اسقط موتور ايه

[Rerii]

انا عندى لانسر كريستالة 99 وهى 1300 و 79 ph وعاوزة اعلى المكنة بتاعتها خاصة انها اوتوماتيك وسحبها ضعيف فيه ناس قالولى ممكن انزلها مكنة الشارك 1600 مايفك عاوزة اعرف الكلام ده صح وللا ايه ؟؟ وياترى لو صح ايه الحاجات اللى بتتغير فى العفشة ؟؟ وهل هحتاج شدادات والليلة دى ؟؟ ولو مينفعش ممكن اسقطلها موتور ايه؟؟

ميرسى ليكوا اوى

[Ralliart]

هو في مكنه 1600 مايفيك بس دي مش بتاعت الشارك دي بتاعت كريستاله اوروبي بس هتحتاج تغيير العفشه والفرامل لانها قوية
انسب حاجه هي الـ1500 اتنين كامه ومش هتحتاج تغيير عفشة وتمنها ارخص من ال1600 بكتير

[Rerii]

هو في مكنه 1600 مايفيك بس دي مش بتاعت الشارك دي بتاعت كريستاله اوروبي بس هتحتاج تغيير العفشه والفرامل لانها قوية
انسب حاجه هي الـ1500 اتنين كامه ومش هتحتاج تغيير عفشة وتمنها ارخص من ال1600 بكتير

ودى كام hp وتمنها كام ؟؟ وهل الفرق بينها وبين 1300 هيكون واضح ؟؟

[elmkaneeki]

نصيحة بلاش
تسقيط المواتير بيجيب مشاكل بعد كدة
خصوصا ان عربيتك كربراتير
التاني هيبقى انجيكشن فلازم لعب فى الضفيرة
عن تجربة صديق فى لانسر 98 بهدلته
دة كفاية الكبالن الى كان بيغيره كل شوية

[Ralliart]

الـ1500 110hp بس خلي بالك علشان في منها اتنين كامه وفي منها كامه واحده 92hp وتمنها في حدود 4000 جنيه
الـ1600 مايفيك 173hp وخلي بالك علشان فيها واحد واتنين كامه وفي منها مش مايفيك وتمنها في حدود 6000 جنيه

والاسعار دي تقريبيه وعلى حسب الاتفاق وشامله الموتور بفتيسه بكنتروله بضفيرته بكمبريسور التكيف وكل دا بخلاف مصنعية التركيب والمكنه القديمه هتتباع في حدود 1000 جنيه

[world_of_kill]

انا ممكن اخد منك المكنه القديمه لو حالتها كويسه بالفتيس بسعر احسن من كدا لو حتبيعها عشان انا محتاج مكنه

[Rerii]

نصيحة بلاش
تسقيط المواتير بيجيب مشاكل بعد كدة
خصوصا ان عربيتك كربراتير
التاني هيبقى انجيكشن فلازم لعب فى الضفيرة
عن تجربة صديق فى لانسر 98 بهدلته
دة كفاية الكبالن الى كان بيغيره كل شوية

لعب فى الضفيرة ليه هو مش الموتور بييجى بالضفيرة بتاعته اصلا؟؟

والكبالن كان بيغيرها كل شويه ليه؟؟؟؟

وبعدين هو انا لو نقطت 1500 مش هحتاج اظبط اى حاجه فى العفشة خالص؟؟ وهل هيفرق كتير فى السحب عن ال 1300؟؟

[Ralliart]

اوعي تشتري موتور من غير ضفيرته طبعاً لان ضفيرتك مستحيل تلاقي حد في مصر يظبطها على انجيكشن والطبيعي ان الموتور بييجي بحاجته بفتيسه وكنتروله وضفيرته والكمبريسور وكبالنه
وطبعاً هيفرق جامد في السحب كأنها عربيه تانيه والعفشه مش هتحتاج تغيير ان شاء الله

[M.Nasr]

