اخيرا شديت العربية

[husseinthemaster]

شديت العربية دوكو وسمكرة اول مرة اسمكرها من 3 سنين وارشها دوكو رشيتها دوكو وخليت الورنيش مط بقيت مش مطفية ومش بتلمع زي المرايا بس طلعت جميلة وغيرت الاكصدامين امامي وخلفي وفانوس امامي كبير و2 فلاشر امامي ورحت للكهربائي ركب لمبة في الشنطة من الداخل وركبت زنان مع الباب وركبت فانوس في الصالون وراء المرايا ولسة هركب لمبة في درج التابلوة وبقيت عروسة النيل وتاني يوم من استلامها اتحكت من الرفرف الخلفي هههههههه العين بقا الحمد للة علي كل شئ

[1.8Tee]

الف مبروك يا باشا.

بعد اذنك الأكصدامات و ال 2 فلاشر بكام.

[husseinthemaster]

الله يبارك فيك الاكصدامين ب 250 بس هما خلع مش استيراد والفلاشر الواحد ب 35 من غير فيشة والفيشة ب5

[nicegypt]

الف الف مبروك يا استاذ حسين
ربنا يرزقك خيرها يارب ويبعدك عن شرها .. ويحفظها لك من كل عين قول امين
مبروك وخلي بالك منها

[husseinthemaster]

امين يا رب العالمين
متشكر جدا

[husseinthemaster]

علي فكرة يا جماعة نسيت اقولكم علي حاجة انا ركبت اربع ماكينات زجاج كهرباء وسنتر اصلي ومرايات كهرباء بس عايز اسال هل ممكن اركب فتحة سقف وهل لازم تكون بتاعة لانسر ولا ممكن اي فتحة لاي سيارة اخري

[FunnyMickey]

الف مبروك ياباشا
وياريت بقي صور واسعار الرش والكلام ده
عشان انا ان شاء الله ناوي اشدها قريب

[husseinthemaster]

الصور قريب واسعار الرش 1300 بعد فصال من 1750

[sonystar]

الصور قريب واسعار الرش 1300 بعد فصال من 1750

سعر معقول والف مليون مبروك

[can_be]

الفففففففففففففف مبروووووك يا باشاااااا

[nicegypt]

علي فكرة يا جماعة نسيت اقولكم علي حاجة انا ركبت اربع ماكينات زجاج كهرباء وسنتر اصلي ومرايات كهرباء بس عايز اسال هل ممكن اركب فتحة سقف وهل لازم تكون بتاعة لانسر ولا ممكن اي فتحة لاي سيارة اخري

استاذ حسين
فكرة فتحة السقف رائعة .. بس لا انصحك بها نهائياَ لانى كنت بصدد فعل ذلك
مشاكلها تنحصر حسب ما جمعت الاتى :
اولا : شركة ميتسوبيشى صممت السقف بدون وجود فتحة سقف .. ولا هناك اي دعامات لة .. وبالتالى لو حضرتك فتحت
فتحة سقف فأنت كدة بـــتــضعف قوة تحمل السقف عندك اللى مخصصة لتحمل وزن السيارة فى حالة .. لا قدر الله .
وبالتالى فتحة سقف تضعف السقف بشدة .

ثانيا : اياَ كان حرفية الصنيعي اللى هيعملها .. لازم فى يوم من الايام تجيب بارومة من اي حتة فيها .. وممكن مع الوقت
تلاقيها جابت مية من اي حتة لعدم جودة الكاوتشوك او لعدم حرفية تركيبها .

بلاش فتحة سقف .. الاعضاء باردو هيفيدوك اكتر

[Hussein_Emara]

الف الف مبروك
ربنا يكفيك شر العين و القر

و بلاش فتحة السقف لنفس الاسباب الي قالها الزميل nicegypt

[Haitham10]

فتحة السقف دي فكرتها الاسهل والاضمن حاجة واحدة

تشتري قشرة السقف الي في النص دى استيراد وياحبذا لو بنفس اللون
ويكون فيها فتحة سقف وهتشيل دي وتركب دي

الناس فكراها حكاية مع انها سهله جدا ومش اي حد بيعرف يفرقها اصلا بس هتعوز تفك اللحام الي تحت الجريدة وتلحم التانية مكانها وتحط الجريد تاني

الاسعار معرفش .. بتاعت الكريستاله تقريبا ب1500 اما السمكري معرفش هياخد كام

[husseinthemaster]

شكرا لكل الاعضاء

[husseinthemaster]

علي فكرة يا جماعة العربية اللانسر عربية محترمة من يومها هقولكم علي اللي حصل معايا وانا بركب الزجاج والمرايات الكهرباء رحت لكهربائي قاللي عايز 40 م سللك الوان عشان اعمل الضفيرة وبعد ماشتربت السلك وابتدء في فك الابواب والفرش تحت التابلوة فوجئ باالعربية مجهزة بضفيرة كاملة للمرايات والزجاج والسنترو الفيش موجودة كل اللي عاملة ركب فيش المكن اللي انا شارية في الفيش الموجودة في العربية حتي المرايات الكهرباء فيشتها موجودة في التابلوة وعليها طبة تشيل الطبة وتركب الزرار تشتغل علي طول وكلة اشتغل وتمام الراجل نفسة استغرب وقاللي ان الدايو مفيهاش الكلام دة بس الياباني ياباني فما رايكم في الكلام دة يبقي عربية محترمة ولا لا مستني رايكم