Tweet
اولا انا متأسف جدا انى اتأخرت عليكم فى عمل الموضوع ده بس كنت مشغول جدا ومكنتش بدخل المنتدى من ساعة الوقوع لحد النهاردة
المعلومات الجديدة دى كلها عرفتها خلال حضور حفل اطلاق الوكيل الجديد ( دايموند موتورز ) اللى اتعمل من حوالى اسبوع ونص واللى استعرض فيه الوكيل بعض المعلومات عن سياستهم فى السوق المصرى وخططهم اللى تم وضعها بالتعاون مع الشركة الام رأسا واللى وضحت اهتمامها الكبير بالسوق المصرى وفى استكمال نجاح ميتسوبيشى اللى بدأته من الثمانينات .
الوكيل الجديد طبعا مدعوم مادياً بشكل كبير جدا , تحديدا 100 مليون دولار هو حجم الاستثمارات اللى هيتم ضخها فى مصر للعمل تحت منصة ميتسوبيشى فقط بعيداً عن باقى شركات المجموعة
60 مليون دولار هى المبلغ اللى هيتم استثماره خلال 2011 وهيتم بيه عمل حملة دعاية ضخمة جدا للوكيل ولعلامة ميتسوبيشى لبدء صفحة جديدة , هيتم ايضا افتتاح عدة مراكز خدمة حتى الان عرفت انها هتكون فى ابو رواش وفى شرق القاهرة ( محدش رضى يقول فين بالظبط ) وواحد فى الدلتا واثنين فى الصعيد وواحد فى الاسكندرية وواحد فى شرم او الغردقة مش فاكر تحديداً
مراكز الخدمة جميعها هيتم ادارتها بشكل يصب كليا فى سبيل توفير الراحة والمعاملة الكريمة لملاك ميتسوبيشى , الجزئية دى ادارة الشركة أكدت عليها قوى وقالوا ان لا ميتسوبيشى ولا الطرف الخليجى هيسمح بأى شكاوى من سوء المعاملة او تجاهل العملاء ، بجانب طبعا النظام المعتاد فى التوكيلات الكبيرة بتدريب العمالة بشكل دورى لضمان افضل مستوى خدمة
الوكيل هيركز مش بس على العملاء الجدد ولكن كمان على القدامى ، لما سألنا القيادات عن فترات الضمان أكدوا ان العملاء اللى معاهم ضمان من الوكيل القديم بمجرد افتتاح مراكز الخدمة للوكيل الجديد يقدروا يستكملوا الصيانة هناك بفترة الضمان نفسها عادى جداً والوكيل الجديد ملزوم بأى مشكلة فى عربياتهم
ده بجانب ان مراكز الخدمة مفتوحة لأى عربيات ميتسوبيشى سواء خليجى او مصرى للصيانة بنفس السعر بدون اى رسوم زيادة على ملاك الخليجى ، من ضمن الكلام اللى اتقال كمان ان هيتم النظر فى الكماليات اللى بتتوفر فى العربيات وهيتم العمل على توفير كل ما يمكن توفيره من خطوط انتاج ميتسوبيشى فى مصر واللى يناسب حال السوق ومش هيتم التركيز على موديل على حساب واحد تانى
مراكز الخدمة هيتم الانتهاء منها فى اسرع وقت لكن امتى تحديداً الله اعلم !! ، ومحدش اتكلم نهائى عن موقف الوكيل الجديد من حكم المحاكم المصرية بمنع استيراد عربيات ميتسوبيشى .