هى المكنة اللى راكبة فيها دلوقتى فيها مشكلة ؟ يعنى قصدى عايزة تسقطى ليه ؟لو السحب ضعيف مثلا ممكن تعدلى فيها ليه فكرتى فى التسقيط على طول؟

[Memo_Lancer]

انامسقط ال 1500 الكامتين
و هي1600 مش 1500
بس مشهوره بانها 1500
المهم
الفرق واضح جدااااااااااا
و طبعا الموتور يجي من نص كامل
يعني بفتيسه بالضفيره بالكنترول بكل حاجه

[FunnyMickey]

نصيحة بلاش
تسقيط المواتير بيجيب مشاكل بعد كدة
خصوصا ان عربيتك كربراتير
التاني هيبقى انجيكشن فلازم لعب فى الضفيرة
عن تجربة صديق فى لانسر 98 بهدلته
دة كفاية الكبالن الى كان بيغيره كل شوية

معتقدش ان كم المشاكل كبير كده الا لو حصل حاجتين
اولهم انه لبس مكنه اي كلام
يااما الميكانيكي بتاعه اي كلام

ده اللي يعمل المشاكل
انما الكريستاله من اكتر العربيات اللي مواتيرها خلاص اتحفظت

اهم حاجه تدور عالميكانيكي اللي حيشتغل في المكنه الاول
وتجيب المكنه من واحد مضموووووون
دي اهم حاجه

واهو كابو مسقط اهو
ومن فتره
وسوني كمان مسقط

وكلهم 1600
وولا حد عمل تغيير عفشه اصلا
لان العربيه شاسيها يستحمل

الكلام ده لو 1800 و2400
دول اللي لازم تغيرلهم العفشه

انما اعتقد ال1500 وال1600 لا

اما بالنسبه لريري
فانصيحه بس
كان قالها هيما من فتره

ان المواتير ال1500 قطع غيارها نادره غير ال1600
فحاولي بس تسألي في الموضوع ده عشان لا قدر الله متحتاسيش بعد كده في حاجه

ثانيا لو مكنتك مفيهاش حاجه متغيريش عالفاضي وخلاص
استني اما المكنه تجيب اخرها خالص وبعد كده غيري لانها كده كده في البيع سواء سليمه او بايظه مش حتساوي اكتر من 1000 جنيه
فحرام
يااما زي ما قاللك world of kill
تبيعيها بره وبعد كده تشتري براحتك

وانا شخصيا ناوي علي 1600 توين كام
بس ربنا يكرمنا بقي الخطه اللي جايه ان شاء الله

[MNabeih]

Funny micky
التوقيع بتاعك جامد اوى

[FunnyMickey]

ههههه
من الواضح اني مش انا لوحدي اللي بيتفتح عليا حنفيه المطبخ

[HeMa_LanCeR]

يا حلاوتك يا ميكي وانت عامل فيها ميكانيكي

اهم حاجه في تسقيط المكن ان اللي تشتريه منه هو اللي يسقطها ويركبها ويدورها علشان لو في حاجه هو اللي يشيلها

[Memo_Lancer]

[QUOTE=funnymickey;3873135338]ههههه
من الواضح اني مش انا لوحدي اللي بيتفتح عليا حنفيه المطبخ
انا بتجن منهم بسبب الحوار ده
يبقي المطبخ فاضي
و يجو اول الدوش
ههههههههههههههه
و يالاهوي لو سحنه
ههههههههه

يا حلاوتك يا ميكي وانت عامل فيها ميكانيكي

اهم حاجه في تسقيط المكن ان اللي تشتريه منه هو اللي يسقطها ويركبها ويدورها علشان لو في حاجه هو اللي يشيلها

انا مش مقتنع ان اللي يجيب يسقط لانه ممكن يداري حاجه يا هيما
انما الميكانكي بتاعي و اللي عمل الفتيس من الاوي كلم الراجل و كل حاجه مش عاجباه غيرتها
رشاشات
كراسي فتس
و حاجات فيالفتيس
و سلوك بيوجهات و حاجات كتير