تغيير فوجات للبومه

[eldell]

من بعد الموضوع ده....لاحظت الفوجات اللى راكبه على كل العربيات البومه

ولاقيت ناس كتير مركبين فوجات أكبر ومختلفه

وانهارده بالصدفه كان فيه عربيه راكنه عند الكورس وصورتهالك

ايوه حاجه زى ديه كده بس ده اصلا بتاع عربيه ايه علشان ده مش لاعب فى الاكصدام ده راكب على طول

[M.Nasr]

فعلا واضح ان الاكصدام ده مش بتاعها الاصلى بس شكله كويس والفوجات اكيد شكلها كده نورها اقوى من الفوجات الصغيرة
متابع باهتمام

[M!SHO]

واخد بالى أن الأكصدام متغير شويه

تقريباً والله أعلم ده أكصدام 2005 -- 2006 ومتعدل عليه شوية

ولو بصيت لمكان الفوجات ( الفبره السوده ) فى 2006 وفى 2007 هتعرف الفرق

[eldell]

طيب ايه العمل بجد انا زهقت من النور الخافت بتاعها والناس لما اشغل الواطى تحسسنى انى بضرب نار فى وشهم

[M.Nasr]

انا كنت ناوى اركب الفوجات الفابريكة عندى لأن اصلا ماعنديش فوجات
كده هفكر تانى بقا واستنى اما اشوفكم هتعملو ايه

[midomizo]

طيب ايه العمل بجد انا زهقت من النور الخافت بتاعها والناس لما اشغل الواطى تحسسنى انى بضرب نار فى وشهم

الحل اطفى النور لما تكون ماشى فى طريق اتجاهين وصغير
ولما يكون الشارع منور
ولما تقف فى اشارة مثلا

حتا بعد الفوجات هيقولو اطفى الزينون برضو مع انك مش هتلاقى تاثير الفوجات قوى برضو ولازم هتنور النور

[M!SHO]

عندك حل من أتنين يا اما تركب زينون فى الفوجات الأصليه وتطفيه وأنت داخل على لجنه أو كمين ( الاضائه هتفرق جامد )

أو تشوف أنسب فوج بتاع عربيه تانيه....وتروح لواحد بتاع فايبر يثبته ويقفل عليه كويس

[eldell]

الحل اطفى النور لما تكون ماشى فى طريق اتجاهين وصغير
ولما يكون الشارع منور
ولما تقف فى اشارة مثلا

حتا بعد الفوجات هيقولو اطفى الزينون برضو مع انك مش هتلاقى تاثير الفوجات قوى برضو ولازم هتنور النور

المشكله انه هو بيبقى مولع النور وكمان انا بمشى بالفوجات بس سعات مبيبقاش معايا النظاره مببقاش شايف اوى يستحملو بقا يوم
لا بالعكس الفوجات نورها حلو مش وحش بس مش بتاعتنا بتاعتنا اضاءه ضعيفه تشوف بس خفيف خفيف

[eldell]

عندك حل من أتنين يا اما تركب زينون فى الفوجات الأصليه وتطفيه وأنت داخل على لجنه أو كمين ( الاضائه هتفرق جامد )

أو تشوف أنسب فوج بتاع عربيه تانيه....وتروح لواحد بتاع فايبر يثبته ويقفل عليه كويس

الحل الاول برضه هيبقى ضعيف على مااعتقد والانسب هو التانى هشوف كده وربنا يكرم

[Moh.Fahmy]

او ممكن تركب لمبات للفوجات ابيض تلجي بدل الاصفر الفابريكة بيكون فعلا ضعيف لكن الابيض التلجي تحفة - انا كنت مركبه بس كان فيه اخ عزيز و حبيبي يوم مقابلة من مقابلات المنتدي في المعمورة بتاعة عيد ميلاد المنتدي و احنا رايحين كلاسيك نجيب تورتة عيد الميلاد - حب هو اللي يسوق و اخد مطب محترم جدا و بعدها الفوج اليمين اتحرق و من ساعتها مش لاقي وقت عشان اظبطه

[eldell]

او ممكن تركب لمبات للفوجات ابيض تلجي بدل الاصفر الفابريكة بيكون فعلا ضعيف لكن الابيض التلجي تحفة - انا كنت مركبه بس كان فيه اخ عزيز و حبيبي يوم مقابلة من مقابلات المنتدي في المعمورة بتاعة عيد ميلاد المنتدي و احنا رايحين كلاسيك نجيب تورتة عيد الميلاد - حب هو اللي يسوق و اخد مطب محترم جدا و بعدها الفوج اليمين اتحرق و من ساعتها مش لاقي وقت عشان اظبطه

كام وات طيب ياكبير وباذن الله تكونحاجه بسيطه