مشكله بعد غسيل السياره

[m.aligamal]

انا غسلت عربيتى فى المغلسله و بعدين العربيه برجلت على الاخر
اولا مروحه الردياتير و التكيف شغاله على طول ومبتفصلش و طبعا العربيه بتعانى كتير جدا على متسخن وبحس بنتش فى الغيارات بالظبط كانها لسه مسخنتش
اوقات الاقي المروحه فصلت بعد مسخنت واوقات انيه تفضل شغاله على طول كانى مشغل التكيف
وفى استفسار هوا التانك بتاع الكريستاله بياخد كام لتر لو فاضى خالص اصلى حاسس ان البنزينه الى بمون منها عدداها بايظ
مونت لما لمبه البنزين نورت وفولت لقيتها خدت 44 لتر رغم ان فى ناس بتقول 40 لتر

[pharonicking]

غسيل العربية بالمية بيبوظ حاجات فى الكومبيوتر والحساسات

[m.aligamal]

يباشا العربيه مفيهاش حساسات ولا كمبيوتر

[M.Elgergawy]

أنا عندي اللمبة لما تبدأ تنور بتاخد حوالي 34 35 لتر ولما تثبت على النور بتاعها بتاخد حوالي 37 لتر ودي اكتر مرة حطيت فيها بنزين وبعد كدا قبل متوصل للتلت الأخير بفول على طوول وبتاخد حوالي من 25 28 بالكتير

[M.Elgergawy]

بس هبصلك على الكتاوج وأقولك التنك كام لتر بس بكره بإذن الله لما اغير الزجاج اللي اتكسر

[m.aligamal]

شكرا يباشا ومنتظر ردك عشان انا حاسس ان البنزينه حراميه فعلا

[m.aligamal]

??????????????????????????

[M.Elgergawy]

تنك الكريستالة 1300 سي سي الكربراتير
حجمه 45 لتر بالتمام والكمال
لما اللمبة تبدأ تنور وتطفي يبقى فاضل بالظبط 8 لتر ( يعني لما اللمبة تبدأ تنور معاك يبقى انت هتحط بالكتير 37 لتر تقريبا لغاية أول تكة ودا نفس اللي حصل معايا انهاردة وانا بفول
وملحوظة قريتها في الكتالوج لما تيجي تفول فول لغاية اول أو تاني فصلة ( تكة ) بس مدزودش عن كدا
وكمان قريت إن أقصى سرعة للمانيوال 170 كم / الساعة
الأوتوماتيك 160 كم / الساعة

[A7MED_PHARMA]

تنك الكريستالة 1300 سي سي الكربراتير
حجمه 45 لتر بالتمام والكمال
لما اللمبة تبدأ تنور وتطفي يبقى فاضل بالظبط 8 لتر ( يعني لما اللمبة تبدأ تنور معاك يبقى انت هتحط بالكتير 37 لتر تقريبا لغاية أول تكة ودا نفس اللي حصل معايا انهاردة وانا بفول
وملحوظة قريتها في الكتالوج لما تيجي تفول فول لغاية اول أو تاني فصلة ( تكة ) بس مدزودش عن كدا
وكمان قريت إن أقصى سرعة للمانيوال 170 كم / الساعة
الأوتوماتيك 160 كم / الساعة

واحد صاحبي معاه كريستالة بيجيب بيها الــ 160 مستريح
مانيوال

وبالنسبة لسعة التانك..واضح إن بتاع البنزينة بيسرقك

[husseinsalah]

بالنسبة للمروحة حصلت معايا مرتين لما بغسل الموتور وبترجع تتظبط تانى عادى لوحدها

[M.Elgergawy]

واحد صاحبي معاه كريستالة بيجيب بيها الــ 160 مستريح
مانيوال

أنا عربيتي مانيوال والحمدلله 160 بردوا مستريح

[m.aligamal]

ياترى سؤالى صعب للدرجه دى

[usama_esam]

مشكلتك كالاتي المية دخلت علي البوجيهات مما ادي لعزلها اخرج البوجيهات ونظفها هتلاقي الكهربا ظبطت ومبقتشي تنتش

وقوللي النتيجة

[usama_esam]

مشكلتك ان بعد الغسيل المياة دخلت عند البوجيهات او عملت بخر ودة اللي عملك المشكلة فك البوجيهات ونظفها
وانفخ عند حد عند كمبروسور ورجرب وقوللي النتيجة والله اعلم

[SkyBird]

حصلت معايا مرة بعد ما غسلت حوض العربية لقيتها بتنتش
فكيت العمة لقيت فيها مياه
نشفتها بالفوطة وثلاث كبسات بنزين خلتها زي الفل