هوه المفروض العربيه بتستهلك بنزين كتير اثناء ال1000 الاولى

[limo]

هل المفروض العربيه تستهلك بنزين كتير خلال 1000 الاولى
يا رب تكون الاجابه نعم
انا لسه مستلم العربيه الاسبوع الى فات كنت مستلمها مشايه 8 كم فقط وكانت عايزه بنزين روحت حطيط 25 لتر 92 وعملوا حوالى 150 كم واللمبه نورت تانى
طبعا الاستهلاك ده خيالى وانا مش هقدر عليه
العربيه 1600 واوتوماتيك وماشيه 165 كم بحالهم
ماشى كان خلال الفتره ده هادئ علشان التليين

[tutankhamoun]

هل المفروض العربيه تستهلك بنزين كتير خلال 1000 الاولى
يا رب تكون الاجابه نعم
انا لسه مستلم العربيه الاسبوع الى فات كنت مستلمها مشايه 8 كم فقط وكانت عايزه بنزين روحت حطيط 25 لتر 92 وعملوا حوالى 150 كم واللمبه نورت تانى
طبعا الاستهلاك ده خيالى وانا مش هقدر عليه
العربيه 1600 واوتوماتيك وماشيه 165 كم بحالهم
ماشى كان خلال الفتره ده هادئ علشان التليين

أولا حضرتك مقلتش العربية ماركتها أيه ؟؟؟
بس من الواضح أنها ميتسوبيشي لانسر 1600 سي سي ؟؟؟ صح ؟؟؟
عموما هي العربية بستهلك اكثر في التليين و لكن ليس هذا القدر من الوقود
يعني الجين 2 كانت بتستهلك حوالي 20 لتر لكل 250 -- 270 كم
و بعد التليين كل 20 لتر ممكن يمشوا 300 كم بدون حرق غيارات و سواقة هادية

و أنا أعتقد و الله أعلم إن إستهلاك اللانسر عالي شوية و خصوصا إن عربيت أوتوماتيك كمان ..........
و ياريت يطلع كلامي غلط و حد من الأخوة ملاك اللانسر يفيدوك أحسن مني

[limo]

تمام لانسر 1600 اوتوماتيك شكل قديم مو 2008
بس انا تقريبا سألت ناس كتير معاهم لانسر 1600 واوتوماتيك برضو وعملت موضوع هنا فى قسم المتسوبيشى عن استهلاك البنزين بتاع ال1600 مانوال واوتوماتيك طلع الاستهلاك الطبيعى من 160 الى 200 فى الصفيحه داخل المدينه

[aif]

الحال من بعضة
انا عربيتي اوبترا 1600 ولسة في التليين واستهلاكها علي الطريق ( العين السخنة ) حوالي 211 كيلو في الصفيحة
لكن المفروض ننتظر لما التليين يعدي وبعدين نشوف

[معاذ الشرباصى]

انا معايا فى السيريون 1500 اتوماتيك لسه الاستهلاك متظبطش

يعنى بيتراوح من 260 ل 290 كم فى الصفيحة سرعة لا تتعدى 90 كم, من غير تكييف طبعا

انا دلوقت عامل بيها 1800 كم, المفروض بكره هعمل صيانة الالف, و هفول العربية و ابدأ اتابع استهلاكها

بس الملاحظ, انه بيقل مع الوقت

[tareq_khamesy]

حضرتك ممكن تكون العربية كانت تقريبا مافيهاش بنزين خالص و لما حضرتك حطيت 25 لتر و مشيت بيها اللمبة نورت بس بيكون لسة فيها حوالى 12 او 13 لتر يعنى انت اللى استهلكته فعليا كان برده حوالى 12 او 13 لتر و مشيت بيهم 150 كيلو.. يعنى بمعدل 200 كيلو فى الصفيحة او اكتر و اظن ده معدل حلو قوى ل 1600 اوتوماتيك.
اقترح انك تفول العربية لاخرها و تمشى بيها كام يوم و تشوف هى عملت كام كيلو و بعدين تروح تفول تانى و تشوف انت حطيت كام لتر و بكده تقدر تحسب المعدل بالظبط.

[limo]

لا يا جماعه انا ظلمت العربيه
لما حطيت 25 لتر تانى المؤشر طلع اكتر من اول مره
العربيه استهلاكها تقربيا حوالى من 180 الى 200 فى الصفيحه داخل البلد سواقه هادئه بدون تكيف