الكلام اللى اتقال فى حفل الوكيل الجديد كان فعلا رائع بمعنى الكلمة ، خاصة كلام الاخ اليابانى مدير ميتسوبيشى فى الشرق الاوسط وافريقيا واوروبا اللى كان بيمثل الشركة فى الحفل وكان راجل ذوق جداً
طبعا الله اعلم ايه صح من الكلام ده وهينفذ وايه ممكن يكون وعود وردية ، بس بخصوص الاستثمارات ومراكز الخدمة الكلام مشجع جدا ومطمئن للعملاء الجدد والقدامى لميتسوبيشى
لو عرفت اى معلومات تانى هبلغكم ان شاء الله
المعلومات الجديدة دى كلها عرفتها خلال حضور حفل اطلاق الوكيل الجديد ( دايموند موتورز ) اللى اتعمل من حوالى اسبوع ونص واللى استعرض فيه الوكيل بعض المعلومات عن سياستهم فى السوق المصرى وخططهم اللى تم وضعها بالتعاون مع الشركة الام رأسا واللى وضحت اهتمامها الكبير بالسوق المصرى وفى استكمال نجاح ميتسوبيشى اللى بدأته من الثمانينات .
الوكيل الجديد طبعا مدعوم مادياً بشكل كبير جدا , تحديدا 100 مليون دولار هو حجم الاستثمارات اللى هيتم ضخها فى مصر للعمل تحت منصة ميتسوبيشى فقط بعيداً عن باقى شركات المجموعة
60 مليون دولار هى المبلغ اللى هيتم استثماره خلال 2011 وهيتم بيه عمل حملة دعاية ضخمة جدا للوكيل ولعلامة ميتسوبيشى لبدء صفحة جديدة , هيتم ايضا افتتاح عدة مراكز خدمة حتى الان عرفت انها هتكون فى ابو رواش وفى شرق القاهرة ( محدش رضى يقول فين بالظبط ) وواحد فى الدلتا واثنين فى الصعيد وواحد فى الاسكندرية وواحد فى شرم او الغردقة مش فاكر تحديداً
مراكز الخدمة جميعها هيتم ادارتها بشكل يصب كليا فى سبيل توفير الراحة والمعاملة الكريمة لملاك ميتسوبيشى , الجزئية دى ادارة الشركة أكدت عليها قوى وقالوا ان لا ميتسوبيشى ولا الطرف الخليجى هيسمح بأى شكاوى من سوء المعاملة او تجاهل العملاء ، بجانب طبعا النظام المعتاد فى التوكيلات الكبيرة بتدريب العمالة بشكل دورى لضمان افضل مستوى خدمة
الوكيل هيركز مش بس على العملاء الجدد ولكن كمان على القدامى ، لما سألنا القيادات عن فترات الضمان أكدوا ان العملاء اللى معاهم ضمان من الوكيل القديم بمجرد افتتاح مراكز الخدمة للوكيل الجديد يقدروا يستكملوا الصيانة هناك بفترة الضمان نفسها عادى جداً والوكيل الجديد ملزوم بأى مشكلة فى عربياتهم
ده بجانب ان مراكز الخدمة مفتوحة لأى عربيات ميتسوبيشى سواء خليجى او مصرى للصيانة بنفس السعر بدون اى رسوم زيادة على ملاك الخليجى ، من ضمن الكلام اللى اتقال كمان ان هيتم النظر فى الكماليات اللى بتتوفر فى العربيات وهيتم العمل على توفير كل ما يمكن توفيره من خطوط انتاج ميتسوبيشى فى مصر واللى يناسب حال السوق ومش هيتم التركيز على موديل على حساب واحد تانى
مراكز الخدمة هيتم الانتهاء منها فى اسرع وقت لكن امتى تحديداً الله اعلم !! ، ومحدش اتكلم نهائى عن موقف الوكيل الجديد من حكم المحاكم المصرية بمنع استيراد عربيات ميتسوبيشى .
الكلام اللى اتقال فى حفل الوكيل الجديد كان فعلا رائع بمعنى الكلمة ، خاصة كلام الاخ اليابانى مدير ميتسوبيشى فى الشرق الاوسط وافريقيا واوروبا اللى كان بيمثل الشركة فى الحفل وكان راجل ذوق جداً
طبعا الله اعلم ايه صح من الكلام ده وهينفذ وايه ممكن يكون وعود وردية ، بس بخصوص الاستثمارات ومراكز الخدمة الكلام مشجع جدا ومطمئن للعملاء الجدد والقدامى لميتسوبيشى
لو عرفت اى معلومات تانى هبلغكم ان شاء الله
Comment