توكيل ميتسوبيشى الجديد بمصر حصريا

[elzaradashty]

أعلنت شركة ميتسوبيشى العالمية انا وكيلها بمصر هى شركة دايموند انترناشيونال موتورز احدى شركات مجموعة الخرافى الكويتية بمصر ومقرها الكيلو 28 طريق مصر اسكندرية الصحراوى بمدينة ابو رواش الصناعية وباى باى يارواس

[gebreel]

يعني افهم من كدة انهم فتحوا مركز الخدمة بتاعهم ولا ايه؟

اصل جوز اختي عاوز يغير كاتينة و يعمل صيانة ال80000 فلسة مش عارفين نروح الرواس ولا نستنى لما دايموند يفتح؟

و بالمرة بقى انا بفكر علشان التكلفة متبقاش عالية نغير الكاتينة و البلية في التوكيل و الباقي نغيره برة ولا مش هتفرق في التكلفة كثير؟

[kar!m]

دايما اما بتكون فى منافسه بيكون فى عروض و أسعار كويسة .. انما وكيل واحد هو اللى واخد الماركة ده بيخليه يضغط على العميل .. ما انت مفيش قدامك غيرة.

[M.Nasr]

طيب بالنسبة لمراكز الصيانة بتاعت الرواس لسه شغالة بردو ولا خلاص كده قفلت؟

[mahmoud_afifi]

طيب بالنسبة لمراكز الصيانة بتاعت الرواس لسه شغالة بردو ولا خلاص كده قفلت؟

لسه شغاله ومن فتره قريبه واحد صاحبي لسه عامل صيانة ال30 الف في المركز الجديد بتاع العبور.

بس كان نفسي بصراحه دايموند يعملوا مراكز الصيانه بعيد عن ابو رواش عشان الطريق هناك زباله او بالاصح مفيش طريق من اساسه !

[M.Nasr]

لسه شغاله ومن فتره قريبه واحد صاحبي لسه عامل صيانة ال30 الف في المركز الجديد بتاع العبور.

بس كان نفسي بصراحه دايموند يعملوا مراكز الصيانه بعيد عن ابو رواش عشان الطريق هناك زباله او بالاصح مفيش طريق من اساسه !

شكرا على الرد فعلا ابو رواش ده مش هاينفع معايا خالص
بالنسبة لفرع العبور صاحب حضرتك قالك ايه رأيه فيه كان كويس ولا؟

[mahmoud_afifi]

شكرا على الرد فعلا ابو رواش ده مش هاينفع معايا خالص
بالنسبة لفرع العبور صاحب حضرتك قالك ايه رأيه فيه كان كويس ولا؟

هو قالي ان الصيانه كانت كويسه وغسلوله العربيه بعد لما خلصوا. والاهم من ده ان المركز لسه جديد يعني هتلاقي خدمه كويسه والمكان مش متبهدل زي فرع قليوب الي لا يصلح انه يكون مركز خدمه اصلا !

[M.Nasr]

هو قالي ان الصيانه كانت كويسه وغسلوله العربيه بعد لما خلصوا. والاهم من ده ان المركز لسه جديد يعني هتلاقي خدمه كويسه والمكان مش متبهدل زي فرع قليوب الي لا يصلح انه يكون مركز خدمه اصلا !

اشكرك على الرد ان شاء الله الصيانة الجاية اعملها فى مركز العبور

[mahmoud_afifi]

اشكرك على الرد ان شاء الله الصيانة الجاية اعملها فى مركز العبور

تحت امرك وياريت تبقى تقولنا اخبار الصيانه ايه والمركز فعلا زي ما صاحبي بيقول ولا بيشتغلني :))

[dramir1]

طيب لانسرشارك نزلت عندهم زيرو 2011 ولا لسه؟؟؟؟

[M!SHO]

هو مركز الصيانه اللى فى العبور فتح ؟؟!!

ياريت لو فتح فعلاً حد يقولى فين بالظبط ؟؟

[mahmoud_afifi]

هو مركز الصيانه اللى فى العبور فتح ؟؟!!

ياريت لو فتح فعلاً حد يقولى فين بالظبط ؟؟

الي انا متأكد منه 100% انه فتح انما مكانه مش عارفه بالظبط بس تقريبا قريب من مركز تويوتا

[el3omda]

هو مركز الصيانه اللى فى العبور فتح ؟؟!!

ياريت لو فتح فعلاً حد يقولى فين بالظبط ؟؟

أمام كارفور العبور

[M!SHO]

الي انا متأكد منه 100% انه فتح انما مكانه مش عارفه بالظبط بس تقريبا قريب من مركز تويوتا

أمام كارفور العبور

ألف شكر يا رجاله :)

[ma7oo]

معلش فين كارفور العبور ده؟؟؟؟؟؟؟؟؟؟ عاوز العنوان بالتفصيل لو سمحتم لانى مش من القاهره هاحى من المنصورة عاوز اعرف الطريق بالظىط.......شكراااااااااا