى ضعيف

[mr_vampire]

هتلاقي عالشمال تحت زرار ظبط المرايات الكهربا بكرة تعلية وتوطية نور التابلوه

[bran]

جربتة يا باشا بس ومش بيعمل حاجه وعموما شكرا على اهتمامك

[M.Nasr]

النور ضعيف ولا مش منور اصلا؟ ولو مش منور خالص شوف الفيوز بتاع نور التابلوه هتلاقيه فى علبة الفيوزات اللى فى الدرج تحت الطارة عالشمال لو الفيوز سليم ممكن المفتاح نفسه باظ اللى بيعلى ويوطى الاضاءة بتاعت التابلوه وهو غالبا هيكون عبارة عن مقاومة متغيرة ( potentiometer ) او يمكن بيلف على الفاضى . فى احتمالات كتير ياريت توصل لنا بالظبط ايه اللى بيحصل

[nice_bird]

كدا ممكن تكون دايرة التعلية بتاعت النور ملحت (الزار اللي بيعلي ) روح لكهربائي يعملك كوبري بحيث تكون عالية ع طول او ينظفوا