لمبه srs

[m_hagage]

مكتوب علي طاره الدريكسيون في اللانسر srs وكمان في لمبه في التابلوه بنفس الاسم يعني ايه srs
ولو اللمبه دي منوره تبقي ايه المشكله وده له علاقه بالايرباج ولا الايمبوليزرولا ايه بالظبط
ارجو الافاده وشكراااااااااااا

[eng.m7md.ali]

دي لمبة الايرباجز

[M!SHO]

يعنى الأيرباج يا باشا

ولو اللمبه منوره على طول يبقى فيه مشكله فى الحساس

ده عيب شائع فى البومه وبيحصل نتيجه غسيل الكبوت بالمياه أو اللعب فى الكهرباء

الأفضل أن حضرتك تروح التوكيل وهناك فيه حلين

الحل الرخيص...توصيل العربيه بوحدة تحليل الأعطال ( الكمبيوتر )

الحل التانى....تغيير وحدة الأيرباج ( وده طبعاً الحل الغالى...فى حدود 750 جنيه )

[M.Nasr]

محتاجين توضيح الاول اللمبة بتاعت ال srs منورة طول الوقت يبقى فيه مشكلة لو بتنور اول ماتدور العربية بس وتطفى تانى يبقى طبيعى جدا ومفيش مشاكل . حضرتك عندك بيحصل ايه ؟

[Hossamemad]

هو كدا الموضوع لية علاقة بالاير باج
و مدام لمبة الاير باج منورة يبقي الاير باج فيها مشكلة و لازم تروح التوكيل
انا معنديش لانسر و دا كلام عام طبعا و اكيد برضو حد من الزملاء معة لانسر يفيدك اكتر
و انشاء اللله تكون حاجة بسيطة

[M!SHO]

http://www.nilemotors.net/Nile/127891-a.html

[Hossamemad]

لامؤاخذة يرجالة انا عبال مرضيت كان في تلاتة رضوه
و لا كأني قولت حاجة

[m_hagage]

شكرا يارجاله علي الردود
واللمبه منوره علي طول مش بتطفي بعد الدوران
يبقي كده الموضوع محتاج جهاز الاعطال في التوكيل
والحمد لله انا كنت فاكرها حاجه في الموتور

[MR . Gold]

شكرا يارجاله علي الردود
واللمبه منوره علي طول مش بتطفي بعد الدوران
يبقي كده الموضوع محتاج جهاز الاعطال في التوكيل
والحمد لله انا كنت فاكرها حاجه في الموتور

[frame="1 80"]
ياباشا موضوع حضرتك دة ..... دي لمبة الايرباج ودي بتنور كدة باستمرار ممكن نتيجة ان حضرتك ركبت جهاز انذار او لعبت في كهرباء السيارة واطفاء المبة وارجاعها طبيعية كما كانت في التوكيل والموضوع بسيط بيتكلف حوالي 120 تقريبا
[/frame]

[OldVic]

مكتوب علي طاره الدريكسيون في اللانسر srs وكمان في لمبه في التابلوه بنفس الاسم يعني ايه srs
ولو اللمبه دي منوره تبقي ايه المشكله وده له علاقه بالايرباج ولا الايمبوليزرولا ايه بالظبط
ارجو الافاده وشكراااااااااااا

SRS= Supplementary Restraint System

[bassem_sams]

اجابه استاذ طارق على مشاركه اللى فيها نفس مشكلتك انه قال

انا سألت المهندس عبد الجليل في مركز الخدمة الرئيسي في قليوب في الموضوع ده وقال ان مفيش علاقة بين لمبة الايرباج وبين وصول مياه للموتور او غسيل العربية

وان المشكلة دي بيتم معالجتها عن طريق حاجه من اتنين يا اما عن طريق جهاز الفحص (الكمبيوتر) ودي بتكلف 160 جنيه أو لو اتضح ان قرص srs تالف ومحتاج تغيير هيتكلف في حدود 850 جنيه


رأيي الشخصي
الموضوع ده متكرر فعلا واعتقد انه بيحصل نتيجة تركيبات كهربائية في العربية زي كاسيت او جهاز انذار او غيره عند كهربائي عادي مش مركز خدمة متخصص

و لو طلعت مشكله مش فى حساس عن طريق جهاز فحص و ان مشكله ايرباج بقى تالف و مستغلى سعر فى استيراد سعره مترواح مابين 300 الى 400ج فى الحرفيين لكن لو انا مكانك اجيب جديد ده لو متحلتش بالفحص ان شاء الله تكون بسيطه اهم حاجه روح اكشف و طمنا

[Moh.Fahmy]

دي في غالب الامر بتحصل نتيجة مطب جامد جدا حضرتك اخدته و حلها زي ما قالوا بعض الاخوة و هو السوفت وير و بيتعملها reset و بتتكنسل نهائي و برضه ممكن يكون بسبب الغسيل فلذلك الغسيل في الكار كير افضل بكتير