عاوز سماعات البومة الأصلية "بتاعت بلادها"

[Xander2010_Evo]

السلام عليكم ورحمة الله وبركاته

ياااارجالة أنا كان ليا سؤال كده
أنا عاوز سماعتين البومة إللي بيركبو ورا
لآن صوتهم عندي بقي فيه حاجات غريبة كأن فيه رمل أو ردة عيش بلدي واقعة فيهم
أو تحس إن عمرو دياب عنده إلتهاب فاللوز
أنا عاوز بتوعها الأصليين علشان مبحبش حوار أقطع وأحفر فالصاج ده
فياتري أجيبهم منين وبكام؟؟
ولكم جزيل الشكر

[A.Saad]

الاستيراد شوف فى الحرفيين
جرب الاول تنظف السماعات بمكنسة او تفكهم وتقلبهم على وشهم
وممكن تركب ماركة تانية نفس المقاس
مش لازم حفر فى الصاج

[as_samman]

نظيف اولاً

ممكن تجرب تنظفهم اولاً علشان ممكن بيكون فعلاً في ذرات اتربة في قلب السماعة و تزن لما تعلي الصوت و بخاصة عندما يكون البيز عالي

[mr_vampire]

مش شرط زيهم بالظبط جيب بيونير او سوني نفس المقاس وهيبقي صوتهم احلي وفنفس الوقت هتركب من غير ماتقطع وتوسع

[Xander2010_Evo]

الاستيراد شوف فى الحرفيين
جرب الاول تنظف السماعات بمكنسة او تفكهم وتقلبهم على وشهم
وممكن تركب ماركة تانية نفس المقاس
مش لازم حفر فى الصاج

والله أنا فكيتهم ونضفتهم بالهواء بس مش ضغط عالي يعني علشان مايفرقعوش
وبردو نفس الززززن

ممكن تجرب تنظفهم اولاً علشان ممكن بيكون فعلاً في ذرات اتربة في قلب السماعة و تزن لما تعلي الصوت و بخاصة عندما يكون البيز عالي

مش شرط زيهم بالظبط جيب بيونير او سوني نفس المقاس وهيبقي صوتهم احلي وفنفس الوقت هتركب من غير ماتقطع وتوسع

أنا مش لاقي حاجة صراحة قدهم المقاس قصدي بيبقي فارق ف حاجات بسيطة وبتحتاج تقطيع بسيط وده إللي بكرهوه
لآن ليا تجربة معاه قبل كده فالشاهين وكان منظرهم زبالة والصوت مش تمام
علي الرغم من إنهم كانو 2 بايونيير بس فعلآ الحاجات إللي بتيجي مع العربية مابتتعوضش صراحة
شكرآ يارجالة علي ردكم
وإن شاء الله هاحاول أنزل الحرفيين فالأجازة

[M.Nasr]

حاول تشوف سماعات زيهم نفس المقاس اكيد هتلاقى ان شاء الله وبعدين اتأكد بردو ان المشكلة فى السماعات نفسها ممكن يكون العيب فى التوصيلات او فى السلك مش متوصل كويس يعنى حاول تتاكد ممكن يطلع العيب من حاجة تانية

[M!SHO]

شوفهم استيراد

صوت سماعات الفابريكه حلو ولو ركبت سماعات تانيه ( بس سماعات نضيفه ) نفس المقاس صوتها هيبقى أنضف وأحلى من الفابريكه

[vodanet]

هم سعرهم كام ؟ عندى اتنين عايز ابيعهم

[M.Nasr]

هم سعرهم كام ؟ عندى اتنين عايز ابيعهم

متابع